ចិនក្លាយជាប្រទេសមានសេដ្ឋកិច្ចធំបំផុតទី២ក្នុងលោក cen.com.kh ថ្ងៃទី 17 សីហា 2010
ប្រទេសចិនកំពុងឈានទៅកាន់ ការក្លាយជាមហាអំណាច សេដ្ឋកិច្ចពិភពលោក នាពេលខាងមុខ ដោយកាលពីថ្ងៃចន្ទ ចិនបានឆ្លងកាត់ចំណុច គួរអោយកត់សំគាល់ មួយទៀត នៅពេលខ្លួនបានចូលជំនួសជប៉ុន ក្នុងនាមជាសេដ្ឋកិច្ច ធំ បំផុតទី២ក្នុងលោក បន្ទាប់ពីអាមេរិក ។ កំណើនសេដ្ឋកិច្ចចិន ប្រមាណជា១០ភាគរយ បណ្តាលមកពីតំរូវការ ប្រភពធនធាន គ្រឿងម៉ាស៊ីន និងផលិតផលចេញពីពិភព កំពុងអភិវឌ្ឍន៍មួយនេះ ។ ពួកអ្នកវិភាគជឿថា វាគ្រាន់តែជាពេលវេលាតែប៉ុណ្ណោះ ចិននឹងវ៉ាដាច់ អាមេរិកទៀតនិងក្លាយជា មហាសេដ្ឋកិច្ចលេខមួយក្នុងលោក ប្រហែលជានៅ ឆ្នាំ២០២០ ។ ការចូលដល់ចំណាត់ថ្នាក់ទី២នេះ បានកើតឡើងក្រោយតួលេខ កំណើនរបស់ ចិនត្រូវបានបង្ហាញឡើង ។ រដ្ឋាភិបាលជប៉ុន បាននិយាយថា សេដ្ឋកិច្ចរបស់ ខ្លួន បានកើនតែ០,៤% នៅត្រីមាសទី២ ទាបជាងកំណើន ៤,៤% នៅត្រីមាសទី ១ និង ២,៣% តាមការទស្សន៍ទាយ របស់អ្នកសេដ្ឋកិច្ច ។ សេដ្ឋកិច្ចចិនកើនប្រមាណ ១០% ក្នុងមួយឆ្នាំ ខណៈដែលសេដ្ឋកិច្ច ជប៉ុន ត្រូវគេព្យាការណ៍ថា អាចកើនបាន ២ ទៅ ៣% នៅឆ្នាំនេះ ។ នេះ មានន័យថា ទិន្នផលសេដ្ឋកិច្ចជប៉ុនមានចំនួន ១.២៩០.០០០.លានដុល្លារ នៅពេលចិនមានចំនួន ១.៣៤០.០០០លានដុល្លារ ។ តួលេខនេះបង្ហាញថា ចិនផុសខ្លួនឡើង ជាមហាអំណាចសេដ្ឋកិច្ចដ៏ធំមួយ ។ ចិនបានក្លាយជាប្រទេសនាំចេញ ជាប្រទេសទិញរថយន្ត និងជាអ្នកផលិត ដែកធំបំផុតលើលោក ។ ប្រទេសនេះក៏ជាកម្លាំងដ៏ធំមួយ នៅពីក្រោយ ការងើបឡើងរបស់ពិភពលោក ចេញពីឱនភាពកន្លងមក ដោយជួយអោយមានសេចក្តី ត្រូវការ ខាងការនាំចេញពីអាមេរិក ជប៉ុននិងអឺរ៉ុប ។ តែពួកអ្នកសេដ្ឋកិច្ច បានព្រមានថា តួលេខចុងក្រោយមកពីក្រុងតូ ក្យូ បានបង្ហាញថា តំរូវការចិន តែឯងអាចមិនគ្រប់គ្រាន់ សំរាប់ សេដ្ឋកិច្ចធំៗ ដោយរួមទាំងអង់គ្លេស ត្រូវពឹងអាស្រ័យនោះទេ ។ ចាប់តាំងពីទសវត្សរ៍៩០មក សេដ្ឋកិច្ចជប៉ុន ហាក់មិនរីកលូតលាស់លឿន នៅពេលចិនស្ទុះឡើងជាប់ ។ គម្លាតទ្រព្យធនរវាងពួកអ្នកមាន ដែលទទួលផលពីកំណែទំរង់ បី ទសវត្សរ៍នៅចិន និងពួកអ្នកក្រីក្រភាគច្រើន មានភាពខុសគ្នាឆ្ងាយ ណាស់ ។ អ្នកមានទ្រព្យសម្បត្តិមួយពាន់លានដុល្លារឡើង នៅចិនបានកើន ដល់រាប់សិបនាក់ ក្នុងពេលអ្នកក្រីក្រមានចំណូលស្មើនឹងអ្នកដែល ទទួល ចំណូលទាបបំផុតក្នុងលោក ។ និយាយពីជប៉ុន ប្រទេសមួយនេះ បានងើបចេញពីផេះផង់ នៃ សង្គ្រាមលោកលើកទី២ ហើយក្លាយជាមហាអំណាច ខាងកម្មន្តសាលកម្មនិង ហិរញ្ញវត្ថុ ។ តែអ្វីដែលគេហៅថា “ អព្ភូតហេតុសេដ្ឋកិច្ច ” នោះបាន ក្លាយជាទ្រព្យពពុះដ៏ធំ នៅទសវត្សរ៍១៩៨០ មុនពេលវាផ្ទុះបែក ទៅជា ខ្យល់អស់នៅឆ្នាំ១៩៩១ ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
