haturan baktos, Ari simkuring mah saukur rahayat leutik, boro-boro ka Jepang lah, kukituna tangtu mun simkuring bodo katotoloyoh teh meureun, da ukur ngandelkeun hate. Tapi ulah lepat baraya, kualatan boga keneh hate sabage rahayat leutik, simkuring bisa ngarasakeun kanyeri anu salila ieu karandapan kualatan leutikna rasa kaadilan anu katarima ku hirup simkuring, utamana kudipopohokeunana rahayat ku pamarentah anu dikuasaan para begal kapitalis. Kukituna tangtu moal kungsi kapikiran ku simkuring mah pikeun misahkeun antara fungsi sosial jeung fungsi bisnis di hiji pausahaan anu dibiayaan ku rahayat miskin, tapi kudu ngabatikeun ka rahayt miskin, maenya PT. Pertamina didirikeun ku rahayat (ku modal rahayat) tapi ngabisniskeun produkna ka rahayat?, kacida jahatna eta kaayaan teh kang. Tapi emut kang, ulah lepat, ieu diskusi the sanes bade nylahkeun Pertamina atawa PLN, jrrd BUMN anu diprivatisasi, tapi ti kamari oge urang the nuju ngobrolkeun fungsi Negara anu dijalankeun ku pamarentah sebagai REGULATOR anu face to face jeung rahayatna di ieu negeri Upami teu lepat dina sawatara e-mail kang Surtiwa kalangkung nyerat: Pausahaan teh kudu dipisahkeun tina fungsi sosial, saolah-olah pausahaan teh murni saukur ngajalankeun fungsi bisnis kumaha maksudna Kang? Ceuk simkuring fungsi social anu mana?, da ayeuna teu meleg-meleg (mentah-mentah) 100% fungsi sosial sabenerna mah saupama asset nagara anu ngawasaan hajat hirup rahayat loba kudu dikuasa ku rahayat ngaliwatan nagara anu dijalankeun ku pamarentah, nyaeta pamarentah anu ngarasa boga amanah pikeun ngokolakeun kakayaan rahayat eta pikeun karaharjaan rahayatna. Jadi lamun BUMN saperti PLN, Pertamina, jrrd teu meunang dikawasa ku swasta pon kitu deui asing sabab eta pausahaan nagara the salian ti kudu jadi pausahaan rahayat oge kudu bisa jadi penyangga kabutuh rahayat. Wah, wah beruat pisan eta tugas the baraya. Nya bongan saha atuh baheula didirikeun ku perjuangan rahayat, sanes kitu baraya? Ceuk simkuirng mah sigana eta kasauran kang Sur teh teu benten tebih sareng karakter jahat anu diajarkeun ku Kapitalisme, margina dina pamikiran para kapitalis, bisnis nya bisnis teu nyaho dulur, teu nyaho batur sangsasara, tangtu maranehna di mah euweuh deui papatah anu ceuk urang Sunda mah: NULUNG KANU BUTUH NALANG KANU SUSAH. Ayeuna mangga emutan, Lamun Indomie rek teu boga fungsi sosial the paling-paling ukur di-cap KIKIR, tapi manehna oge boga alibi da cenah modal-modal aing ceuk anu bogana teh. Tapi mun Pertamina ayeuna rek ngaleungitkeun fungsi sosial teh tangtu teu boga alesan da memang modalna oge ti rahayat, ngaliwatan nagara tea apanan. Tah ieu pisan yeuh kang, anu ceuk Mubyarto (Guru besar Ekonomi UGM) mah sebagai kekeliruan jeung dosa mun memahami manusa ukur sebagai homo ekonomikus, padahal manusa oge sabenerna mah homo socius atawa homo moralis. Diperhatikeun ku simkuring memang euweuh jaminan leuwih pinter manusa, mangka leuwih bijak, jeung nyaahan ka batur, buktina teu saeutik ari jalma-jalma jegud (borjuis) anu ngarasa geus dingeunahkeun ku alam neoliberal mah satuju bae pikeun ngajual nagara teh, tapi teu saeutik baraya anu sarua miskin jeung bodo siga simkuring oge malah aya anu ngadukung privatisasi jeung asingisasi oge, tapi ari anu memang bodo mah meureun rada wajar, lantaran da memang maranehna mah meureun MASOCHIS tea, teu ngarasaeun panindasan, anu karasana the nyaman bae, PERTAMINA anu dibiyaan ku rahayat kudu BISNIS jeung RAHAYAT. Supaya fair?, atawa