Aleksandri i Madh i Maqedonisë
Aleksandri i Madh i Maqedonisë njihet si udhëheqësi dhe pushtuesi ushtarak më i
fuqishmi i botës antike. Para se të mbushte 30 vjeç, ai kishte pushtuar një
perandori të tërë me mbi 3000 milje, që shtrihej prej Greqisë e deri në Indi. U
lind në vitin 356 para erës sonë në Maqedoni, e njohur sot si Greqia Veriore.
Në shtratin e tij, i sëmurë, gjatë momenteve të fundit të jetës, Aleksandri i
Madh u thotë gjeneralëve të tij “Pas vdekjes sime, kur ta vendosni trupin tim
në arkivol, lërini duart e mia përgjatë skajeve me shuplakat e duarve të
hapura, kështu që publiku mund t’i shohë duart e mia të zbrazëta derisa unë e
lë këtë botë”.
Pas vdekjes së tij, shumë njerëz me autoritet erdhën për të parë funeralin
mbretëror dhe ishin shumë të habitur kur panë duart e Aleksandrit të Madh të
shtrira përgjatë skajeve të arkivolit me shuplaka të hapura. Ata filluan të
pyesin për këtë skenë të veçantë. Një njeri i mençur u tha atyre “O njerëz,
Aleksandri i Madh po na thotë se kur e udhëhoqi botën, ai zotëronte thesare të
mëdha me ar, argjend dhe pasuri. Sidoqoftë, në të vërtetë ai po e lë këtë botë
me duar të zbrazëta.”
Transmeton Enes Ibn Maliku, Allahu qoftë i kënaqur me të, se Pejgamberi
salallahu alejhi ue selem ka thënë: “Tri gjëra e përcjellin arkivolin e të
vdekurit, dy prej tyre kthehen prapa, ndërsa një mbetet me të: anëtarët e
familjes, pasuria dhe punët e mira. Anëtarët e familjes dhe pasuria kthehen
prapa, ndërsa veprat e tij mbesin vetëm me të.” (Sahih Muslimi)
Le ta shfrytëzojmë kohën tonë maksimalisht në kryerjen e veprave të mira, sepse
jeta është e shkurtër dhe vdekja vjen papritmas. E, kur të vijë ajo, të mos na
gjejë duarthatë dhe të papërgatitur. (Shënim i përkthyesit)
Burimi: Pjesërisht e shkëputur nga shkrimet e JC Pinkerton-it
Përktheu dhe përshtati nga anglishtja: Meriton Muriqi
Copyright islamcan
15.2.2008
_________________________________________________________________
More than messages–check out the rest of the Windows Live™.
http://www.microsoft.com/windows/windowslive/
--~--~---------~--~----~------------~-------~--~----~
Ju merrni këtë mesazh sepse jeni të anëtarësuar në grupin "Fjala e Bukur" në
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në
[email protected]
Për më shumë mundësi, vizito këtë grup në
http://groups.google.com/group/fjalaebukur
-~----------~----~----~----~------~----~------~--~---