> Disiko paralunyo mambuka wacana supayo awak indak dikecekkan > urang gampang menghalalkan darah orang lain nan balainan pandapek. > Wasslam,
> St. Bagindo Nagari Nan indak tamakan dek aka ambo, baa caronyo awak ma-wacana- kan hal2 nan batantangan tapi indak bisa dibuktikan, atau awak cuma samo2 mamacik bukti jo logika nan dikambangkan dari kepercayaan masiang2. Untuak gampangnyo, kok awak tanyoan kok Yesus tu iyo Tuhan manga disalib, kecek urang Kristen disitu pulo latak ka-Tuhan-annyo, dikorbankannyo darah jo dagiangnyo untuak kesalamatan umaiknyo. Masih banyak contohnyo bahkan kalau diwacanakan jo model sumbu pendek, tokh awak lah samo2 mancaliak akibatnyo. Baa mangko awak indak saliang maharagoi hak masiang2 untuak mampicayoi agamo surang2. Mungkin nan paralu di-wacanakan tu manga kok batambah banyak urang awak nan indak tapuehkan dek Islam (saroman nan pernah mak SBN usulkan), sampai banyak nan pindah agamo (urang awak nan pindah agamo ka Kristen tu nyatonyo urang2 nan literative jo agamo Islam) atau malah sampai manciptakan nabi baru. Mungkin nan paralu diwacanakan tu teori si Urpas tantang aturan nan lah talampau gaek indak akomodatif jo pakambangan zaman atau teori mak SBN tantang paralunyo intervensi Al Qur'an kadalam kebudayaan. Kalau ambo iyo agak conservative soal iko Mak. Nan partamo, ambo picayo kalau agamo tu maagiah koridor untuak maakomodasi dinamika umaiknyo. Nan kaduo, ambo indak picayo kalau agamo tu maikuti zaman, kalau iyo agamo tu ado dan umaiknyo ba-kreasi dalam koridor nan lah ditantukan, harusnyo zaman (budaya) nan harusnyo tabantuak dek agamo. Kalau sampai agamo Islam indak bisa mamanuih kabutuhan umaik manusia tarutamo dalam generasi mudo, bisa dimangarati 100%. Ado gap nan mangango antaro teori jo praktek nan jadi bahan tontonannyo sa-hari2. Jadi sagalo macam aturan nan saharusnyo manjadi koridor untuak umaik Islam tu sabananyo indak pernah ta- uji, dek labiah banyak di-teori-kan daripado dijalankan. Apolai lai dek suburnyo kezaliman2 nan mamakai baju agamo mampakuek alasan untuak urang maragukan aturan2 agamo. Paliang indak dari suduik pandang generasi mudo nan kritis. Awak chauvinistic ka symbol2 (banyak urang nan namuah mati kalau digosok-gosok untuak mambela symbol2 Islam), tapi flexible ka aturan. Wass, JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================