មន្រ្តីរាជរដ្ឋាភិបាលនិងមេទ័ពកម្ពុជាព្រមានស៊ុនធិដែលប្រមាថ សម្តេចអគ្គមហាសេនាបតីតេជោ ហ៊ុន សែន bayontv.com.kh (21/08/2010 Time3:30pm)
ភ្នំពេញ: មន្រ្តីរាជរដ្ឋាភិបាលនិងមេទ័ពកំពូលរបស់កម្ពុជាបាន ថ្លែងប្រតិ កម្មយ៉ាងខ្លាំងក្លាបំផុតចំពោះការមើលងាយមើលថោក នាយករដ្ឋមន្រ្តី ខ្មែរសម្តេចអគ្គមហាសេនាបតីតេជោហ៊ុន សែនពី សំណាក់ក្រុមវង្វេងប្រវត្តិសាស្រ្តថៃលោកស៊ុនធិលឹមថងគុន។ លោកស៊ុនធិបានប្រាប់ទូរទស្សន៍ASTV កាលពីរាត្រីថ្ងៃទី២០ខែសីហា ឆ្នាំ២០១០ ក្នុងកម្មវិធី“ប្រទេសថៃប្រចាំសប្តាហ៍”ថា «នៅក្នុងសម័យ កើតសង្គ្រាមនៅកម្ពុជា មានប្រជាជនខ្មែរភៀសខ្លួនចូលមកពឹងពាក់ ព្រះមហាក្សត្រថៃ ហើយព្រះមហាក្សត្រថៃ បានប្រទានឲ្យព្រះមហាក្សត្រី យានី និងព្រះរាជវង្សទៅសួរសុខទុក្ខ ថែទាំយ៉ាងជិតស្និទ្ធ ប៉ុន្តែនៅតែមិននឹកគុណ លោក ហ៊ុន សែន នៅតែបង្កើតការប្រេះឆាដល់ ប្រជាជនក្នុងប្រទេសថៃ ដោយផ្តល់ការ ពឹងផ្អែកដល់ក្រុមភេរវករ គិត ផ្តួលរំលំស្ថាប័នព្រះមហាក្សត្រថៃ។ អ្នកដែលមិនភ្ញាក់រលឹកដូច លោក ហ៊ុន សែន កុំថា តែឈាមមកលាងជើង ត្រូវកាត់ក្បាលដោយផ្ចាញ់ ផ្ចាលថែមទៀត» ។ លោកស៊ុនធិថែមទាំងនិយាយទៀតថា «ការដែលយើងមិនដឹងប្រវត្តិសាស្ត្រ មិន ស្គាល់ឬសគល់ប្រវត្តិរបស់ខ្លួនឯង ធ្វើឲ្យមិន ស្គាល់គុណរបស់ បុព្វបុរស ដូចជាខ្មែរ មិនស្គាល់គុណព្រះមហាក្សត្រថៃ ក្នុងអតីត កាល ដែលធ្លាប់ជួយជាច្រើន លើក ប៉ុន្តែនៅតែក្បត់ ដូច្នេះគ្មានអ្វី ចម្លែកទេ សម្តេចព្រះនរេសូរ ទ្រង់យកឈាមមកលាងព្រះបាទ» ។ សុនធិ ថ្លែងទៀតថា «យើងមិនទាមទារប្រាសាទព្រះវិហារដោយការបន្លំ ទេ គឺ ជាការទាមទារសិទ្ធិស្របច្បាប់របស់យើង ដែលយើងជាម្ចាស់យើង មិនបន្លំដូចលោកហ៊ុន សែន នាយករដ្ឋមន្រ្តីកម្ពុជាទេ»។ ឯកឧត្តមទិត សុធាអ្នកនាំពាក្យអង្គភាពព័ត៌មាននិងប្រតិកម្មរហ័ស នៃទីស្តីការ គណ:រដ្ឋមន្រ្តីបានបញ្ជាក់ថា សំដីស៊ុនធិ គឺជាសំដី ពួកបាតផ្សារហើយជាសំដីមនុស្សពាលនិងព្រៃផ្សៃបំផុត មិនសមជា អ្នកនយោបាយ។ នាយឧត្តមសេនីយ៍ផ្កាយមាសបួនជា តារាអគ្គមេបញ្ជាការរងកងយោធពល ខេមរភូមិន្ទ និងជាប្រធានគណ:បញ្ជាការឯកភាពសមរភូមិមុខទទួល បន្ទុកទិសយុទ្ធភូ មិភាគទី៤បានបញ្ជាក់ថា កម្ពុជានៅតែត្រូវការ សម្តេចអគ្គមហាសេនាបតីតេជោហ៊ុន សែនដើម្បីដឹកនាំជាតិកម្ពុជា ។សម្តេចតេជោជានាយករដ្ឋមន្រ្តីដែល កើតចេញពីការបោះឆ្នោត ដោយ សម្លេងគាំទ្រយ៉ាងលើសលប់ពីប្រជាពលរដ្ឋកម្ពុជា។ នាយឧត្តមសេនីយ៍ផ្កាយមាសបួនជា តារាបានព្រមានថា «បើស៊ុនធិចង់ បានទឹកដីកម្ពុជាឬក៏ប្រាសាទព្រះវិហារនោះ សូមលាប្រពន្ធកូន ហើយ លីក្តាម្ឈួសមកជាមួយផង»៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
