Oso bestelakoak dira informazioa eta propaganda. Eusko Jaurlaritzak
orainarte egindakoa eta hemendik aurrera egingo duena ere propaganda
hutsa dira.
Informazioa betetzeko datuek ahal bezain objektiboak behar dute.
Horregatik ezin gara konformatu administrazio interesatu batek
propagandarekin batera zabaldutakoaz. Horrelako proiektu baten aurrean,
jakin beharrekoak:
- Errentagarritasuna / bideragarritasuna / amortizatu daitekeen edo ez.
- Onurak: abantailak zehaztea. Zeintzuk dira?
- Eragindako kalteen zehaztapena:
ekologikoak (natura, klima, paisaia, bizidunak, nekazaritza,
bizitza kalitatea...)
ondare historikoari egindakoak (Donostia inguruan bakarrik
ondare historiko artistikoosatzen duten bost eraikin gutxienez
desagertuko dira).
- Kalteak gutxitzeko edo murrizteko proposatzen diren neurriak. Nahikoak?
Interesa eduki, nahi izan eta informazioa lortzeko ahalbidea edukitzea.
Zoritxarrez, baldintza guztiak ez ditu jende askok beteko. Eztabaida hau
gizarteratzeari osasuntsua deritzodanez, aspaldi jarritako loturak hona
berriz ere:
http://www.sindominio.net/ahtez/agiriak/agiriak.htm
Oso gomendagarria: http://www.bakeaz.org/CB63.pdf (Roberto Bermejo)
Eztabaida, baldintza horiek betetzen dituztenen artean egin beharko
litzateke eta ondo legoke eztabaida horietako maila onenekoak publikoak
izatea, hau da telebistan adibidez, eta ez gaueko azken ordutan, eta bai
populatxoa osatzen dugunok ikus-entzun dezagun propaganda oparoa eginda.
Horrela, beharbada baldintzak betetzen dituen populatxoko partaideen
kopurua igotzeko aukerak leudeke. Batzuri komeni ez? Ez da kostoagatik.
Proiektuaren aurrekontu osoa zenbatekoa den ikusi duzue? Eta oso ondo
dago hitzaldiak antolatzea, baina jende gutxi mugitzen da, nahiz
hizlaria oso goi mailakoa izan. Norbanakoaren sasiaskatasuna defendatzen
den garai postmoderno hauetan gizartearen partehartzea errealitatetik
urruti dago, gehien behar den momentuetan. Eta botere praktikoek (edo
faktikoek) partehartze eza laguntzen dute. Partehartzeko badaude alderdi
politikoak, ja, ja.
Ba horrelakoetan, orain, eta baita lehen ere, Lemoiz, Debako zentral
nuklearra, NATO, eta baita etorkizuneko gure herriko bakegintza eta
askatasun prozesuan ere gizartearen partehartzeak funtsezkoa beharko
luke eta alderdi politikoen gainetik egon. Alderdiek ere zeresana izan
edo izango dute, baina alderdikeria noiz hasi eta noiz amaitzen da?
KALTE GUZTIAK ALBORA UTZITA ERE (berez, nahikoa eta gehiago edo gehiegi
arrazoi proiektua pikutara bidaltzeko) PROIEKTUA EZ DA BIDERAGARRIA
EKONOMIKOKI, GORDINKI, oso bideragarria ostera obrarekin poltsikoa
beteko dutenentzat, beren makineria amortizatzeko Etxegarate, Txorierri,
Eibar-Gasteiz.... eta gero...AHT fenomeno!....... AHT eta
gero...ZER?............
AHT GELDITU!
Asier Arregi
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
