ពីនេះពីនោះថ្ងៃចុងសប្តាហ៍ច្បាស់ជាធ្វេីអោយអ្នកពេញចិត្តពុំខាន <http://www.sophanseng.info/2015/03/%e1%9e%96%e1%9e%b8%e1%9e%93%e1%9f%81%e1%9f%87%e1%9e%96%e1%9e%b8%e1%9e%93%e1%9f%84%e1%9f%87%e1%9e%90%e1%9f%92%e1%9e%84%e1%9f%83%e1%9e%85%e1%9e%bb%e1%9e%84%e1%9e%9f%e1%9e%94%e1%9f%92%e1%9e%8f%e1%9e%b6/> Posted by: *Cambodian <http://www.sophanseng.info/author/cambodian/>* | Posted on: *March 21, 2015*
វាគ្មិន៣រូបសុទ្ធសឹងជាកំរិតបណ្ឌិត ទល់វាគ្មិន១រូបគ្រាន់តែជាថ្នាក់អនុបណ្ឌិត វាគ្មិន៣រូប សុទ្ធសឹងតែជាអវសោវ័យចំណាស់ ទល់នឹងវាគ្មិន១រូបដែលមានវ័យក្មេងជាងគេបំផុត អាយុមិនទាន់៤០ផង វាគ្មិនទាំង៣រូបសំដែងសេចក្តីខកចិត្តផង មិនពេញចិត្តផង វាយបកដោយចំៗនិងដោយបញ្ឆិតបញ្ឆៀងផង ទល់នឹងវាគ្មិន១រូប ដែលព្យាយាមពន្យល់ការពិតតាមដែលខ្លួនយល់តាមវិធីប្រាកដនិយមនិងព្យាយាមមិនប្រឈមមុខជាមួយវាគ្មិនទាំង៣ទេ ព្រោះជាការសំដែងសេចក្តីគោរពនិងការទទួលយកយោបល់ទាំងឡាយរបស់ពួកគាត់។ សូមមេត្តាស្តាប់ភាគ១ <http://www.youtube.com/watch?v=8mHzn003-2M> ភាគ២ <http://www.youtube.com/watch?v=N_zWblmZy_c> ហេីយភាគបន្តនឹងត្រូវចាក់ផ្សាយជាបន្តបន្ទាប់ទៀត។ ចុងសប្តាហ៍នេះ មានរឿងចំលែកផ្សេងៗជាច្រេីនដែលខ្ញុំចង់អោយមិត្តអ្នកអានបានកំសាន្តទាំងអស់គ្នា។ *១. ស្ត្រីទី១អាមេរិក និង ស្ត្រីទី១កម្ពុជា* [image: change michelle] <http://www.sophanseng.info/wp-content/uploads/2015/03/change-michelle.jpg> Courtesy: US Embassy of Cambodia វាគួរអោយចាប់អារម្មណ៍ណាស់ ដែលប្រទេសអាមេរិកមានប្រធានាធិបតីជាប្រមុខជារៀងរាល់៥ឆ្នាំម្តង ហេីយប្រធាធិបតីដែលមានប្រជាប្រីយ៍បំផុតអាចឈរឈ្មោះយកតំណែងនេះបានតែ២អណត្តិគត់ប៉ុណ្ណោះ។ ជាច្បាប់និងជាក្រិតក្រមសហលក្ខន្តិកៈមន្ត្រីសហរដ្ឋអាមេរិក ពេលណាស្វាមីក្លាយជាប្រធាធិបតី ភរិយានឹងមានឋានៈជាស្រ្តីទី១ First Lady មាននរណាខ្លះអាចខ្សឹបប្រាប់យេីងខ្ញុំបានទេថា នៅក្នុងប្រទេសកម្ពុជា ដែលជាប្រទេសមានប្រព័ន្ធនយោបាយខុសពីសហរដ្ឋអាមេរិក គឺជាប្រទេសមានព្រះមហាក្សត្រគ្រងរាជ និងប្រព័ន្ធនយោបាយនាយករដ្ឋមន្ត្រីនិយម ហេីយមានច្បាប់សហលក្ខន្តិកៈមន្រ្តីចំណុចណាដែលពេលស្វាមីក្លាយជានាយករដ្ឋមន្រ្តី ភរិយានឹងក្លាយជាស្ត្រីទី១ First Lady ឬ ? ជាការកត់សំគាល់ នៅពេលមេដឹកនាំអាស៊ានប៊ូញមាត់គ្នាអោយលោកនាយករដ្ឋមន្រ្តីហ៊ុន សែន និយាយជាមួយលោកអូ ប៉ាម៉ា ជំនួសនៅភូមា លោកអូ ប៉ាម៉ាបានហៅលោកនាយករដ្ឋមន្ត្រីហ៊ុន សែនយ៉ាងពេញមាត់ថា លោកប្រធានាធិបតី ឬ Mr. President ហេីយនៅពេលនេះស្ថានទូតសហរដ្ឋអាមេរិកនៅភ្នំពេញបានហៅភរិយាលោកនាយករដ្ឋមន្ត្រីហ៊ុន សែន ថាស្ត្រីទី១ឬ First Lady យ៉ាងពេញមាត់ផងដែរ។ *២. នយោបាយខ្លឹមសហរដ្ឋអាមេរិកនៅអាស៊ានរឺ?