Estimados compañeros: Quli masinaka: Wastat mantañä Aymara List qillqaru kusisiñatakiwa. Aymara list qilqaxa aruskipasipxañanakasatakiwa. Aruskipasiñanakasti kunay mana: jakawisata, uraqisata, utasata, markasata, lurawinakasata. Ukhamarusa amuyt'awinakasata. lup'iwisata. Jiwasanxa yatitawa kawkirus sarasktan, kunatsa akapachankasktan, ukhamraki kawkits jutasktan: Jiwasanakaxa aka urakiruxa puriwaytanwa ch'amakpachata, uraqi qhant'ayasa. Uraqi khant'ayasa ajayusampi. Aka uraqinxa jakastanwa uraqi ch'amanchañataki, uraqi panqarayañataki, uraqi jiwasjama jakayañataki. Uraqi jiwasanakampi jakaña. Jiwasanakanxa amtatawa sayt'aña mä wawaki, taqini mayacht'ata. Taqini sartannataki mä tamaki. Ukhama sarnakasaxa mä ch'amakiñaniwa. Mä ch'amakisiti markasa thuruntañataki, markasa ch'amanchañataki. Markasanxa, takinisa kunaymani amtanipxtanwa. Ukanakaxa mayacht'añani. Janiwa khitisa jilakiti, janiwa khitisa juk'akiti. Taqiniwa pachpa uñtanitanwa. Ukhamararu sarthapiñani. Yaqha urkama. Jumanakataki Roman Crespo (Tata Román).
_____________________________________________ Lista de discusión Aymara http://aymara.org/lista/lista.php _____________________________________________
