|
"Nire" bibliotekan (EHUko
Arabako Campusekua) bada txoko bat honezkero ordenadorean sartuta ez dagozen
liburuekin. Nozepeinean hara joan eta atenziñoa deitzen destan bateonbat hartu
eta hara, katalogo informatikoan sartzen dot.
Gaur handik pasatu naiz eta
bertan Aita Onaindiaren "Eskutitzak : euskal literaturari buruz" izeneko bat
sartu jata begixetatik, hautsez beteriko "librua", 1974kua. Aita Santi
Onaindiari beste batzuk bidalitako kartak dira, Onaindiak
aukeratutakuak.
Onaindiak, askotxo idazteaz
gain, euskal aldizkari bat(zu)en ardura zeroian, eta horren kontura garaiko
ipurdibero askorekin zakan harremana, besteak beste gure Juan San Martin (honen
sei edo zortzi eskutitz agertzen dira) eta Toribio Etxebarria (karta
bat).
Juan San Martinen karta biren
pasarte batzuk jasoko ditut, nire usten merezi dabe eta:
1)
"Eibar'en, Loraillak
7-1959
(.../...)
Eingo ditut OLERTI'rako
arpidedunen batzuek, oraingoz egin naizu neu beintzat eta baita Julio Sarasua
ere, bere zuzenbidea: San Agustín, 1 (Drogeria), Eibar. Imanol'en
azken-agur ontan izango dut berriak egiteko giroa, ala ere bazkalondoan kopa
batzuek edanda daudenean. Papela eta lapitza eramatearekin ez naiz aztu
bear.
(.../...)
J. San Martin"
Komentatzeko:
a) Julio Sarasua hori..., gure
Asierren zerako zeraren bat edo ez da?
b) Polita zein deritzan giro
aproposa harpidedunak Eibarren egiteko: "bazkalondoan kopa batzuek edanda
daudenean"
2)
"Eibar'en, Uztaillak
4-1959
(.../...)
Asi naiz zuk bialdutako
aldizkariak zabaltzen eta baita arpidedun geiago egiten ere; ara emen berriak:
Luis Aranberri, Tintorería Margola, Eibar; Pedro Aguirregomezcorta, Dos de Mayo,
8, Eibar; eta, Julio Sarasua, San Agustín, 1 (Droguería), Eibar.
Luis Aranberri'ri nere zenbakia
eman diot eta bialdu neretzako beste bat; Sarasua'ri berriz Juan José Lete'rena
eman diot
(.../...)
Aurtengo Euskal Billera nagusia
ere Eibar'en egitea lortu dugu eta (.../...). Bide berri oiek ikusirik, ni asi
naiz Eibar'en euskeltzaleen bazkun bat antolatzen, gero gure antzera beste erri
batzuek jartzeko.
Eibar'ko jai auetan mugaz-andik
ibilli naiz, egun bat Aita Zaitegi'ren etxean igaro nuen. Eusko Gogoa'kin
jarraitzeko asmoetan arkitu nuen. (.../...) Zaitegi'k aurki argitaratuko du
"Platon'en atarian" eta or ere lagundu bearra izango dugu. Nik agindu diot
Eibar'en berrogeita amar salduko ditudala...
(.../...)
J. San Martin"
Komentatzeko:
c) "Luis Aranberri" hori...,
Margolakua..., gure Luis Alberto bera da edo beste "zeraren zera"?
d) Aurreko karta ikusita,
loraillak 7koa, Julio Sarasua eta Luis Aranberri horrek "bazkalondoan kopa
batzuek edanda zeudenean" harpidetzea lortu zeban?
e) "asi naiz Eibar'en euskeltzaleen bazkun bat antolatzen". Handia gure
Juanito!
f) "Nik agindu diot Eibar'en
berrogeita amar salduko ditudala". Bai, horrelaxe zebixen sasoi
hartan.
eta g) Ez bakarrik liburu
honengatik, beste batzutan be ikusi dotelako eta. Jakin barikan pentsau geinkean
orduan (kartak denak dira +- 1950-1970 bitartekoak) mugitzen ziranak solteka
ziharduela, bakoitzak bere aldetik, eta ez da horrelaxe, benetan ondo
komunikatuta zeguazen elkarrekin, ez posta elektronikoz, baina bai postaz,
hartuemon zuzenez gain.
Esajeratzen dotela pentsauko
dozue, baina ni halako dokumentuekin emozionatu egiten naiz.
Imanoltxu.
|
_______________________________________________ Adi gero, mezuak bidaltzeko: [email protected]
http://www.eibar.org/zerrenda harpidetza eteteko: [EMAIL PROTECTED]
