ទំនាស់ដីធ្លីរវាងក្រុមហ៊ុនសូគីម៉ិចនិងអ្នកភូមិនៅសង្កាត់ព្រែកប្រា ដោយ សុខ សេរី 2010-09-12
ក្រុមហ៊ុនប្រេងឥន្ធនៈ សូគីម៉ិច (SOKIMEX) របស់លោកឧកញ៉ា សុខ គង់ មាន គម្រោងការរឹបអូសយកដីធ្លីជាង ២១ហិកតារ ពីប្រជាជននៅក្នុងសង្កាត់ ព្រែកប្រា ខណ្ឌមានជ័យ ក្រុងភ្នំពេញឆាប់នេះហើយ ក្នុងចំណោមគ្រួសារ រងគ្រោះទាំងនោះ ជាមន្ត្រីជាន់ខ្ពស់របស់រដ្ឋាភិបាលមួយចំនួនផង ដែរ។ RFA, ទីស្ដីការគណៈរដ្ឋមន្ត្រីប្រទេសកម្ពុជា បានចេញលិខិត ស.ជ.ណ. ថ្មីមួយ កាលពីពេលថ្មីៗនេះ ដើម្បីរឹបអូសដីធ្លីចំនួនជាង ២១ហិកតារ ពីប្រជា ពលរដ្ឋចំនួន ១៣គ្រួសារ នៅក្នុងសង្កាត់ព្រែកប្រា ក្រុងភ្នំពេញ ប្រគល់ឲ្យលោកឧកញ៉ា សុខ គង់ ប្រធានក្រុមហ៊ុនសូគីម៉ិច ដើម្បីធ្វើការ អភិវឌ្ឍនៅទីនោះ។ អ្នកភូមិ២០០ ប្រភពពីប្រជាពលរដ្ឋបានឲ្យដឹងថា នៅក្នុងចំណោមគ្រួសាររងគ្រោះ ចំនួន ១៣គ្រួសារនោះ មិនមែនមានតែគ្រួសារកសិករប៉ុណ្ណោះទេ គឺមាន មន្ត្រីជាន់ខ្ពស់រដ្ឋាភិបាលមួយចំនួនទៀត មានដូចជាលោក គ្រី ទូច មន្ត្រីជាន់ខ្ពស់នគរបាលក្រសួងមហាផ្ទៃ និងជាបងប្រុសរបស់លោក ស្រី ប៊ុន រ៉ានី ហ៊ុនសែន លោកស្រី ហ៊ុន ប៊ុនធឿន ជាប្អូនស្រីរបស់លោក នាយករដ្ឋមន្ត្រី ហ៊ុន សែន និងភរិយារបស់រដ្ឋមន្ត្រីក្រសួង យុត្តិធម៌ លោក អង្គវង្ស វឌ្ឍនា ជាដើម។ យ៉ាងណាក្តី ប្រជាពលរដ្ឋទាំងនោះមិនទាន់បានទទួលលិខិតកំណត់កាល បរិច្ឆេទ ក្នុងការឲ្យរើចេញពីដីធ្លីនោះនៅឡើយទេ មកទល់ពេលនេះ។ ប្រជាពលរដ្ឋនៅក្នុងចំណោមគ្រួសាររងគ្រោះ ១៣គ្រួសារខាងលើនេះ នៅ ក្នុងភូមិអូរអណ្ដូង សង្កាត់ព្រែកប្រា ខណ្ឌមានជ័យ ក្រុងភ្នំពេញ បានថ្លែងសុំមិនប្រាប់ឈ្មោះថា ៖ «មានតែដីហ្នឹង ដើម្បីធ្វើការ បង្កបង្កើនផល ដាំដំណាំកសិកម្ម។ បើសិនណាដីនេះអត់បានដល់ពួកយើង ខ្ញុំទេ។ ពួកយើងខ្ញុំអត់មានកន្លែងដែលស្នាក់នៅបន្តទៀត»។ ប្រជាពលរដ្ឋម្នាក់ទៀត បានថ្លែងប្រាប់វិទ្យុអាស៊ីសេរីថា លោក