កិច្ចប្រជុំនៃមិត្តរបស់តុលាការខ្មែរក្រហម ដើម្បីស្វែងរក វិភាគទាន បន្តដំណើរការកាត់ទោសមេខ្មែរក្រហម
© សុវណ្ណារ៉ា ដោយ លី ម៉េងហួរ នៅថ្ងៃអង្គារ ទី ៧ កញ្ញានេះ ក្រុមមន្ត្រីតុលាការខ្មែរក្រហម តំណាង រាជរដ្ឋាភិបាលកម្ពុជា បណ្តាឯកអគ្គរាជទូត និងឯកអគ្គរដ្ឋទូត ប្រចាំ កម្ពុជាប្រមាណជិត ៤០ ប្រទេស តំណាងអង្គការសហប្រជាជាតិ និងតំណាងសហភាព អឺរ៉ុប ដែលគេហៅថា មិត្តរបស់សាលាក្តីខ្មែរក្រហម បានជួបប្រជុំគ្នា ដើម្បីស្វែងរកការរៃអង្គាសថវិកា សម្រាប់បន្តដំណើរការកាត់ទោសមេ ខ្មែរក្រហម។ ទាំងភាគីកម្ពុជា និងទាំងភាគីអង្គការសហប្រជាជាតិ ក្នុង តុលាការខ្មែរក្រហម កំពុងតែប្រឈមនឹងកង្វះថវិកា សម្រាប់ឆ្នាំ ២០១០ និងឆ្នាំ ២០១១។ rfi កិច្ចប្រជុំ នៅទីស្តីការគណៈរដ្ឋមន្ត្រី ដឹកនាំដោយឯកអគ្គរាជទូតជប៉ុន និងបារាំង ដែលជាសហប្រធានប្តូរវេននៃកិច្ចប្រជុំបណ្តាប្រទេសជា មិត្តរបស់ តុលាការខ្មែរក្រហម នៅព្រឹកមិញ ធ្វើឡើងក្រោមវត្តមានរបស់ លោកឧបនាយករដ្ឋមន្ត្រី សុខ អាន ដែលជាប្រធានក្រុមការងារបង្កើតតុលាការ ខ្មែរក្រហមរបស់រដ្ឋាភិបាល កម្ពុជា និងលោក Clint Williamson អ្នកជំនាញការពិសេសរបស់អគ្គលេខាធិការអង្គការសហប្រជាជាតិ សម្រាប់ការ កាត់ទោសមេខ្មែរក្រហម។ កិច្ចប្រជុំ ជាទ្រង់ទ្រាយធំនាពេលនេះ ជាកិច្ចប្រជុំប្រចាំត្រីមាស រៀងរាល់ ៣ ខែម្តង រវាងមន្ត្រីតុលាការខ្មែរក្រហម និងបណ្តាអង្គទូតនៃ ប្រទេស ដែលបានផ្តល់ជំនួយដល់តុលាការចម្រុះកាត់ទោសមេខ្មែរក្រហម។ កិច្ចប្រជុំនេះ មានគោលបំណងសំខាន់ពីរ គឺទី១-ស្វែងយល់ពី ការវិវឌ្ឍន៍របស់តុលាការខ្មែរក្រហម និងទី២-លើកឡើងពីការរៃអង្គាស ថវិកា ដើម្បីទ្រទ្រង់កញ្ចប់ថវិកា របស់តុលាការខ្មែរក្រហម នៅឆ្នាំ ២០១០ និងឆ្នាំ២០១១។ ខ្សែវិដេអូឯកសារ ស្តីពី លទ្ធផលនៃការកាត់ទោសលើសំណុំរឿង ០០១ ព្រមទាំង ការផ្សព្វផ្សាយពីសកម្មភាពមហាជន ចូលរួមដោយផ្ទាល់ជាមួយសាលាក្តី ការ បញ្ចាំងខ្សែភាពយន្តតាមបណ្តាខេត្តនានា និងការទស្សនាគុកទួលស្លែង