http://www.kosovapr ess.com/ks/ index.php? cid=1,8,98683 Behxhet Sh. SHALA Në disa gazeta ditore ku shprehen opinionet e lexuesve, Dom Jeton Thaqi në një shkrim me titull “ Përballë njerëzve pa memorie- pa respekt dhe pa mirënjohje” përpiqet t‘i arsyetojë veprimet e Vatikanit në raport me angazhimin e saj kundër pavarësisë së Kosovës. Vet titulli i këtij reagimi flet për karakterin e këtij Dom(n)i i cili vështirë se mund të jetë besimtar i devotshëm aq më parë që problemit i kapet nga bishti! Në pyetje është , ose mungesa e vullnetit për ta trajtuar këtë çështje realisht dhe nga aspekti human, ose mund të jetë që ky farë Dom(n)i mundohet ta luaj rolin e idhullit të tij nga Amerika i cili e ka patentuar një mënyrë se si duhet të zgjidhet çështja shqiptare ( lexo Myslimane ) në Kosovë. Të vriten si qejt, konet, kudra etj. Askund nuk kam lexuar se Jeton Thaqi, ndryshe botues i gazetës fetare “ Drita” të ketë reaguar kundër këtyre propozimeve të çmendura, kundër rrënimit të gjimnazit “ Xhevdet Doda” mbi themelet e së cilës po ndërtohet Katedralja politike. A ka qenë premtimi publik i Kishës Katolike në Prishtinë , përkatësisht i Ipeshkvit të saj se nuk do të fillojë ndërtimi i Katedrales politike para se të përfundojë ndërtimi i gjimnazit “ Xhevdet Doda” dhe të rehatohen mbi 1400 nxënës që janë përjashtuar nga ky gjimnaz?! Tash ju pyes Juve i përndrituri Jeton Thaqi, ku është gjimnazi “ Xhevdet Doda” dhe ku kanë mbetur premtimet.?! Askund nga ky njeri i Zotit nuk kam lexuar për solidarizimin e tij për kushtet e padinjitetshme, fyese dhe poshtëruese në të cilat besimtarët e besimit islam i kryejnë obligimet e tyre fetare! Askund nuk kam dëgjuar apo lexuar ndonjë reagim për deklaratat antikosovare të zyrtarëve të Vatikanit ndërkaq që i fundit ishte ai i Werner Casper për statusin e Kosovës dhe për “ barbarinë” kulturore që e bëjnë shqiptarët ndaj objekteve fetare ortodokse dhe përpjekjet që ta ndryshojnë historinë dhe realitetin me dhunë! Në fund të fundit, kishat ortodokse nuk janë serbe por kanë qenë kisha shqiptare. Ka qenë detyrim i juaji dhe i Kishës Katolike të Kosovës që pëmes reagimit të menjëhershëm t’i demantoni ato pohime! Nuk e keni bërë dhe as që do ta bëni sepse keni punë më të rëndësishme, të na tregoni se Papa Benedikti XVI e paska pritur në një takim presidentin Sejdiu dhe se me atë rast i paska dhuruar një penë me të cilën e paska nënshkruar Deklaratën e Pavarësisë! Dhe këtë e kontrabandoni si përkrahje politike! Ashiqare po talleni duke bërë përpjekje që ta arsyetoni Atin e Shenjtë i cili, asnjëhere dhe në asnjë rast nuk është deklaruar në mbështetje të pavarësisë së Kosovës! Gjithmonë, edhe kur nuk është kërkuar nga ai është deklaruar në përkrahje të Beogradit duke thenë se Kosova është djep dhe qendër e Serbisë. Madje, ambasadori i Vatikanit në Beograd ka deklaruar se Vatikani Kosovën e llogaritë si të jetë Shumadia apo Kragujevci! Asnjëhere , as Vatikani e as Ju nuk jeni distancuar nga këto deklarata! Nëse Papa Benedikti XVI i paska dhuruar një penë për ta nënshkruar pavarësinë e Kosovës , unë do t’i dhuroja Papës 3 pena për ta nënshkruar njohjen e Kosovës si shtet. Por ai këtë nuk do ta bëjë edhe nëse ia dhuroni edhe 3.000000000000000 pena! Përpjekjet tuaj të më vendosësh në një raport konfrontues me Pal Engjëllin, Gjon Buzukun, Pjetër Budin, Bogdanin, Matrengën, Mjedën, Fishtën, Luigj Palajn, Nik Prelën, Mark Sopin, Xhon Serreçin, Marie Shllakun, Ambroz Ukën, Nosh Gjolaj dhe martirët Mark Palokën, Mirditën, Dedajt etj.janë të kota dhe i bën për qëllime spekulative, për ta marrë në mbrojtje qëndrimin joparimor të zyrtarëve të Vatikanit dhe vet Papës Benedikti XVI-të! Të gjithë këta që i përmenda më lartë së pari kanë qenë njerëz, pastaj shqiptarë e në fund besimtarë të devotshëm. Ju, i nderuari Dom Jeton Thaqi e bëni të kundërtën, në emër të mbrojtjes joparimore të fesë që i takoni i leni