ក្រុមគ្រូបង្រៀន ប្រារព្ធទិវាគ្រូបង្រៀន ខណៈដែលសមត្ថកិច្ចប៉ូលីស រារាំងមិនឲ្យដើរហែក្បួន
ដោយ : លីហូវ (ថ្ងៃទី 5 តុលា 2010) Ywe0ytu2y2 ក្រុមគ្រូបង្រៀនលើកបដា និងឈរថ្លែងការណ៍ ដើម្បីសាទរទិវា គ្រូបង្រៀន ថ្ងៃ៥តុលា ក្នុងពេលដែលសមត្ថកិច្ចប៉ូលីស រារាំងមិនឲ្យ ដើរហើក្បួន និងមិនឲ្យគ្រូបង្រៀន ជួបជុំ នៅមុខអតីតអគាររដ្ឋសភា ជិត ព្រះបរមរាជវាំង នាព្រឹកថ្ងៃទី៥តុលា ឆ្នាំ២០១០៕ Ognlzjnjod លោក រ៉ុង ឈុន និងលោក ជា មុនី ដឹកនាំក្រុមគ្រូបង្រៀនប្រារព្ធទិវា គ្រូបង្រៀនពិភពលោក ថ្ងៃ៥តុលា ក្នុងពេលដែលសមត្ថកិច្ចប៉ូលីស រារាំង មិនឲ្យដើរហើក្បួន និងមិនឲ្យគ្រូបង្រៀន ជួបជុំ នៅមុខអតីតអគារ រដ្ឋសភា ជិតព្រះបរមរាជវាំង នាព្រឹកថ្ងៃទី៥តុលា ឆ្នាំ២០១០៕ Nwqwy2vjnt សមត្ថកិច្ច ប៉ូលីសរាប់សិបនាក់ ឈរបិទផ្លូវ និងរារាំង មិនឲ្យលោកគ្រូ រ៉ុង ឈុន ជួបជុំនៅលើសួនច្បារ មុខអតីតអគាររដ្ឋសភា ជិតព្រះបរមរាជវាំង នាព្រឹកថ្ងៃទី៥តុលា ឆ្នាំ២០១០៕ Zti1nmfhod សមត្ថកិច្ច ប៉ូលីសរាប់សិបនាក់ ឈរបិទផ្លូវ និងរារាំង មិនឲ្យលោកគ្រូ រ៉ុង ឈុន ជួបជុំនៅលើសួនច្បារ មុខអតីតអគាររដ្ឋសភា ជិតព្រះបរមរាជវាំង នាព្រឹកថ្ងៃទី៥តុលា ឆ្នាំ២០១០៕ 1 of 4 ភ្នំពេញ: សមាគមគ្រូបង្រៀន របស់លោក រ៉ុង ឈុន បានជួបជុំលើកបដា និង ថ្លែងការណ៍ នៅមុខទីស្នាក់ការសមាគម ស្ថិតក្នុងខណ្ឌចំការមន ដើម្បី សាទរទិវាគ្រូបង្រៀនពិភពលោក ថ្ងៃ ៥ តុលា។ ការជួបជុំរបស់ក្រុម គ្រូបង្រៀននោះ ត្រូវបានរាំងផ្លូវ ដោយរបងដែក និងសមត្ថកិច្ចប៉ូលីស រាប់សិបនាក់ ឈរពាំង ហាមឃាត់ មិនឲ្យក្រុមគ្រូបង្រៀនប្រមាណ ២០០ នាក់ ដើរហែក្បួនតាមដងផ្លូវ ដើម្បីទៅដាក់ញត្តិនៅរដ្ឋសភា និងនៅក្រសួង អប់រំ ឡើយ។ នៅឯមុខអតីតអគាររដ្ឋសភា ខាងត្បូងព្រះបរមរាជវាំង សមត្ថកិច្ច ប៉ូលីសប៉េអ៊ឹមរាប់សិបនាក់ ក៏ត្រូវបានដាក់ពង្រាយ បិទផ្លូវ និងឈរ រារាំង មិនឲ្យក្រុមរបស់លោក រ៉ុង ឈុន ជួបជុំលើសួនច្បារ តាម ការគ្រោងទុកទេ។ យ៉ាងណាក៏ដោយ លោក រ៉ុង ឈុន និងលោក ជា មុនី រួមទាំងលោកស្រី មូរ សុខ ហួរ អ្នកតំណាងរាស្ត្រគណបក្សសមរង្ស៊ី បានដើរទៅគោរពវិញ្ញាណក្ខន្ធ អ្នកស្លាប់ក្នុងព្រឹត្តិការណ៍ផ្ទុះ គ្រាប់បែក ថ្ងៃទី៣០ ខែមីនា ឆ្នាំ១៩៩៧ និងថ្លែងការណ៍ថ្កោលទោស ចំពោះការរារាំងរបស់ក្រុម សមត្ថកិច្ចប៉ូលីស។ នៅឯមុខទីស្នាក់ការសមាគមគ្រូបង្រៀនកម្ពុជាឯករាជ្យ ស្ថិតនៅ ផ្ទះលេខ ៥៤ អឺហ្សេរ៉ូ ផ្លូវលេខ ៩៥ សង្កាត់បឹងកេងកង ៣ ខណ្ឌចំការមន ក្រុមគ្រូបង្រៀនប្រមាណ ២០០ នាក់ បានឈរលើកបដា និងថ្លែងការណ៍ ដើម្បី សាទរទិវាគ្រូបង្រៀនពិភពលោក ថ្ងៃ៥តុលា។ ក្រុមគ្រូបង្រៀន បានជម្រុញឲ្យរដ្ឋាភិបាល យកចិត្តទុកដាក់ចំពោះ តួនាទីរបស់គ្រូបង្រៀន និងលើកកម្ពស់កម្រិតជីវភាពរបស់គ្រូបង្រៀន ជាដើម។ នៅក្នុងឱកាសអបអរសាទរទិវាគ្រូបង្រៀនពិភពលោក ថ្ងៃ៥តុលានេះ សមាគមគ្រូបង្រៀនរបស់លោក រ៉ុង ឈុន បានលើកឡើងនូវសំណើ ៧ ចំណុច ដាក់ ជូនថ្នាក់ដឹកនាំព្រឹទ្ធសភា រដ្ឋសភា និងរាជរដ្ឋាភិបាល ដើម្បីបាន ពិចារណា យកចិត្តទុកដាក់គិតគូរ និងដោះស្រាយ រួមមាន៖ ទី១-តម្លើង ប្រាក់បៀវត្សរ៍អប្បបរមា ១ លានរៀល ក្នុងមួយខែៗ ជូនគ្រូបង្រៀន។ ទី ២-តម្លើងប្រាក់ក្នុងមួយកាំ ចំនួន ២០.០០០ រៀល ជូនគ្រូបង្រៀន។ ទី៣- តម្លើងប្រាក់ឧបត្ថម្ភកូន ចំនួន ៣០.០០០ រៀល និងប្រពន្ធចំនួន ៤៥.០០០ រៀល ក្នុងមួយខែៗ។ ទី៤-តម្លើងប្រាក់បង្រៀនថ្ងៃព្រហស្បតិ៍ ចំនួន ២០.០០០ រៀល ជូនគ្រូបឋម និងគ្រូមត្តេយ្យ។ ទី៥- តម្លើងប្រាក់ម៉ោង បន្ថែម ក្នុងមួយម៉ោង សម្រាប់គ្រូអនុវិទ្យាល័យចំនួន ១០.០០០ រៀល និង វិទ្យាល័យចំនួន ១៥.០០០ រៀល។ ទី៦-ត្រូវផ្តល់នូវប្រាក់បំណាច់ឆ្នាំ ប្រាក់ឧបត្ថម្ភបុណ្យចូលឆ្នាំខ្មែរ ចំនួន ១៥០.០០០ រៀល និងប្រាក់បុណ្យ ភ្ជុំ ចំនួន ១៥០.០០០ រៀល ជូនគ្រូបង្រៀន និងទី៧-កុំឲ្យមានការរើសអើង ចំពោះគ្រូបង្រៀន ក្នុងការតម្លើងឋានៈ ឬតម្លើងកាំប្រាក់ និងបញ្ឈប់ ការគាបសង្កត់ បំភិតបំភ័យ និងការរើសអើងសេរីភាពសមាគម មកលើលោកគ្រូ អ្នកគ្រូ ពេលចូលរួមជាមួយសមាគម។ ក្រុមគ្រូបង្រៀន ក៏បានឧទ្ទិសឲ្យស្មារតីនៃទិវាគ្រូបង្រៀន ពិភពលោក ថ្ងៃ៥តុលា ថ្ងៃនេះ ផ្តល់ដំណោះស្រាយជូនគ្រូបង្រៀននូវ លក្ខខណ្ឌការងារល្អប្រសើរ ប្រកបដោយកិត្តិយស និងមានជីវភាពសមរម្យ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
