> Eta, bertara juaten ziran botijeruak, gitxigora behera, ze garaitan? Azitainera eskolarantz joateko egunero hasi nintzen pasatzen iturri aurretik 1970-71an, eta bertan ikusten nituen han buzo urdineko pintxe gazteak, tartean zaharren bat, botijoekin.
Orain iturriaren aurrean dagoen eskulturako botijeroak eskuan daramatza botijuak, baina gogoan dut askok, tailer handietakoak seguruenez, botijuekin betetako karroak eramaten zituztela (4 - 6 - 8 botijo) . Antzeko karroetan edo berdinetan eskopeta kanoiak, kulatak edo amaitutako eskopeta eramaten zituzten pintxeek kaletik zehar Eibarren. Tailer batetik bestera, kromora, paboira edo banko-pruebasera. Kotxe edo fragoneta gutxiago zeuden, baina gainera Eibar barruan segurutik azkarrago izango zen kotxearekin baino oinez ibiltzea. Egoibarrako argazki hau 10 bat urte lehenagokoa da, biharginak tailarretik urtetzen: http://www.egoibarra.com/Eibar/Alfa/galeria_alfa1/Alfa001.jpg Ez dakit zein urteetan, beharbada 1975-76an edo, iturriko harri guztiak tizarekin numeratu egin zituzten eta desmontatu zuten iturriori. Apostatu egiten genuen ez zutela asmatuko berriro montatzen. Batzuk seguru ezetz, numeroak borratu egingo zirela edo nola demontres topatuko zuten gero hainbeste harri, seguru bat edo beste galdu egingo zela. Beste batzuk baietz, ameriketara eruaten zituztela gazteluak osorik horrela, eta orduan Eibarren zergaitik ez, gainera igual iturria ameriketara eramango zutela, etabar. Baina, bai asmatu zuten berriro montatzen :-) Pentsatzen dut Bidebarrieta, Urkusua, Txonta eta inguruko tailarretakoak joango zirela bertara ur bila, Solac, Cadenas, ... . Ez dakit, Alfa kenduta, dokumentazio larregirik dagoen 36ko gerra ondoren, XX. mendeko bigarren zatiko industrializazio garai horretaz Eibarren,. Pena galtzea, oraindik fresku egon beharko litzateke. eneko _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
