កម្មករ ៨ម៉ឺននាក់ត្រៀមខ្លួនធ្វើកូដកម្ម ចាប់ពីថ្ងៃទី១៣ កញ្ញា លោកអាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា RFI ដោយ នេត្រ ភក្រ្តា
កម្មកររោងចក្រកាត់ដេរប្រមាណ ៨ ម៉ឺននាក់មានគម្រោងធ្វើកូដកម្មដ៏ ធំមួយ ចាប់ពីថ្ងៃចន្ទសបា្តហ៍ក្រោយតទៅ ដើម្បីទាមទារដំឡើង ប្រាក់ឈ្នួល និងប្រាក់បន្ទាប់បន្សំនានា ដើម្បីអាចឲ្យពួកគេរស់នៅ បាន។ ប៉ុន្តែ ក្រុមមន្ត្រីធ្វើការងារលើវិស័យកាត់ដេរបានព្រមានថា កូដកម្ម និងបាតុកម្មមិនមែនជាដំណោះស្រាយទេ វាអាចធ្វើឲ្យប៉ះពាល់ ដល់សង្វាក់ផលិតកម្ម និងមិនមានផលល្អសម្រាប់សេដ្ឋកិច្ចកម្ពុជាឡើយ។ បទអន្តរាគមន៍របស់នេត្រ ភក្រ្តា កូដកម្ម ដែលគ្រោងនឹងធ្វើឡើងនៅថ្ងៃចន្ទសបា្តហ៍ក្រោយនេះគឺដឹកនាំ ដោយលោកអាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរ កម្ពុជា និងអាចមានការចូលរួមពីសហជីពផ្សេងៗទៀត។ លោកអាត់ ធន់ ថ្លែងឲ្យដឹងនៅថ្ងៃនេះកូដកម្មទ្រង់ទ្រាយធំនេះអាចនឹងមានការចូលរួម ពីកម្មករ កម្មការិនី ប្រមាណ ៨ ម៉ឺននាក់ មកពីរោងចក្រកាត់ដេរយ៉ាងហោច ណាស់ ៨០ រោងចក្រ នៅក្នុងរាជធានីភ្នំពេញ ខេត្តកណ្តាល ខេត្តកំពង់ស្ពឺ និងខេត្តកំពង់ឆ្នាំង។ លោកអាត់ ធន់ បានគូសបញ្ជាក់ថា កូដកម្មនេះនឹងធ្វើឡើង ដោយកម្មករ មិនធ្វើការ ឬដោយឈរនៅមុខរោងចក្ររៀងៗខ្លួន ប៉ុន្តែលោកបាន សង្កត់ធ្ងន់ថា ក្រុមកម្មករនឹងមិនដើរក្បួនធ្វើការតវ៉ា នៅតាមដង ផ្លូវទេ។ ការធ្វើកូដកម្មដែលនឹងចាប់ផ្តើមឡើង នៅថ្ងៃទី១៣ ខែកញ្ញា ខាងមុខ ត្រូវបានលោកអាត់ ធន់អះអាងថា នឹងមិនមានថ្ងៃកំណត់បញ្ឈប់ នោះឡើយ គឺកូដកម្មបន្តធ្វើរហូតទាល់តែទទួលបាននូវដំណោះស្រាយសមស្រប ណាមួយ ពីក្រុមថៅកែរោងចក្រ។ លោកអាត់ ធន់ បានថ្លែងឲ្យដឹងថា កូដកម្មនេះគឺដើម្បីទាមទារប្រាក់ទ្រទ្រង់ ជីវភាពឲ្យបានសមរម្យ សម្រាប់កម្មករម្នាក់ៗ ពោលគឺប្រាក់ឈ្នួលរស់នៅសមរម្យដែល យោងតាម ការសិក្សារបស់អ្នកសេដ្ឋកិច្ចគឺ លុះត្រាតែកម្មករទទួលបានប្រាក់ ឈ្នួល ៩៣ ដុល្លារអាមេរិកក្នុងមួយខែ។ បើតាម លោក អាត់ ធន់ ការទាមទារគឺ ផ្តោតលើប្រាក់ឧបត្ថម្ភ បន្ទាប់បន្សំមួយចំនួន ដែលជាប្រាក់ឈ្នួលសមរម្យសម្រាប់ផ្គត់ផ្គង់ កម្មករ។ ប្រាក់ឈ្នួលទាំងនោះដែលថៅកែរោងចក្រក៏ដូចជារដ្ឋាភិបាល ត្រូវគិតគូរ គឺប្រាក់ឧបត្ថម្ភលើសុខភាព ប្រាក់ថ្លៃអាហារ និងប្រាក់ អតីតភាពការងារជាដើម។ លោកអាត់ ធន់ បានថ្លែងថា ការទាមទារនេះ គឺ ដើម្បីផ្តល់ផលប្រយោជន៍ដល់កម្មករ កម្មការិនីទាំងអស់គ្នា។ ទាក់ទងនឹងការធ្វើកូដកម្មនេះ លោករ៉ុង ឈុនបានបញ្ជាក់ នៅថ្ងៃសៅរ៍ ទី ១១កញ្ញា២០១០នេះថា សហជីពសេរីកម្មករនៃព្រះរាជាណាចក្រកម្ពុជា នឹងមិនចូលរួមក្នុងមហា កូដកម្មនេះទេ។ ហេតុផលគឺថា ការទាមទារលើ ប្រាក់ថ្លៃអាហារ ប្រាក់លើកទឹកចិត្តដល់កម្មករ និងប្រាក់អតីតភាព ការងារដែលក្រុមលោកអាត់ ធន់ ដាក់ជារបៀបវារៈសំខាន់ក្នុង ការទាមទារក្នុងពេលធ្វើកូដកម្មលើកនេះ ត្រូវបានក្រុមលោកធ្វើការ ស្នើសុំរួចហើយ ចាប់តាំងពីខែកក្កដាមកម្ល៉េះ។ លោករ៉ុង ឈុនបានឲ្យ ដឹងថា សំណុំឯកសារកំពុងតែស្ថិតនៅក្នុងដៃសមាគមរោងចក្រកាត់ដេរ កម្ពុជា។ សមាគមរោងចក្រកាត់ដេរដែលតាមការឲ្យដឹងរបស់លោករ៉ុង ឈុនបានសន្យា ថា នឹងលើកយកសំណើទាំងនេះទៅពិភាក្សាក្នុងគណៈកម្មការប្រឹក្សា ការងារ ដែលជាគណៈកម្មការអន្តរក្រសួងមួយ។ ជាមួយគ្នានេះដែរ លោករ៉ុង ឈុនបានគូសបញ្ជាក់ថា សហជីពសេរីកម្មករអនុវត្តតាមនីតិវីធីច្បាប់លើ ការទាមទារប្រាក់ឈ្នួល សមរម្យសម្រាប់កម្មករនេះ។ ប៉ុន្តែ លោករ៉ុង ឈុន បានព្រមានថា ប្រសិនបើមិនមានលទ្ធផលអ្វីទេ នោះសហជីពនឹងពិចារណា តាមរយៈការតវ៉ា ដូចជាកូដកម្ម និងបាតុកម្មជាដើម។ ចំពោះមុខគម្រោងកូដកម្មនេះ សមាគមរោងចក្រកាត់ដេរ នៅកម្ពុជាបាន ស្នើសុំភាគីពាក់ព័ន្ធទាំងអស់ឲ្យគោរពតាមសេចក្តី សម្រេចរបស់ គណៈកម្មការប្រឹក្សាការងារ ពោល គឺការដំឡើងប្រាក់ខែគោលអប្បបរមា ៦១ ដុល្លារសម្រាប់កម្មករដែលនឹងត្រូវចាប់អនុវត្ត ពីខែតុលាខាងមុខ នេះទៅ។ មន្ត្រីសមាគមរោងចក្រកាត់ដេរ បានថ្លែងថា ការទាមទាររបស់ កម្មករពុំមានលក្ខណៈជាក់ស្តែងនោះទេ ហើយបានលើកទឹកចិត្តកម្មករ កម្មការិនី ឲ្យពិចារណាលើការឈប់ពីការងាររបស់ខ្លួនដើម្បីធ្វើ កូដកម្មឡើងវិញ។ កូដកម្មណាមួយមិនបានផ្តល់ផលល្អនោះទេ តែនឹងធ្វើ ឲ្យរាំងស្ទះដល់ឧស្សាហកម្មកាត់ដេរកម្ពុជា។ ចំណែកឯ មន្ត្រីរដ្ឋាភិបាលក៏បានអំពាវនាវដូចគ្នានេះដែរ ឲ្យកម្មករ ធ្វើការពិចារណាចំពោះគម្រោងនៃការធ្វើកូដកម្មនេះឡើងវិញ ដោយបាន ថ្លែងថា វាមិនផ្តល់ផលល្អនោះទេ ក្រៅពីការបាត់បង់ផលប្រយោជន៍។ លោក ទិត សុធា មន្ត្រីអ្នកនាំពាក្យអង្គភាពព័ត៌មាន និងប្រតិកម្មរហ័សរបស់ ទីស្តីការគណៈរដ្ឋមន្ត្រីបានថ្លែង នៅថ្ងៃនេះថា ក្រុមរបស់លោកអាត់ ធន់ គួរតែរក្សានូវភាពស្ងប់ស្ងាត់ ដោយរក្សាការដោះស្រាយដោយ សន្តិវិធី។ លោកបានគូសបញ្ជាក់ថា ការធ្វើ កូដកម្ម ឬបាតុកម្ម គឺវា មិនខុសពីការបំផ្លាញការវិនិយោគទុន និងបំផ្លាញឆ្នាំងបាយកម្មករ ខ្លួនឯងនោះទេ។ លោកអាត់ ធន់ បានថ្លែងថា ការលើកឡើងនេះ គឺជាការបង្អាក់ដំណើរ និង បន្ថយសំឡេងគាំទ្ររបស់កម្មករចំពោះការធ្វើកូដកម្មនេះ។ លោក អាត់ ធន់ មានជំនឿថា ការទាមទារណាមួយរបស់កម្មករនឹងមិនធ្វើឲ្យអ្នកវិនិ យោគដកខ្លួនចេញទៅ ដោយងាយៗនោះទេ ព្រោះការវិនិយោគក្នុងវិស័យ កាត់ដេរ នៅកម្ពុជាទទួលបានផលចំណេញច្រើន។ លោកអាត់ធន់បានថ្លែងថា បើទោះបីជាមានការលើកឡើងផ្សេងៗ ក្រុមកម្មករដែលជាសមាជិកសហជីព របស់ លោកប្រមាណ ៨ម៉ឺននាក់នឹងមិនរាថយក្នុងការធ្វើកូដកម្មឡើយ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
