Reagim per shkrimin
tendencioz te Xhevat Bislimit me titull ``Ne Kosove edhe shamia arabe
mund te
jete mbi shkollen dhe mbi ligjin`` botuar ne te perditshmen Kosova Sot
me daten
19.3.2010
Organizata
Joqeveritare
Forumi i të Rinjve Muslimanë
Prishtinë
REAGIM
STOP! Islamofobisë së Xhevat Bislimit
Forumi i të Rinjve
Muslimanë ndjehet i shqetësuar ndaj disa veprimeve të
fundit të disa individëve që mundohen të njëllosin vlerat fetare Islame
në Kosovë. Rasti i fundit është ai i Xhevat Bislimit i cili doli në
opinion me qëndrimet e tija fobiste.
Siç duket Xhevat Bislimit i ka hyrë frika në palcë për shkak të
ngjalljes së fesë pas rënies së ideologjisë së tij komunizmit dhe
mundohet që fesë t`i vë lloj-lloj etiketash .
Deshe ti apo jo realiteti tregon se zhvillimet në vendin tonë nuk
shkojnë më sipas ideologjisë tënde. Ka kaluar ajo kohë kur vendoste
partia.
Për të shkruar shkrimin tëndë të ka ``ngacmuar`` prononcimi i Avokatit
të Popullit, Sami Kurteshi, i cili sipas teje pa u hamendur dhe pa
menduar fare paska thënë se ``Dikush është mbi ligjin``. Po ti a nuk
sheh veten se jo që je mbi ligjin por ti je vet ligji dhe se kjo vinte
në shprehje vetëm nën sistemin komunist.
Për qudi edhe gjykatësi në Gjilan zotëri Ymer Huruglica pa menduar fare
vendosi në favor të nxënëses me shami, sa interesante! Po me çfarë mendë
punoni ju zotni Xhevati!? Ju mendoni se avokatët dhe gjykatësit duhet
të gjykojnë sikur ju, sipas mendjes e pa shikuar ligjin? Absurde.
Unë besoj se ju kurrë s`keni pasur në dorë ndonjëherë kushtetutën për ta
lexuar. Poashtu kam bindjen se as nuk keni haber për konventat
ndërkombëtare dhe ligjet ndërkombëtare në fuqi për liritë dhe të drejtat
e njeriut. Por s`keni faj ju por ideologjia e vdekur komuniste të cilën
ju ende e pasoni.
Sipas teje`` Kosova është e tejngopur me xhami e me kisha``. Kështu
mendonte edhe sistemi monist në Shqipëri në krye me Enverin ku për pasoj
u shkatërruan me qindra e qindra xhami dhe kisha. Këtë politikë ndoqi
edhe sistemi millosheviçian ku në luftën e fundit në Kosovë shkatërroi
qindra xhami. Këtë dëshironi edhe ju në Kosovë? Besimtarët muslimanë
ende kryejnë adhurimet fetare jashtë objekteve fetare për shkak të
mungesës së xhamive , sidomos në qytete. Pikërisht në Kosovë ka mungesë
të lirisë së ushtrimit të fesë .
Shkolla na qenka laike dhe se feja e ndarë nga shteti. Çdo të thuash me
këtë , se nxënësit kur shkojnë në shkollë , te dera e shkollës duhet të
deklarohen se besimin e tyre apo fenë e tyre e kanë lënë te shtëpia dhe
se mund të hyjnë në shkollë? Ku po u dashka që besimtarët të ushtrojnë
të lire besimin e tyre? Sipas cilit sistem logjikoni ju?
A mos ju ka ardhur pështirë kur Shqipëria me ligj të veçantë lejoi
përdorimin e Shamisë në institucione shtetërore e edhe në shkolla.? Me
siguri. Por Shqipëria më së miri e di se çfar ka përjetuar nga sistemi
monist e totalitar.
Ezanin, që lajmëron fillimin e adhurimit në islam e quan primitivizëm?
