ទិវាមនុស្សចាស់ ១ តុលា នៅបាត់ដំបង ដោយ សួន សុផល មុន្នី 2010-10-01
នៅខេត្តបាត់ដំបង មានសមាគមមួយឈ្មោះថា សមាគមសាមគ្គីធម៌ជួយជន ចាស់ជរា នៅថ្ងៃទី១ តុលា សមាគមនេះបានរៀបចំឲ្យមានការជួបជុំ មនុស្សចាស់ ដើម្បីរំលឹកអំពីសកម្មភាព និងស្នាដៃផ្សេងៗ ដែលមនុស្ស ចាស់បានធ្វើបម្រើសង្គមជាតិ។ ចាស់ៗជរាចូលរួមក្នុងពិធីប្រារព្ធទិវាចាស់ជរា ថ្ងៃទី១ ខែតុលា ឆ្នាំ២០១០ នៅស្រុកថ្មគោល ខេត្តបាត់ដំបង មនុស្សចាស់ៗជាង១០០នាក់ បាននាំគ្នាប្រារព្ធទិវាមនុស្សចាស់ ថ្ងៃ ទី១ ខែតុលា ឆ្នាំ២០១០ នៅទីស្នាក់ការសមាគមសាមគ្គីធម៌ជួយជនចាស់ ជរាមួយ ដែលមានមូលដ្ឋានស្ថិតនៅភូមិគោកក្ដួច ឃុំតាពូង ស្រុកថ្ម គោល ខេត្តបាត់ដំបង។ លោក ពៅ ប៊ុនឈី ប្រធានសមាគមសាមគ្គីធម៌ជួយជនចាស់ជរាបានឲ្យដឹងថា ការប្រារព្ធទិវាមនុស្សចាស់ថ្ងៃទី១ ខែតុលា ឆ្នាំ២០១០ គឺជាកិច្ច រំលឹកដល់គុណ និងឧទ្ទិសកុសលដល់អតីតមនុស្សចាស់ ដែលគេចាត់ទុកថា ជាមាតា បិតាទី២ នៃពិភពលោក ៖ «អង្គការសហប្រជា ជាតិបង្កើតទិវា នេះ ដើម្បីរំលឹកគុណដល់អតីតវរ:ជន និងមនុស្សចាស់ទាំងអស់ក្នុង ពិភពលោក ដែលបន្ទាប់ពីស្លាប់ទៅ គេបានបន្សល់ទុកនូវស្នាដៃជា ប្រវត្តិសាស្ត្រឲ្យមនុស្សជំនាន់ក្រោយ សិក្សានៅប្រតិបត្តិ»។ នៅថ្ងៃទី១ ខែតុលា ឆ្នាំ២០១០ នេះ គឺខួបលើកទី១១ នៃទិវាចាស់ជរា អន្តរជាតិ ជាមួយគ្នានេះនៅតាមខេត្តក្រុងខ្លះ ក៏កំពុងរៀបចំ ប្រារព្ធទិវាចាស់អន្តរជាតិនេះដែរ ដើម្បីរំលឹកគុណដល់មនុស្ស ចាស់។ មនុស្សចាស់ៗ ជាង១០០នាក់ មកពីឃុំចំនួនបី គឺឃុំតាពូង ឃុំតាម៉ឺន ឃុំគោកឃ្មុំ ក្នុងស្រុកថ្មគោល ខេត្តបាត់ដំបង ដែលជនចាស់ជរាទី ទាល់ក្រខ្លះគ្មានកូនចៅមើលថែទាំ បាននាំគ្នាអំពាវនាវសុំឲ្យ សប្បុរសជនក្នុងស្រុក និងក្រៅស្រុក ជួយឧបត្ថម្ភដល់សមាគម សាមគ្គីធម៌ជួយជនចាស់ជរានេះ។ លោកយាយ សេង ទូច អាយុ៦៤ឆ្នាំ បានរៀបរាប់ថា ប្រទេសកម្ពុជាក្រីក្រ មានមនុស្សចាស់ជរាច្រើន ដូច្នេះលោកយាយបានលើកឡើងអំពីការលំបាក របស់ខ្លួនថា ៖ «ខ្ញុំកូន តែមានមួយ កូនស្រី ហើយពិការជើងទៀត មេ មាយប្តីស្លាប់ បានចៅពីរ សូមឲ្យអ្នកខាងក្រៅ និងឧបត្ថម្ភដល់ សមាគមផង»។ លោក ពៅ ប៊ុនឈី ប្រធានសមាគមសាមគ្គីធម៌ជួយជនចាស់ជរាបានឲ្យដឹងថា សកម្មភាពសមាគមសាមគ្គីធម៌ជួយជនចាស់ជរា អាចមានលទ្ធភាពជួយដល់ ចាស់ជរាក្នុងភូមិនានា បានតិចតូចបំផុត តាមតែជំនួយរបស់សប្បុរស ជនក្នុងស្រុក និងក្រៅស្រុក ៖ «ខ្ញុំបាទ ទាំងអស់គ្នាក៏សុំ អំពាវនាវរកជំនួយឧបត្ថម្ភបន្ថែម ពីអង្គការមនុស្សធម៌នានា ទាំងក្នុង និងក្រៅប្រទេស ជាពិសេសអង្គការចាស់ជរាពិភពលោក មេត្តាជួយឧបត្ថម្ភ ដល់មនុស្សវ័យចាស់ ជាអតីតកម្មករ កសិករខ្មែរទូទាំងប្រទេស តាម លទ្ធភាព និងតាមផ្លូវមនុស្សធម៌»។ លោក ពៅ ភិរម្យ អភិបាលរងស្រុកថ្មគោលបានមានប្រសាសន៍ថា ប្រទេស កម្ពុជានៅមិនទាន់មានគោលការណ៍បង្កើតមជ្ឈមណ្ឌលសម្រាប់ មនុស្ស ចាស់ទេ ប៉ុន្តែរដ្ឋាភិបាលខ្មែរមានគោលការណ៍បំផុសគំនិត សេចក្ដី ស្រលាញ់ សេចក្ដីគោរពអាណិតដល់មនុស្សចាស់។ សមាគមសាមគ្គីធម៌ជួយជនចាស់ជរា ដែលមានមូលដ្ឋានក្នុងស្រុកថ្មគោល ខេត្តបាត់ដំបងបានចាប់បដិសន្ធិឡើង កាលពីឆ្នាំ២០០០ ហើយផ្ដើម ធ្វើសកម្មភាពជាបន្តបន្ទាប់ ក្នុងការជួយដល់មនុស្សចាស់ៗជរា ដែល រស់នៅក្នុងមូលដ្ឋាន ដោយទទួលបានជំនួយសប្បុរសធម៌យ៉ាងតិចតូចពី សប្បុរសជនទាំងក្នុង និងក្រៅប្រទេស៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
