Hemen zerrendan bazaudete lege eta administrazioa ezagutzen duzuenak.
Zuentzat galdera:
Azkenean, Olatz jaio eta 3 astetara lortuko dut toki guztietan izena
emateko papeleoa egitea. Laburtuz:
- Udaletxera bisita jaio aurretik, informazioa lortzera. Hauek bai
finak, txuleta bat banatzen dute egin beharreko pauso guztiekin (nahiz
eta falta txiki bat daukan eta horregatik juzgadura bi bisita egin behar
izan ditudan).
- Udaletxean gurasoen errolda dokumentua lortu.
- Juzgaduan familia liburua eguneratu.
- Udaletxean haurra erroldan sartu.
- Juzgadura paper bat sinatuta eraman. (informazio falta, ez nekien
emazteak ere sinatu behar zuenik)
- Seguridade sozialean haurra kartilan sartu.
- Anbulategian haurrari Osakidetzako txartela egin. (Gure kasuan bi
aldiz, ez genekielako Barrenenguan tokatzen zitzaigula, azkenaldian
etxez aldatuta eta...)
- Banketxera dirulaguntza eskatzeko sello baten bila.
- Udaletxera dirulaguntza eskaria aurkeztera.
Noski, pauso guzti hauek mozteko tranpa bat edo beste egongo da, baina
orokorrean horrela izan behar dute, eta administrazio aldetik lojikoa
izango da gainera.
Nik ulertzen ez dudana da: zergatik dagoen Errejistro Zibila juzgaduan,
eta ez Udaletxean. Zergatik bi pauso horiek egin behar eta zein lojika
duen errejistroak justiziarekin zerikusia izateak eta erroldak udal
administrazioarekin. Egongo da arrazoiren bat, seguruenez historikoa,
baina aukera ugari izan ditugu horiek biak batera jartzeko, ez?
Gari
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
