Puff, luze berba egin leikek. Geu aste baten egon ginuan, sortaldian,
Moriani Plage izeneko inguru batian, sortalde iparraldian.
Juan aurretik garbi bereiztu bihar dok: sortaldeko kostia (gu egon ginuan
zatixan behintzat) oso plaiatsua dok, ixa dana dok plaia, Mediterraneoko
plaien estiloan: sakonera gitxikoa eta mareiak be gitxi egitten jok gora eta
behera, baina benetan luuuziak alderti horretan, amaierara ez haizela
ailegatzen asperdurangaittik, Landetan lakuak baina sakonera eskasekuak.
Inguru horretan mapetan-eta hor plaia bat dagoela diñuenian ez dok plaia
dagoela (ixa dana dok plaia eta), baizik eta hortxe kotxera sarbidea
dagoela, zaintzailiak, tabernak... zerbitzuak azken batian.
Sartaldia berriz askoz harkaiztsua dok, askoz plaia gitxiagokin, tarteka
bakarrik, Gipuzkoan edo Bizkaixan izan leiken lez.
Orduan hik erabaki bihar zer gura duan.
Barrukaldia aipatzekua dok, irla bat izanda 3.000 metrotako mendixak
dagozelako, irla bera oso menditsua dok. Geu kotxian izan ezik (alkilatua)
ez ginuan mendiak egittera juan (ume txiki-txikiekin paso) baina ahal izan
ezkero eta gustokua izanda, benetan itxura guztia jakak merezi dabela.
Menditsua izatiagattik ez dok lehorra, nahiko berde baino, eta guk behintzat
hori eskertzen juagu.
Kotxez juatia pentsatu badozue emon euskuen ferry pila zeguala, aukera ona
jirudik.
Kanping bat aitatzia gura badozue, bat aitatukotsuet. Geu apartamentu batian
egon ginuan, baina bertatik ibillita bat ikusi genduan aho zabalik laga
ginttuna. Izenik ez juat gogoratzen, baina Morianitik 5 bat kilometrotara
egoalderuntz jauan, oker ez banagok. Kanping normala baina plaiara pegata.
Eta pegata dok pegata. Hau dok kanpinan marra bukatzen dok justu haria
hasten danian. Lokalizatzen ahalegindu nok eta uste juat topau dotela,
"Merendella" izenekua ei dok. Eta hona hamen bere irudi batzuk:
http://www.merendella.com/Pagevisiteplage.html. Fotografia polittak atera
jittuek baina pentsaik kanping normala baina plaiara pega-pega eginda.
Kotxez bazabizie ateraik kontua ez dozuela 60 kilometro orduko baino
bizkorrago juango. Ez dagok autopistarik, bakarrik joan-etorrerako karrik
biko karreterarik, eta bertatik furgonetak, kamioitxuak... ezin izango dok
aurreratu, kosta partetik bahago behintzat. Inportantia dok, jakin egin
behar dok 120 kilometroko biajetxua egin gura badok (esate baterako irlaren
iparraldetik hegoaldera juateko) ezingo duala egin ordu batian, ez, ezta
amesetan, ordu bi beharko dittuk juateko eta beste horrenbeste bueltatzeko.
Urten aurretik jakin egin bihar dok.
Lehenengo kapitulurako nahiko? Interesik badakak bigarren kapituluan
monumentuez, herriez, merezi daben eta ez daben tokixak... berba egin
neikian. Hik esan.
Bajaukat Korsikako gida bat, 2008kua, 400 orrialdetakua, frantsesez, ona,
eta bajaukat be Frantziako kanping gida 2007kua (bixak kasualitatez -edo
ez?- Michelinekuak). Gura badok esaten jestak hire helbidia eta igortzen
deuaraz.
Nik esandakua gehixenbat ipar-sortalde horretakuak dok. Hegoaldera ez ginuan
juan eta ezin ezer esan.
Gura duanerako. Ondo pasatuko dozue seguru.
i
----- Original Message -----
From: "Asier Sarasua" <[email protected]>
To: "Eibartarrak zerrenda" <[email protected]>
Sent: Wednesday, April 14, 2010 10:08 PM
Subject: [eibar] Korsika
laguntza bila nator.
Udan, seguru asko, Korsika inguruan juango gara. Kanpiñian.
Zeuetako iñor ibili da han inguruan?
Zer ikusi bihar da?
Zer ez?
Laguntzerik?
Kanpiñik ezagutzen dozue?
Eskerrik asko
Asier
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
_______________________________________________
Harpidetza eteteko, bidali mezua hona: [email protected]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