supaya anu miskin tambah miskin?. Tah ieu pisan panyakit anu ayeuna nyaliara dina sabagian para paminpin jeung rahayat urang teh baraya, nyaeta panyakit leupasna sifat nyaahan tina jiwa manusana. Atawa ceuk istilah popular Kapitalis mah Laissez nous faire (jangan mengganggu), leave us alone, laisez faire, mangka timbul anu ngaranna ekonomi individualisme. Kukituna karaos ku simkuring jeung sabagian rahayat miskin lianna ieu kanyataan tumiba ku akibat sabagian rahayat anu saeutik boga akses kana pangaweruh jeung kakawasaan miboga eta sifat goring tea, baraya. Ceuk Mubyarto deui, Hernando de Soto kungsi nyebutkeun yen asset atawa hak milik nagara-nagara berkembang teh teu bisa dimangpaatkeun alias modal mati (dead capital), cindekna eta asset teu bisa dijadikeun modal sosial. Sabab sektor ekonomi lemah anu modalna teh injeuman ti koperasi, ngeclok ti baraya, jrrd teu dianggap investasi prospektif. Ceuk persamaan Keynesian, ekonomi makro (Y = C + I), rahayat leutik ukur dianggap konsumsi (C), sedengkeun investasi (I) ukur berlaku ka pengusaha gede. Kukituna loba pisan anu gumantung pisan ka pihak swastanisasi-knglomerasi, kaasup ngajual pausahaan ka pihak asing. Anu kacida picilakaeunana eta lengkah teh babarengan dilakonan ku pamarentah urang. Antukna kaasup sagala bubuth rahayat secara publik jadi gumantung pihak perseorangan bahkan bangsa asing. Upami Kang Surtiwa ngaos Koran Kompas (Senin, 13 Agustus 2007), tangtos bakal sadar yen liberalisasi modal anu salami ieu diwangkongkeun ku salira, saolah-olah ditolak meleg-meleg ku jalma pinter samodel Joseph Stiglitz (najan manehna the can tangtu jalma hade), ceuk manehna liberalisasi modal lain solusi pikeun ningkatkeun pertumbuhan ekonomi malah nyiptakeun ketidakstabilan. Kukituna ari simkuring mah langkung percaya ka jalma anu kagungan logika argumentasina nyata (praktis). Kieu bae simpelna mah Kang, salila ieu liberalisasi modal geus dilakonan tapi anu aya malah jiga kieu geuning. Solusi saur kang Surtiwa kedah mangRATUS-RATUS kali lipet deui didatangkeun eta modal luar negeri the nya kang?, ieu mah contona bae kang, upami salira teu hilap pan saham sakira 90,64 persen saham PT Freeport Indonesia dipiboga ku pausahaan indukna, Freeport McMoRan Copper & Gold Inc. Sisanya, 9,36 persen, jadi milik pamarentah Indonesia (Kompas, Selasa, 14 Agustus 2007), tapi anu aya rahayat Papua khususna geuning kitu buktosna, komo deui sacara umum Indonesia mah, kalaparan jeung kalangkaan bubutuh tetep bae geuning jadi panyakit anu mewabah di tengah-tengan masyarakat urang the kang. Saur akang, dina e-mail anu parantos diserat di waktos kapengker, cenah eta the kusabab gara-gara korupsi. Jadi saleresna korupsi heula atawa liberalisasi heula? Pan korupsi mah geus leuwih tiheula batan privatisasi. Lamun enya gara-gara korupsi naha solusina kudu privatisasi?, Jadi ayeuna simkuring rek naros, gara-gara korupsi atawa gara-gara teu diliberalisasi/privatisasi? Mun ceuk salira mah domain padungdenganana, najan sabenerna terjadi dependensi, tapi teu bisa dikait-kaitkeun kitu bae, beda solusi anu ditawarkeunana oge rupina mah. Salajengna, naha leres ancurna ekonomi nagara urang gara-gara, loba teuing campur tangan nagara dina urusan bisnis kaasup ka pausahaan BUMN. Cindekna kudu dileupaskeun fungsi social anu diemban nagara melalui BUMN, ku ngaliatan dijualna asset rakyat BANYAK ka privat/pribadi/swasta bahkan asing, eta sanes saur salira teh? Hiji conto bae ieu mah, saur salira keneh, ti