Inaugurazio ordutegian egin dut bisita Kulturalera. Jendez beteta zegoen, baina barraren inguruetan pilatzen ziren gehienak. Barrura jo eta lasai ikusi ahal izan dugu Topalekua eta antzokiari tabernarako hartutako zatia. Ederra geratu da. Leire Abanzabalegik eta Ibon Usobiagak (arkitektuak) eman dizkigute argibide batzuk han elkartu garan batzuei. Tabernak sakontasun handia irabazi du, mahai gehiago eta toki gehiago lasai egoteko. Ikusgarria zineko proiektorea! Ibon-ek esan digunez zegoen tokian utzi dute, baina noski, orain toki hori taberna barruan da, ohorezko tokian bada ere. Topalekua ere luzeagoa da orain, eta Leirek esan digunez, ekitaldi txikiak bertan egiteko aukera dago. Biak bereizteko aukera ere izango omen da, hala behar denean.
Zorionak Kulturaleko lantaldeari. Orain ea zukua ateratzen diogun denon artean. oier.
_______________________________________________ Harpidetza eteteko, bidali mezua hona: [email protected] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