Po si nuk të vjen turp. Të quash një komunitet të tërë besimtarësh
primitivë është turp e përtej turpi. Injoranca është edhe më e madhe kur
dihet se pushteti i cili të mban ty është i zgjedhur pikërisht nga po
këta njerëz `` primitivë`` që i quan ti. Në emer të të cilit popull
flet? Të popullit të Vitisë asesi jo. Sepse edhe nuk je zgjedhur prej
tyre për të qenë në postin e pamerituar që mbanë. Juve në zgjedhjet e
vitit 2009 populli nuk u besoi votën e tij dhe nuk arritët të merrni ato
pak vota që nevojiteshin për të qenë deputet i kuvendit komunal. Kështu
ju gjykoi populli sepse nuk është hera e parë që ju veproni në këso
mënyre. Dhe mos u thirrni në patriotizëm e kombtarizëm se populli nuk i
han këto fjalë. Para se të shkruash këtofjalë ofenduese e nënqmuese
është dashur të kesh parasysh se populli i Vitisë janë besimtarë.
Nuk është hera e parë kur ju jeni mbi ligjin. Por kur mbi ligjin qëndron
politika , atëherë ju ende jeni trim.
Kosova nuk është vendi i parë në botë me sistem sekularë. Të gjitha
vendet demokratike janë sekulare por nuk e kanë këtë problem që ke
krijuar ti edhepse muslimanët në disa nga ato vende janë 1 %.
Sikur të ishit ju në Amerikë me këto qëndrime me kohë do t`ishe i
pushuar . Për ju të gjithë janë gabim, edhe Gjykata edhe Avokati I
popullit edhe mediumet e ndryshme, e kush jo tjetër.
Është qudi me ju kur në shkrimin tuaj nënqmoni dhe quani primitivë
gjithçka që është fetare qoftë katolike a islame e më poshtë në po të
njëjtin shkrim u tregoni besimtarëve se cili është vullneti i Zotit në
tokë. Besimtarët muslimanë dhe të krishterë i kanë prijësit e tyre
fetarë të cilë ua spjegojnë fenë atyre dhe për këtë janë kompetentë.
Ne përshëndesim gjykatën në Gjilan e cila shihet se nuk është e ndikuar
politikisht në këtë rast si dhe të nderuarin Avokatin e Popullit, të
cilët nuk kanë gjykuar me hamendje. Avokati i Popullit edhe këtë herë ka
reaguar me drejtësi sikur para dy viteve më herët. Arsyeja është një
dhe e vetme: Në Kosovë punohet me ligjin e njëjtë dhe nuk mund të ketë
ligje te kundërta për të njëjtën qeshtje.
Ju duhet të largoheni menjëherë nga detyra e juaj si nënkryetar i
komunës së Vitisë përderisa keni fyer dhe sharë popullin, shërbëtor i të
cilit edhe jeni. Hape televizorin, kyqu në internet dhe pyet të tjerët
se si jeton bota, e zhblloko mendjen nga katrahura komuniste, sepse
besimtarët do të vazhdojnë kryerjen e riteve fetare deri në frymën e
fundit.
Nëse nuk mund të shohësh besimtarët e feve në Kosovë derisa ata kryejnë
adhurimet e tyre ndaj Zotit të Madhëruar , atëherë ju bëjmë me dije se
kanë mbetur edhe pak vende si Kina, Korea Veriore etj. që ende kanë
ideologjinë tënde dhe me siguri mund të jetosh i lire sipas ideologjisë
tënde.
Për fund ju këshillojmë që t`i bëni një format vetvetës për shkak të
versionit të vjetëruar komunist e me shumë virusa dhe të instaloni
versionin DEMOKRATIK. Formatizimi gratis.
Forumi i të Rinjve Muslimanë
Prishtinë, 22.3.2010
Botuar edhe ne: http://www.newmedia-ks.com
Si dhe ne Gazeten Kosova Sot 24.03.2010
Forumi i të Rinjve Muslimanë
në
Kosovë është organizatë joqeveritare e regjistruar ne Ministrinë e
Shërbimeve
Publike të Qeverisë së Kosovës dhe ka për qëllim afrimin dhe ruajtjen e
vlerave
dhe kulturës se traditës Islame në Republikën e Kosovës.
--
Ju merrni këtë mesazh sepse jeni të anëtarësuar në grupin "Fjala e Bukur" në
Google Groups.
Për të dërguar në këtë grup, dërgo email në [email protected]
Për t'u ç'anëtarësuar nga ky grup, dërgo email në
[email protected]
Për më shumë mundësi, vizito këtë grup në
http://groups.google.com/group/fjalaebukur
To unsubscribe from this group, send email to
fjalaebukur+unsubscribegooglegroups.com or reply to this email with the words
"REMOVE ME" as the subject.
