Bai ba, proposamenak mila izan daitezke. Ramonek eitten dabena aukera bat, noski. Nik beste gauza batzuk be proposatuko nittuan, eta beste hango harek be bestelako proposamenak izango dittu, baina kontuak kontu, eta errespeto guztiz, ez dot uste gakoa hortan dauanik. Uste dot Enekok esaten zebanan arabera partehartzearen gaixa konplikaua dala, oso konplikaua. Lehenago bidalitako imellian esan bezala Bartzelonan bizi izan nintzanian hainbat horrelako prozesu ikusi nittuan, garrantzitsuena igual Santa Caterina-Forat de la Vergonya izan zan, baina beste asko egon ziran beste hainbeste auzotan eta batzuk gertutik jarraittu nittuan.
Partehartzea oso hitz potolua da, ta gañera politikarixei asko gustatzen jake. Horren arira, hainbat eta hainbat esperientzia dagoz, nola bultzatu partehartzia horrelako prozesuetan eta aldi berian deus erabakitzeko eskumenik ez izatia. Gazteleraz esaten dan moduan bi aldietatik moztu ahal daben labana da partehartzian izenian eitten dan politikia. "Procesos participativos" moduan ezagutzen diran horrek. Gero begira ondorixuak, urrunago jun barik Txontan. Kontua da nik ez dotela larregi demokrazia representatibuan eta alderdien sisteman sinistu inoiz. Baña uste dot hala ere Udaletxiak izan badirazela poteregune legitimuak (hortik gora kontrolaezina iruditzen jata, maila baten). Baña gaur egun, ikusitta Eibarko Udalak hartzen dittuen erabakixak eta politikia, ba ez dot uste hortikan asko ataratzerik dauanik. Ta ondo legoke, baina oraindik indar politiko danak parte hartzerik ez daken udaletxe baten, ba ez dot espero nik herritarron partehartzia oso posible danik. Posible bada, baña herritarren hitza eurek planeautakuan kontrakua danian, orduan esaten dabe: Partehartze? Ze partehartze? Nik ez dot ezebe entzuten, ta zuk Miguel? Ez ba, nik bez. Horregattik uste dot Enekok bidalittako linka ondo begiratzekua dala. Eta horretaz gain agian hitz klabia hamen ez dala Partehartzia, baizik eta Erabakaitzeko Eskumena edo Eskubidia hobe esanda. Horrela baleike parte hartu, jendiak esaten dabena kontutan hartuko danaren bermia izanda. Jokin _______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