anash se jeni shqiptar e sidomos më të rëndësishmen se jeni njeri dhe nëse nuk e vendosni në rend të parë njeriun atëhere nuk ka asnjë kuptim të flasim as për fenë! Përgjegjësia, terapi kundër gënjeshtrës: Duket se keni problem të pariparueshëm kur jeni në situatë ta dalloni të vërtetën prej gënjeshtrës! Ata që ju kritikojnë menjëherë i sistemoni te gënjeshtarët, të papërgjegjshmit dhe të papjekurit! Ndërkaq ata që janë në të njëjtat valë me ju , edhe kur punojnë kundër interesave të njerëzimit, shtetit të tyre dhe popullit që i takojnë lehtësisht i kooptoni në grixhën tuaj! Presidenti i ndjerë e që Ju e quani të përndritur, Ibrahim Rugova gabimin më të madh e ka bërë pikërisht në raport me Vatikanin dhe ky ka qenë gabimi i tij i fundit! Andaj nuk i gjeni asnjë vërejtje! E vlerësoni gjithashtu edhe zëvendësministren Vlora Çitaku për qëndrim më të pjekur sepse nuk po e kritikon Vatikanin! Keni harruar një deklaratë skandaloze të ministrit për Punë të Jashtme të Republikës së Kosovës z. Skender Hyseni për ta kompletuar mozaikun e atyre që kanë qëndrim të “pjekur” për parapolitikën e Vatikanit karshi Kosovës! Mos harroni se deklaratat e tyre skandaloze bëhen për të mbijetuar politikisht e jo se janë parimorë! Te unë është pikërisht e kundërta, dua të jetoj si njeri e jo si politikan! Nuk jam gazetar por aktivist për të drejtat e njeriut. Ndërtimin tim njerëzor dhe kombëtar e kam fituar nga personat e lartpërmendur të kulturës, historisë, qëndresës dhe atdhedashurisë . Asnjëhere nuk jam deklaruar kundër të drejtave fetare, të të gjitha besimeve e as kundër objekteve fetare, gjithashtu për të gjithë besimtarët! Asnjëhere nuk e kam pranuar ndërtimin e Kishës Ortodokse Serbe në kompleksin universitar dhe këtë e kam konsideruar si kishë politike të kriminelit Millosheviq. Ashtu mendoj edhe sot! Asnjëhere nuk do të pajtohem se Katedralja që po ndërtohet mbi themelet e një shkolle është bërë për përmbushjen e nevojave të besimtarëve të krishterë në Prishtinë numri i të cilëve është jashtëzakonisht i vogël! Ideja dhe motivi për ndërtimin e saj ka qenë politik! Asnjëherë nuk do të pajtohem që 95% të qytetarëve të Kosovës të besimit islam të injorohen në atë masë sa që në mungesë të objekteve fetare obligimet e tyre fetare i kryejnë në rrugë, në shi, dëborë dhe baltë e në anën tjetër të ndërtohen objekte fetare që i përmbushin nevojat ditore të politikës! Nëse para ligjit nuk jemi të barabartë, e duket se nuk jemi , para Zotit duhet të jemi të barabartë!Të ndërtosh xhami, kishë, katedrale, teqe, sinagogë, pagoda apo ndonjë objekt tjetër fetar mbi themelet e një shkolle është blasfemi, është krim, pa asnjë dyshim! T’i përzësh nxënësit, mësuesit dhe arsimtarët nga objekti shkollor dhe në vend të tyre t’i fusësh hoxhallarët, klerikët, popët është çmendi! Asgjë tjetër! Është e madhërishme nëse mund të sillemi si njerëz dhe nuk ka shpërblim më të madh se të jeshë njeri në kuptimin e plotë të fjalës. Për dikend, duket se kjo është shumë e vështirë, mos të them e pamundur! __._,_.___ Reply to sender | Reply to group | Reply via web post | Start a New Topic Messages in this topic (1) Recent Activity: Visit Your Group MARKETPLACE Stay on top of your group activity without leaving the page you're on - Get the Yahoo! Toolbar now. ________________________________ Welcome to Mom Connection! Share stories, news and more with moms like you. ________________________________ Hobbies & Activities Zone: Find others who share your passions! Explore new interests. Switch to: Text-Only, Daily Digest • Unsubscribe • Terms of Use . __,_._,___ -- Ju merrni këtë mesazh sepse jeni të anëtarësuar në grupin "Fjala e Bukur" në Google Groups. Për të dërguar në këtë grup, dërgo email në [email protected] Për t'u ç'anëtarësuar nga ky grup, dërgo email në [email protected] Për më shumë mundësi, vizito këtë grup në http://groups.google.com/group/fjalaebukur
