Ŝajnas, ke mi respondas tute bone al miaj propraj demandoj :) Mi ĵus skribis:
> Sed tamen ŝajnas, ke la Esperanta vortlisto tiele instalita estas ege > mankohava. Ekz. la vortoj "Ĝi" kaj "Ĉi" (majusklaj) forestas! Vere. La koncerna vortlisto, en dosiero nomata "eo_l3.dic" estas tute masakrita. Ĉiuj supersignaj literoj estas difektitaj aŭ plene malaperintaj. Mi tamen sukcese anstataŭigis la enhavon per la enhavo de "eo_ALL.dic", kiun mi ricevis de diablo-scias-kie. Al mi efektive ŝajnas, ke ĝi venis kiel parto ne beta-versio de OpenOffice.org 2! Iu, kiu scias, kien sin turni, espereble riparos la dosieron, kiu instaliĝas, se oni uzas la "Wizard"-on. -- Bertilo Wennergren <http://bertilow.com>