ស្រីសុំឲ្យរដ្ឋាភិបាលពិចារណាឡើងវិញ ៖ «ឧកញ៉ា សុខ គង់ បានមករំលោភ ទាំងបំពានលើដីហ្នឹង។ អ៊ីចឹងមានន័យថា ខ្ញុំអត់មានអ្វីចិញ្ចឹម ជីវិតទេ។ ខ្ញុំមិនដឹងទៅជាយ៉ាងណាទេ អនាគតទៅ។ អ៊ីចឹងខ្ញុំចង់ ឲ្យរដ្ឋាភិបាលដោះស្រាយ ពិនិត្យឯកសាររបស់លោកឧកញ៉ា សុខ គង់ ម្ដង ទៀត»។ ពួកគាត់បញ្ជាក់ថា គ្រួសារប្រជាពលរដ្ឋមួយចំនួន មានឯកសារនានា ទទួលស្គាល់ និងដឹងឮអំពីកម្មសិទ្ធិ និងការរស់នៅដោយអាជ្ញាធរ មូលដ្ឋាន តាំងពីឆ្នាំ២០០០មក ក្រោយពីបានទិញតពីម្ចាស់ដីធ្លីពិត ប្រាកដ ឈ្មោះ អ៊ែម ហឿន ក្នុងឆ្នាំ១៩៨៦ នៅគ្រាដែលក្រុមហ៊ុនសូគីម៉ិច បានទិញដីធ្លីនោះពីឈ្មោះ កែវ ឡេង ក្នុងឆ្នាំ២០០៤។ រឿងវិវាទដីធ្លីចំនួនជាង ២១ហិកតារ រវាងក្រុមហ៊ុនសូគីម៉ិចរបស់លោក ឧកញ៉ា សុខ គង់ ជាមួយប្រជាពលរដ្ឋចំនួន១៣គ្រួសារខាងលើនេះ បានកើត មានឡើងតាំងពីឆ្នាំ២០០៦មក។ ឯកសារថតចំលងដែលវិទ្យុអាស៊ីសេរីទទួលបាន ចុះថ្ងៃទី៦ ខែសីហា ថ្មីៗនេះ ដោយលោក សេង លំនៅ ជារដ្ឋលេខាធិការ នៃទីស្ដីការគណៈ រដ្ឋមន្ត្រី ជំនួសលោក សុខ អាន ឧបនាយករដ្ឋមន្ត្រី និងជារដ្ឋមន្ត្រី ទទួលបន្ទុកទីស្ដីការគណរដ្ឋមន្ត្រី បានសរសេរថា ប្រគល់ដីទំនាស់ ទំហំ ៧ហិកតារ នៅក្នុងសង្កាត់និរោធ និងដីទំនាស់ទំហំជាង ២១ហិកតារ នៅក្នុងសង្កាត់ព្រែកប្រា ឲ្យទៅក្រុមហ៊ុនសូគីម៉ិចគ្រប់គ្រង និង កាន់កាប់ស្របច្បាប់។ ទុកជាមោឃរាល់ឯកសារនានា ក្រោយពីឆ្នាំ១៩៩២ ពាក់ព័ន្ធនឹងកម្មសិទ្ធិដីធ្លីនោះ។ វិទ្យុអាស៊ីសេរីមិនទាន់អាចទាក់ទងបាននៅឡើយ ដើម្បីសុំការ ពន្យល់នានាពីលោកឧកញ៉ា សុខ គង់ ប្រធានក្រុមហ៊ុនសូគីម៉ិច ជុំវិញការ ចោទប្រកាន់ និងរឿងចម្រូងចម្រាសខាងលើនេះ ព្រមទាំងគម្រោងការ អភិវឌ្ឍន៍នានានៅទីនោះ។ ឯកសារពីទីស្ដីការគណៈរដ្ឋមន្ត្រី គ្រាន់តែបានឲ្យដឹងថា ដីជាង ២១ ហិកតារនោះ ក្រុមហ៊ុនសូគីម៉ិចធ្វើការអភិវឌ្ឍបឹងឈូក៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