ត្រូវបានលើកបង្ហាញដល់បណ្តាប្រទេសអ្នកផ្តល់ជំនួយ នៅព្រឹកមិញ។ ចំណែកថវិកាសម្រាប់ភាគីកម្ពុជា និងភាគីអង្គការសហប្រជាជាតិ ក្នុង តុលាការចម្រុះកាត់ទោសមេដឹកនាំខ្មែរក្រហម ក៏ត្រូវបានបង្ហាញក្នុង កិច្ចប្រជុំនោះថា ភាគីអង្គការសហប្រជាជាតិ នៅខ្វះថវិកាចំនួន ៦,៤ លាន ដុល្លារ សម្រាប់ឆ្នាំ២០១០ និងឆ្នាំ២០១១ ចំនួន ២៩,៨ លានដុល្លារ។ ចំណែកភាគីកម្ពុជា នៅខ្វះថវិកាចំនួន ១ លានដុល្លារសម្រាប់ឆ្នាំ ២០១០ និងឆ្នាំ២០១១ ត្រូវការថវិកាចំនួន ១១,៧ លានដុល្លារ។ ក៏ប៉ុន្តែ ខ្ទង់ថវិការបស់ភាគីកម្ពុជា ទទួលបានការសន្យាផ្តល់ថវិកា ពីបណ្តា ប្រទេសជាមិត្តចំនួន ៤ លានដុល្លារ ដែលក្នុងនោះ បូករួមទាំងថវិកា ១,១ លានដុល្លារ ដែលជាខ្ទង់ចំណាយរបស់រដ្ឋាភិបាលកម្ពុជា។ លោក ឌឹម សុវណ្ណារុំ មន្ត្រីទទួលបន្ទុកការងារព័ត៌មាន របស់តុលាការ ខ្មែរក្រហម បានលើកឡើងថា ថវិការបស់ភាគីកម្ពុជា ក្នុងតុលាការ ខ្មែរក្រហម មានត្រឹមតែខែវិច្ឆិកាប៉ុណ្ណោះ។ ចំពោះមុខកង្វះថវិកានេះ រដ្ឋាភិបាលកម្ពុជា តាមរយៈលោក ឧបនាយករដ្ឋមន្ត្រី សុខ អាន បានអំពាវនាវដល់បណ្តាប្រទេសជាមិត្តរបស់ តុលាការ ឲ្យបន្តផ្តល់វិភាគទាន ដើម្បីឲ្យបេសកកម្មរបស់តុលាការចម្រុះ កាត់ទោសអតីតមេដឹកនាំខ្មែរក្រហម ដំណើរការចប់ចុងចប់ដើម។ បន្ទាប់ពីកិច្ចប្រជុំ លោក ឌឹម សុវណ្ណារុំ បានគូសបញ្ជាក់ថា មិនទាន់ មានជាការប្រកាសថា ប្រទេសណាមួយ ផ្តល់ថវិកាប៉ុន្មានៗ ដល់សាលាក្តីទេ ។ ប៉ុន្តែបណ្តាប្រទេសជាមិត្តរបស់តុលាការ ដែលមានទាំងបណ្តាប្រទេស សហភាពអឺរ៉ុបផងនោះ សន្យាផ្តល់វិភាគទានបន្តទៀត ដល់តុលាការ ខ្មែរក្រហម។ បង្កើតឡើងកាលពីខែកុម្ភៈ ឆ្នាំ២០០៦ តុលាការចម្រុះ បានចំណាយថវិកា ទាំងផ្នែកជាតិ និងអន្តរជាតិអស់ជាង ១០០ លានដុល្លារអាមេរិក ដើម្បី កាត់ទោសមេដឹកនាំខ្មែរក្រហម ៥ រូប ដែលរួមមាន៖ កាំង ហ្កេកអ៊ាវ ហៅ ឌុច, នួន ជា, អៀង សារី, អៀង ធីរិទ្ធ និងខៀវ សំផន៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
