Assalamu'alaikum wr.wb., Maa Bandaro, Ahmadiyah ko adolah aliran nan mangaku ado pulo nabi sasudah nabi Muhammad SAW, yoitu Mirza Ghulam Ahmad. Salah surang jamaahno nan cukuik fanatik adolah urang kampuang kito Nadri. Nan pai i'tikaf ka musajik- musajik balain sangaik. Marekako nan disabuik urang jamaah tabligh, barasa dari gagasan urang-urang India (antah pabilo muloino). Karajo marekako pai dari rumah, dari tampek bakarajo, sakian hari dalam sataun, atau sakian hari dalam sabulan untuak pai tabligh, maajak urang untuak baibadaik, tarutamuno sumbayang bajamaah di musajik. Carono, mareka pai katampek-tampek nan ado musajik dima sajo, dikampuang-kampuang, di kompleks parumahan, mintak ijin kapanguruih musajik untuak bamukim di sinan, duo atau tigo ari, sudahtu biko, satiok sabalum masuak wakatu sumbayang, mareka pai manokoki pintu rumah urang-urang, untuak diajak kamusajik sumbayang bajamaah. Di musajik mareka sumbayang bajamaah sacaro biaso, sudah itu baganti-ganti manyampaian da'wah, mambaco Quran jo hadis. Mareka manjago bana jan sampai mambahas politik pamarintah (mungkin takuik), jan sampai mambahas masalah khilafiyah (ushshali vs indak ushshali, qunut vs indak qunut dsb.) Ditampek muki! m atau di musajik tampek mareka manumpang mareka indak amuah manarimo bantuan masyarakaik, indak amuah mambareki masyarakaik sakitar musajik tampek mareka manumpang duo tigo malamtu. Panampilan mareka memang iyo agak balain, banyak nan bapakaian caro Muslim India nan nampak di Makkah, basarawa galembong, bajubah agak senteang. Ambo tau tantang marekako, karano ado kawan ambo sato jadi jamaah tablighko, agak bakampanye pulo saketek kaambo. Panampilanno sarupo ambo kecekan tu, bapanjangan jangguik, basaroban, banampakan siwak di sakuih baju ateh. Sasudah bacarito agak panjang, ambo tanyoan, laikoh kalian sarupo iko taruih dalam baamal sari-ari kalau sadang indak 'manapa'ko? Aratino kalau kalian baliak katampek kalian masiang-masiang? Kecek kawan amboko pulo, kami usaoan, tapi kadang-kadang, dek di rumah sandiri iyo bakurang-kurang juo iman, itulah sababno satiok bulan kami kalua pulo baliak untuak mampaeloki kadar iman cako. Kecek ambo, sabanno kalau kalian bisa malakukan sarupo iko taruih manaruih di tampek kalian tingga sajo, maajaki urang pai bajamaah kamusajik, badakwah dan sabagaino mungkin labiah elok lai. Sakali wakatu datang pulolah rombongan sapuluah urang dari marekako ka musajik di kampuang ambo (sabalunno alun panah) mintak ijin untuk mukim tigo ari. Ambo jalehkan kajamaah musajik bahaso marekako bagini, bagitu, jadi buliah awak tarimo. Jadilah mareka tamu kami salamo tigo aritu. Iyo sarupo jo nan dicaritoan kawan ambo tadi. Diantaro jamaahtu, nan rupono datang dari tampek nan balain-lain, ado nan dari Jambi, dari Lampuang, dari Jawa dsb,. Ado nan guru, ado insinyur, ado drs, ado pagawai, ado urang padagang, ado urang kampuang paladang. Dalam manyampaian dakwah nampak bahaso marekako masih dalam taraf baraja, tapi sumangaik buliahlah. Dan manuruik mareka pulo namo jamaah tablightu adolah namo diagiahkan urang, jadi bukan mareka sandiri manamoi sarupo itu. Sakitu sajo kapauleh carito. Wassalamu'alaikum wr.wb., Lembang Alam ______________________________ Reply Separator _________________________________ Subject: Ahmadiyah ??( Re: [RantauNet] Islam Jamaah di NZ) Author: [EMAIL PROTECTED] at Internet Date: 10/25/00 12:55 AM Apo "Ahmad Kodian" = aliran "Ahmadiyah", nan bapusek ke Lahore - Pakistan ?? Nan pakai "acara-acara" iktikaf (= mengembara dan lalok-laok disurau-surau ) ???? Dayang, kok lai wakatu io dibuek "resume" babarapo aliran Islam nan populer kiniko, nan tadanga di RN babarapo wakatu ko : - Islam Jamaah ( LDII) - Aliran KH Khodirun Yahya - Aliran Ahmadiyah. - ?? 'Ndaro ------------------------------------------------------------ Free Web-email ---> http://mail.rantaunet.web.id Minangkabau WebPortal ---> http://www.rantaunet.web.id Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================
