Skype bidez urrutiko dei bat jaso dut gaur. Dakar-etik, Senegaletik. Bertan bizi da orain gure kuadrillako bat, Oier Alonso. Orain dela hiru hilabete iritsi zen Dakar-era, bertako Unibertsitatean irakasle izateko asmoarekin. Orduerdiz hitzegin dugu skype bidez eta primeran. Gonbidatu dut <eibartarrak> zerrendan izen ematera eta ziur aski animatuko da.
Internet konexio ona Unibertsitatean ote duen galdetu diot, eta han baduela ulertu diot, baina etxean ere konexio ona duela eta handik ari dela. Orain hamabost egun Orangek erosi omen du bertako operadore nagusia, eta aste batzutan arazo dezente egon direla, baina orain berriz ondo doala dena. "Eibarren eta Dakarren txakurrak ortotsik" pentsatu dut nik. Unibertsitateko lanarekin ez dut oso stressatuta sumatu. Hiru hilabete ondoren 3-4 eskola baino ez omen ditu eman. Hastea kosta zitzaiela eta hasi direnean grebatan sartu direla eta etenda daudela eskolak. Lurralde paketsua dela hura, lasaia eta atsegina. Hala ere, abisatu diotela liskarrak sortuz gero ez direla esne-berbetan ibiltzen, eta erne ibiltzeko. Hauteskunde giroan daudela esan dit, eta liskar demasak daudela bi hautagai nagusien artean. Batak bestea kartzelaratu baitzuen, eta orain komeriak. Hauteskunde bezpera eta biharamunean kalera ez ateratzeko gomendatu diotela dio Oierrek. oier. _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