* [image: change Michell Obama] <http://www.sophanseng.info/wp-content/uploads/2015/03/change-Michell-Obama.jpg> Courtesy: Facebook នរណា នរណាក៏ដឹងដែរថា សហរដ្ឋអាមេរិកបានងាកមកពង្រឹងនយោបាយការបរទេសរបស់ខ្លួននៅអាស៊ានដោយហៅឈ្មោះថា ខ្លឹមសហរដ្ឋអាមេរិក ឬ America Core នៅអាស៊ាន។ សារពត៌មានអន្តរជាតិជាច្រេីនរាយការណ៍ថា ស្រ្តីទី១សហរដ្ឋអាមេរិកបំពេញទស្សនកិច្ចក្នុងសេចក្តីខិតខំប្រឹងប្រែង លេីកតំកេីង ចំណេះដឹងស្ត្រី ដោយចុះចតនៅប្រទេសជប៉ុនជាប្រទេសមានជាងគេបំផុតរួចមកចុះចតនៅកម្ពុជា ប្រទេសដែលក្រីក្រជាងគេបំផុត។ តាមពិតប្រហែលជាកម្ពុជាក្លាយជាខ្សែអេក្វាទ័រសម្រាប់ខ្លឹមអាមេរិកទេដឹង? យ៉ាងណាក៏ដោយ និយាយដល់ស្ត្រី បេីអ្នកដែលកំពុងឃុំឃាំងក្នុងគុកព្រៃសមិនត្រូវបានគេដោះលែងទេ មានន័យថាកូនៗស្រីរបស់ពួកគេមិនអាចទៅសិក្សារៀនសូត្របានដែរ។ លេីសពីនេះទៅទៀតស្ត្រីដែលជាសកម្មជនបឹងកក់គ្រាន់តែតវ៉ារឿងទឹកលិចផ្ទះរបស់ពួកគេ ក៏ត្រូវបានអាជ្ញាធរចោទប្រកាន់ពីបទធ្វេីអោយស្ទៈចរាចរដែលការចោទប្រកាន់ត្រូវបានបន្ទរដោយមន្ត្រីតុលាការក្រុងភ្នំពេញដេីម្បីដាក់បន្ទុកចូលគុកដោយគ្មានការខ្មាសអៀនអ្វីសេាះ។ បេីពួកស្ត្រីទាំងអស់នោះមិនត្រូវបានដោះលែង ខ្លឹមសហរដ្ឋអាមេរិក ត្រូវតែប្តូរឈ្មោះទៅជា ស្រាយសហរដ្ឋអាមេរិក ទេីបប្រសេីរជាង។ *៣. ផ្លាស់ប្តូរ និង ផ្តួលរំលំ ឬ change and topple* [image: Change or Topple] <http://www.sophanseng.info/wp-content/uploads/2015/03/Change-or-Topple.jpg> Courtesy: Facebook ថ្មីៗនេះលោកខឹម សុខា ថ្លែងសុន្ទរកថាប្រាប់អ្នកគាំទ្ររបស់ខ្លួននៅឯបរទេសថា ខ្លួនសូមទោសដែលមិនអាចនាំការផ្លាស់ប្តូរមកជូនជនរួមជាតិបាន ស្រាប់តែលោកនាយករដ្ឋមន្ត្រីហ៊ុន សែន ថ្លែងក្នុងសុន្ទកថាសាធារណៈរបស់គាត់ថា លោកខឹម សុខា បាននិយាយថាគាត់ធ្វេីការផ្តួលរំលំរដ្ឋាភិបាលមិនបានសំរេច។ បន្តុំយុវជនតាមបណ្តាញហ្វេសប៊ុកក៏មិនណយនាំគ្នាកែប្រែវចនានុក្រមសម្តេចជួនណាតអោយទៅជាវចនានុក្រមសាមកុកទៅវិញ។ សូមមេត្តាមេីលរូបដែលភ្ជាប់មកនេះ។ Read More … <http://www.sophanseng.info/2015/03/%e1%9e%96%e1%9e%b8%e1%9e%93%e1%9f%81%e1%9f%87%e1%9e%96%e1%9e%b8%e1%9e%93%e1%9f%84%e1%9f%87%e1%9e%90%e1%9f%92%e1%9e%84%e1%9f%83%e1%9e%85%e1%9e%bb%e1%9e%84%e1%9e%9f%e1%9e%94%e1%9f%92%e1%9e%8f%e1%9e%b6/#more-2771> -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
