អគ្គលេខាធិការ អ.ស.ប.ត្រៀមជួយកម្ពុជា-ថៃដោះស្រាយជម្លោះព្រំដែន
© RFI ដោយ នេត្រ ភក្រ្តា លោក បាន គីមូន តាមរយៈអ្នកនាំពាក្យរបស់លោក បានថ្លែងកាលពីថ្ងៃ ម្សិលមិញថា លោកត្រៀមខ្លួនរួចជាស្រេចក្នុងការជួយរដ្ឋាភិបាល កម្ពុជា និងថៃដោះស្រាយភាពទ័លច្រកក្នុងជម្លោះព្រំដែនរវាងប្រទេស ទាំងពីរ។ លោក ហ្វាហាន់ ហាក់ មន្ត្រីនាំពាក្យអង្គការសហប្រជាជាតិ មាន ប្រសាសន៍ថា លោក បាន គីមូន សង្ឃឹមថា កម្ពុជា និង ថៃនឹងដោះស្រាយជម្លោះ តាមបណ្តោយព្រំប្រទល់ដែនដោយមិត្តភាពតាមរយៈ ការចរចា។ លោកថា លោក បាន គីមូន ត្រៀមខ្លួនរួចហើយដើម្បីជួយភាគីទាំងពីរ។ បទអន្តរាគមន៍របស់ នេត្រ ភក្ត្រា (06:49) 21/08/2010 ការទទួល យកតួនាទីជាអ្នកសម្របសម្រួលរបស់ប្រមុខអង្គការសហប្រជាជាតិ នេះ ធ្វើឡើងបន្ទាប់ពីមានការលើកឡើងរបស់លោកនាយករដ្ឋមន្ត្រី ហ៊ុន សែន ថានឹងពិភាក្សាបញ្ហាជម្លោះព្រំដែនជាមួយនឹងលោក បាន គីមូន ពេល លោកមកបំពេញទស្សនកិច្ចនៅកម្ពុជា នៅចុងខែតុលាខាងមុខ និងបានស្នើ សុំឲ្យលោកបាន គីមូន ឬមន្ត្រីផ្សេងធ្វើអន្តរាគមន៍ដើម្បីជួយ កម្ពុជាដោះស្រាយជម្លោះ ព្រំដែនជាមួយប្រទេសថៃផងដែរ។ ប៉ុន្តែទោះបីយ៉ាងណារហូតមកទល់នឹងពេលនេះមិនទាន់មានសំណើ ជា ផ្លូវការណាមួយពីភាគីកម្ពុជា ឬភាគីថៃឲ្យលោក បាន គីមូន ធ្វើជា អ្នកសម្របសម្រួលជាផ្លូវការនៅឡើយទេ។ រដ្ឋាភិបាលកម្ពុជាបានសម្តែងនូវការគាំទ្រចំពោះគោលជំហររបស់លោក បាន គីមូន ក្នុងការជួយប្រទេសកម្ពុជាដោះស្រាយបញ្ហា។ លោក ទិត សុធា មន្ត្រីអ្នកនាំពាក្យអង្គភាពព័ត៌មាន និងប្រតិកម្មរហ័សរបស់ទីស្តី ការគណៈរដ្ឋមន្ត្រីបានថ្លែងថា ការដែលអគ្គលេខាធិការអង្គការ សហប្រជាជាតិត្រៀមខ្លួនជួយដោះស្រាយបញ្ហា នេះ គឺជាការផ្តល់នូវ ក្តីសង្ឃឹមដល់កម្ពុជា និងក៏ស្របតាមបំណងរបស់កម្ពុជាដែលចង់យក បញ្ហាជម្លោះដែនដីទៅ ដោះស្រាយក្នុងក្របខ័ណ្ឌពហុភាគីដែរ។ មិនតែ ប៉ុណ្ណោះ កម្ពុជានឹងបង្ហាញឯកសារស្របច្បាប់នានាទាក់ទងនឹង អធិបតេយ្យរបស់ កម្ពុជា និងប្រាសាទព្រះវិហារទៅអង្គការសហប្រជាជាតិ និងពិភពលោកទាំងមូលឲ្យបានដឹង។ បើតាមលោក ទិត សុធា ប្រសិនបើបញ្ហាជម្លោះដែនដីនឹងត្រូវបាន ដោះស្រាយដោយមានការចូលរួម ពីសំណាក់ប្រមុខអង្គការសហប្រជាជាតិ នោះ កម្ពុជារំពឹងថាដំណោះស្រាយនឹងមានភាពត្រឹមត្រូវ ហើយអាចទទួលយកបាន ទាំងគ្រប់ភាគី។ កម្ពុជា បើតាមលោក ទិត សុធា ហាក់ដូចជាមិនសូវមាន ជំនឿលើការដោះស្រាយបញ្ហា ដោយទ្វេភាគីទេ ដោយសារតែថៃបានបង្ហាញ ពុតត្បុតយ៉ាងច្បាស់ និងគ្មានឆន្ទៈពិតប្រាកដក្នុងការបញ្ចប់ ជម្លោះ ព្រំដែនរវាងប្រទេសទាំងពីរទេ។ ប្រទេសថៃនៅតែបន្តចង់ដោះស្រាយបញ្ហាដោយសន្តិវិធី។ លោករដ្ឋមន្ត្រី ក្រសួងការបរទេសថៃ លោក កាស៊ីត