មេធាវី សម រង្ស៊ី គ្រោងបង្ហាញឯកសារសំខាន់២ ពាក់ព័ន្ធនិងព្រំដែន ទៅតុលាការ
cen.com.kh
ដោយ : សុភក្រ្ត (ថ្ងៃទី 7 កញ្ញា 2010)
ភ្នំពេញ: តុលាការក្រុងភ្នំពេញបើកសវនាការជុំនំជម្រះលើបណ្តឹងរបស់
មេធាវី រាជរដ្ឋាភិបាលនៅថ្ងៃទី០៨ កញ្ញា ២០១០ ដែលប្តឹងលោកសម រង្ស៊ី
ពីបទក្លែងផែនទី និងផ្សាយព័ត៌មានមិនពិត យោងតាមមាត្រា ៤៩ . ៦២ នៃ
ច្បាប់ព្រហ្មទណ្ឌអន្តរកាល ។
លោក ជូង ជូងី មេធាវីលោក សម រង្ស៊ី បាននិយាយប្រាប់
ក្រុមអ្នកកាសែតនៅថ្ងៃទី០៧ កញ្ញា នេះថា លោកសម រង្ស៊ី ដែលជាកូនក្តី
របស់លោក ពុំមានបទល្មើសដូចការចោទប្រកាន់ពីសំណាក់តុលាការទេ ។
លោក ជូង ជូងី បាននិយាយថា នៅថ្ងៃទី០៨ កញ្ញា ស្អែកនេះលោកនិង
ស្នើឲ្យតុលាការ ពិចារណាលើកលែងការចោទប្រកាន់ លោក សម រង្ស៊ី ហើយលោក
ក៏មានគម្រោងបង្ហាញ ឯកសារពីរដែលសំខាន់ គឺឯកសារ របស់សាស្ត្រាចារ្យ
រីហ្សីស ថ្កាឡូស ដែលជាអ្នកជំនាញខាងផែនទី បានធ្វើការបកស្រាយនិង
លិខិតឆ្លើយបំភ្លឺ របស់លោក សម រង្ស៊ី ដែលអះអាងថា លោកមិនបានបង្កើត
ផែនទីថ្មី និងផ្សព្វផ្សាយព័ត៌មានមិនពិត ។
លោក យឹម សុវណ្ណ អ្នកនាំពាក្យគណបក្ស សម រង្ស៊ី បានចាត់ទុករឿងក្តី
លោក សម រង្ស៊ី ដែលតុលាការ គ្រោងបើកនៅថ្ងៃទី០៨ កញ្ញ នេះ ជារឿង
នយោបាយ ត្រូវតែមានការដោះស្រាយតាមផ្លូវនយោបាយ ។
សវនាការថ្ងៃទី០៨ កញ្ញា ស្អែកនេះ មានមន្ត្រីសង្គមស៊ីវិល ជាតិ
និងអន្តរជាតិ មន្ត្រីការទូតបរទេស និងសកម្មជនគណបក្ស សម រង្ស៊ី ជាច្រើន
នាក់ចូលរួមតាមដាន ៕
--
You received this message because you are subscribed to the Google Groups
"Cambodia Discussion (CAMDISC) - www.cambodia.org" group.
This is an unmoderated forum. Please refrain from using foul language.
Thank you for your understanding. Peace among us and in Cambodia.
To post to this group, send email to [email protected]
To unsubscribe from this group, send email to
[email protected]
For more options, visit this group at http://groups.google.com/group/camdisc
Learn more - http://www.cambodia.org
