Arrateko Amak abisu bat jaso du. Gara egunkariak euskara hutsezko medio berri bat aurkeztu behar du larunbatean, Gaur8 ( www.gaur8.info ), baina aurkezpen ofizial hori baino lehenago, blogarientzako aurkezpen bat egingo da, bihar asteazkena. Blogarientzako gonbidapen bat da, eta hortaz, Eibar.org-eko blogista lagunok, jakinaren gainean zaudete.
Telefono bat ageri da gonbidapenean, inor animatzen bada aurrez abisatzeko. Luistxo ---- hotta jasotako testua: Tarjetoi digital honen bidez gonbidapena luzatu nahi dizugu gure egoitzara etortzeko, datorren asteazkenean, hilak 7, arratsaldeko 19:00tan. Portuetxe Kalea 23, 20018 Donostia, +34 943 316 999. Gure asmoa da GARAren berrikuntzari buruzko azalpen orokor bat ematea, kazetaritza ereduan, diseinuan, teknologian, eta batez ere ikuspegian eragiten duena. Ikuspegi horren ondorioz hainbat egitasmo dugu esku artean, eta horien berri eman nahi dizugu, elkarlana eskatzen dutenez, denon artean joan gaitezen bidea egiten. Horietako egitasmo batek datorren asteburuan ikusiko du argia, eta, hain xuxen, egitasmo horren berri zehatza eman nahi dizugu, zuk ere baduzulako zeregina eta lekua, nahi izanez gero, ez soilik parte-hartzaile gisa. Egitasmo horren izena GAUR 8 -mila leiho zabalik- izango da, eta kazetaritza ereduari astindua emateko bokazioa du, paperean nahiz sarean ibiliko baita, ez bata bestearen bertsio gisa, baizik eta bizkortzaile gisa. Eztabaidak ireki eta joerak aurreikusi, hor kokatu nahi du GAUR 8k, eta hortik egin nahi zaio ekarpena euskarari, euskara hutsezko produkzio bilduko baitu bere baitan. Egitasmoak soluzio teknologiko propioa sortu du, beste esperientzia batzuetan oinarritua, eta euskal blogosferatik ere elikatuko da; beste alde batetik, bultzatu egingo du unibertsitateko ikasleen grina euskaraz idazteko eta publikatzeko. Gonbidapen hau zu bezalako beste blogari batzuei ere pasa zaie, baina ziurrenik baten bat kanpoan geldituko zitzaigun. Horrenbestez, lasai aski bidali diezaiokezu gonbidapena nahi duzun blogariri. Hori bai, mesedez, erantzuiguzu e-mailez bertaratuko zaren konfirmatzeko. *wi-fi konxio bat egongo da bertatik blogeatu ahal izateko. _______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