taun 1991 PLN the teu berhasil ngahontal target REPELITA. Ayeuna PT PLN janten PT ti taun sabaraha nya?, teras ti iraha PErtamina janten PT, ti iraha PT Telkom janten PT?, jrrd. mangga emut ku salira. Najan masih keneh mungkin pamarentah sebagai pemegang saham mayoritas oge, perubahan status perusahaan Negara saperti Perum, Perjan, jrrd jadi PT berarti ti berubah oge PORSI fungsi social eta perusahaan BUMN teh, baraya. Kumha tah saur salira. Da najan Sulastomo anu sakitu dianggap liberalna oge, geuning manehna the sapuk keneh pikeun ayana system ekonomi pasar social terbuka di Indonesia (Kompas, Jumat, 26 September 2003) Sakitu heula kang ah, panjang teuing nya punten sok asa ngeunah curhat the geuningan ari jeung baraya mah, saena mah urang ngayakeun diskusi atuh diajar madungdeng misalkeun KOMUNITAS BARAYA SUNDA MENYELENGGARAKAN DISKUSI PUBLIK YANG PEMBICARANYA: FAISAL BASRI, BURHANUDDIN ABDULLAH, DSB. Atawa diskusi umum member komunitas Baraya Sunda oge teu nanaon meureun jigana mah Kang. Insya Allah kapayun disambung deui, eta oge upami simkuring gaduh alesan kanggo Kang Surtiwa, kajabi upami henteu, nya simkuring mah milih ganti topic bae lah, dari pada asal komentar mah. Hatur nuhun. DEUKUET SILIH DEUHEUSAN, ANGGANG SILIH TEANGAN, POEK SILIH CAANGAN, NYERI SILIH RASANAN, SAREUNDEUK SAIGEL, SAGEUGEUT SAPIHANEAN. surtiwa surtiwa <[EMAIL PROTECTED]> wrote: Sigana mah masih aya anu percanten kana tiori heubeul..idealis..yen sektor anu penting keur balarea kudu dikuasaan Nagara.....Idealna hade pisan..prak2an na amburadul....Kumargi tarjamah na Nagara teh disamikeun jeung Pamarentah alias Birokrat...padahal Nagara teh saleresna tiasa oge anu diperankeun Warga Nagara...janten anu ngaur Nagara cq Pamarentah anu ngajalankeun Nagara cq Warga Nagara...PLN penting keur balarea...ti taun 1991 ..teu tiasa ngudag REPELITA tinggaleun...diantep wae..pan sektor penting parantos di cepeng ku Pamarentah...PJKA..oge sami mawon...rel butut5...KA anjlog..keun wae..anu penting dikuasaan ku Nagara..jrrd. Rek kumaha urang bisa ngudag siga Jepang?Singapur euweuh SDA...euweuh energi keur balare..kudu ngimpor...tapi bisa wae..hirup kulantaran aya peran ti Warga Nagara..malah motekar......... Anggaran papaua Rp 1.3 Triliun/taun...cobi teu adi nanaon..prasarana keur balarea..butut.teu aya....panyakit matuhna anu kedah dileungitkeun heula....korupsi! --- waluya56 <[EMAIL PROTECTED]> wrote: > > rahmi budi <[EMAIL PROTECTED]> wrote: > > Har itu geuning, sugan teh parantos uninga > sektor-sektor penting > > anu ngawasaan hajat hirup balaera teh, beu paingan > sektor bubutuh > > publik dianggapna teh saukur CUBLUK WC. > > Saha nu teu terang Kang? kuring mah nyindiran, > lolobana anu nyarios > teh nu "galede" wae, ari soal WC umum mah kaliwat, > padahal penting > pisan. Eta oge ka-ideu-an ku posting kang Ever pedah > nyebut WC-WC > kitu. Kuduna pamarentah ngayakeun tah WC umum teh, > lamun henteu > masyarakat kudu nuntut DEMO (kuring arek ngiluan). > > WC umum ulah dianggap remeh, Sabab hiji indikator > yen bangsa teh geus > maju jeung beradab atawa acan teh, tiasa ditempo > tina WC umumna > (aya/henteuna jeung kabersihanana)! > > Baktos, > WALUYA > > __________________________________________________________Ready for the edge of your seat? Check out tonight's top picks on Yahoo! TV. http://tv.yahoo.com/
Send instant messages to your online friends http://uk.messenger.yahoo.com [Non-text portions of this message have been removed]