ភិរម្យ បានសរសេរលិខិតមួយច្បាប់ទៅ ប្រាប់រដ្ឋមន្ត្រីក្រសួងការបរទេសវៀតណាម ដើម្បីឆ្លើយតបទៅនឹងការ ស្នើសុំយោបល់របស់ថៃលើសំណើរបស់កម្ពុជា សុំឲ្យអាស៊ានធ្វើ អន្តរាគមន៍ក្នុងជម្លោះព្រំដែនដែរ។ លោក កាស៊ីត បានសរសេរថា ប្រទេសថៃ ចង់បន្តដោះស្រាយជម្លោះព្រំដែនជាមួយកម្ពុជា តាមរយៈកិច្ចព្រមព្រៀង ទ្វេភាគី និងតាមច្បាប់អន្តរជាតិ ដោយមានជំនឿថា កម្ពុជា-ថៃនឹង ទទួលបានជោគជ័យក្នុងការដោះស្រាយបញ្ហាដោយទ្វេភាគី ដើម្បី ផលប្រយោជន៍នៃប្រជាជាតិដែលស្ថិតនៅជិតខាងគ្នាទាំងពីរ។ ប៉ុន្តែលោក កុយ គួង មន្ត្រីអ្នកនាំពាក្យក្រសួងការបរទេសកម្ពុជាបាន ថ្លែងនៅថ្ងៃនេះថា ប្រសិនបើថៃចង់និយាយពីបញ្ហាដោយកិច្ចចរចា ទ្វេភាគី ថៃត្រូវតែធ្វើការអនុម័តលើកិច្ចព្រមព្រៀងចំនួនបីដែល ប្រមុខការទូត នៃប្រទេសទាំងពីរបានសម្រេចយល់ព្រមជាមួយគ្នានៅ ក្នុងកិច្ចប្រជុំ ចាប់ពីឆ្នាំ ២០០៨ មក។ ទាក់ទងនឹងបញ្ហានេះ លោក កាស៊ីត បានពន្យល់ដល់ប្រទេសសមាជិកអាស៊ានថា ការខកខានមិនទាន់បាន អនុម័តលើកិច្ចព្រមព្រៀងបីរវាងកម្ពុជា-ថៃ គឺមិនមែនថៃមានចេតនា ក្នុងការពន្យារពេលទេ ប៉ុន្តែគឺដោយសារតែថៃត្រូវការគោរពទៅតាម នីតិវិធីប្រជាធិបតេយ្យ។ នៅថ្ងៃនេះមន្ត្រីរដ្ឋាភិបាលកម្ពុជាបានបញ្ចេញប្រតិកម្មខ្លាំងលើ សំដី របស់មេដឹកនាំអាវលឿង ថៃ ស៊ុនធិលឹមថងគុន ដែលបានថ្លែងមើលងាយនាយករដ្ឋមន្ត្រីខ្មែរ។ មន្ត្រី រដ្ឋាភិបាលកម្ពុជា លោក ទិត សុធា បានថ្លែងនៅប៉ុន្មានម៉ោងមុននេះថា កម្ពុជាសូមទាត់ចោល ទាំងស្រុងចំពោះសំដីរបស់មេដឹកនាំអាវលឿងរូបនេះ ដែលបាន ប្រើប្រាស់ភាសាអសីលធម៌មកលើប្រមុខរដ្ឋាភិបាលកម្ពុជានៅ ក្នុង កម្មវិធីទូរទស្សន៍មួយផ្សាយកាលពីយប់មិញ។ មេដឹកនាំអាវលឿង ស៊ុនធិ លឹមថងគុន បានថ្លែងថា លោកនាយករដ្ឋមន្ត្រី ហ៊ុន សែន បានរមិលគុណស្តេច ថៃ និងប្រជាជនថៃ និងថាលោកបានបន្លំយកប្រាសាទព្រះវិហារធ្វើជា របស់កម្ពុជា។ មេដឹកនាំថៃរូបនេះបានចោទលោកនាយករដ្ឋមន្ត្រីថែមទៀត ថា បានបង្កើតនូវភាពប្រេះឆាដល់ប្រជាពលរដ្ឋថៃ ដោយផ្តល់ការគាំទ្រ និងជម្រកដល់ក្រុមភេរវករប្រឆាំងនឹងព្រះមហាក្សត្រថៃ និងបានថាកុំ ថាឡើយយកឈាមមកលាងជើង គឺត្រូវកាត់ក្បាលយកមកដោតផ្ចាញ់ផ្ចាល ថែមទៀត។ លោក ទិត សុធា ថ្លែងថា គឺស៊ុនធិ លឹមថងគុនទេ ដែលជាអ្នកវង្វេង ប្រវត្តិសាស្ត្រ និងបានបន្តថានាយករដ្ឋមន្ត្រីអាភីស៊ីត និង ព្រះមហាក្សត្រថៃ គួរតែតម្រូវឲ្យមេដឹកនាំក្រុមអាវលឿងរូបនេះសុំ ទោសនាយក រដ្ឋមន្ត្រីខ្មែរ ជាផ្លូវការ បើពុំនោះទេ រដ្ឋាភិបាលថៃ របស់អាភីស៊ីតសម្បូរដោយក្រុមមនុស្សពាល និងអសីលធម៌ ហើយថា រដ្ឋាភិបាលនេះ បាននិងកំពុងប្រើប្រាស់ច្បាប់ព្រៃ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
