អាមេរិកបដិសេធមិនលុបចោលប្រាក់បំណុលរបស់កម្ពុជា ដោយ ហាស់ សាន 2010-10-02
មន្ត្រីក្រសួងការបរទេសសហរដ្ឋអាមេរិក និងសភាតំណាងរាស្ត្រ អាមេរិកាំង កាលពីថ្ងៃ៣០ កញ្ញា បានជួបប្រជុំគ្នាដើម្បីជជែកអំពី ប្រាក់បំណុលដែលកម្ពុជាខ្ចី អាមេរិក កាលពីសម័យសង្គ្រាមទសវត្សរ៍ ឆ្នាំ១៩៧០។ ក្រសួងការបរទេសនៃសហរដ្ឋអាមេរិកបញ្ជាក់ថា ប្រសិនបើសហរដ្ឋអាមេរិក លុបចោលប្រាក់ដែលរដ្ឋាភិបាលកម្ពុជា ជំពាក់សហរដ្ឋអាមេរិក វានឹងអាច ក្លាយទៅជាគំរូអាក្រក់មួយទៅថ្ងៃមុខ។ លោក ចូសែហ្វ យន់ (Joseph Yun) ជំនួយការឧបការីរដ្ឋមន្ត្រីក្រសួង ការបរទេសសហរដ្ឋអាមេរិក ទទួលបន្ទុកកិច្ចការអាស៊ីខាងកើត និង ប៉ាស៊ីហ្វិក មានប្រសាសន៍ថា ថ្វីត្បិតតែកម្ពុជា ជំពាក់ប្រាក់ អាមេរិកាំង តែកម្ពុជាមានសមត្ថភាពសងបំណុលដល់ប្រទេសដទៃទៀត។ លោក យន់ មានប្រសាសន៍ទៀតថា ប្រាក់ជំពាក់នោះ ត្រូវបានប្រទេសកម្ពុជា ខ្ចីដោយមានកម្រិតការប្រាក់ទាប សម្រាប់យកទៅប្រើប្រាស់លើវិស័យ កសិកម្មតាំងពីទសវត្សរ៍ឆ្នាំ១៩៧០ មកម្ល៉េះ។ លោក យន់ បន្តថា គិតដល់ ចុងឆ្នាំ២០០៩ ប្រាក់ជំពាក់នោះទាំងដើមទាំងការមានចំនួន ៤៤៥លាន ដុល្លារសហរដ្ឋអាមេរិក។ ទោះជាយ៉ាងណាក៏ដោយ អ្នកតំណាងរាស្ត្រ អេនី ហ្វាឡេអូម៉ាវ៉េហ្គា (Eni Faleomavaega) លើកហេតុផលថា កម្ពុជាបានឆ្លងកាត់សោកនាដកម្មច្រើនពេក ណាស់ហើយ ហើយសហរដ្ឋអាមេរិក ក៏មានចំណែកក្នុងព្រឹត្តិការណ៍នោះខ្លះ ដែរ។ បើគិតតាមសីលធម៌គួរតែរដ្ឋការក្រុងវ៉ាស៊ីនតុន ធ្វើវិភាគទាន ជួយកម្ពុជាផង ព្រោះថា សហរដ្ឋអាមេរិកក៏ធ្លាប់លុបចោលបំណុលចាស់ ដល់ប្រទេសអ៊ីរ៉ាក់ ជាច្រើនពាន់លានដុល្លារ ហើយប្រទេសយូហ្គោស្លាវី ក៏សហរដ្ឋអាមេរិក លុបចោលបំណុលជាង ៥០០លានដុល្លារដែរ។ សូមជម្រាបថា លោកនាយករដ្ឋមន្ត្រី ហ៊ុន សែន ធ្លាប់បានហៅបំណុលនោះថា ជាបំណុលគួរខ្ពើមរអើម បន្សល់ទុកតាំងពីរបប លន់ នល់៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
