Do not sleep, while the match in progress (Ho lekh, Brazil v/s Japan modim khell somplea uprant boroilolo, 23vi Junh, 2006) Bharotache ttimink khellun porzololo ani soddeak eke ostad Veterans ttimicho mukhell coach Caitana-nk, futtbol khellacho oputt onnbhov asa. Punn jea disa World Cup-ak, Asian ttim khelltali, tea disa mat tannem tonddak chavi korun TV-ir khell pollevncho astalem. Hachem karan, tachi futtbol mogi bail Jolin; Korea, Japan, Iran, Saudi Arabia, Australia hea Asian ttimink aplo purai tenkho ditali (Australia, Oceania desantlea group-antleant jikon aileli. Punn atam Asian Football Confederation hache vangddi zaleat. Dekhunuch tannim Asian bavttea kala khellunk zai) Junh-ache 22ver Brazil ani Japan-a modim 2006 FIFA Vixv Kopa-cho futtbol khellan Japan-ache khellgodi Keiji Tamada-n khellachea 34 minutam poilo suddsuddit gol Brazil-ache zalient toplolo tedna, Jolin-achem kalliz sontonslem ani tallio pettevn xeboi ghatleleo. Caitano ani Jolin sangtakuch, Japan-Brazil live futtbol khell TV-ir polletalim. Thoddoxo vell rav. Brazil, Japan-acher golancho pavs vhotoitolo. Japan-achea poilea golacho shock ghevn Caitana-n mhonnlem. Futtbolachea mapar porzollte desacher poilo gol marun, Asian ttimin ostadponn dakhoilem mhunn xeboi ditam hanv Somzonaka hech golacher te dusrea davant (second round) pavtele. Itli xokti ani khopxi Japan-a thaim na. Tem hanv zanna. Tori astana mhojem ek aik. Dusrea vixv zuz-an (World War II) Dezembrache 7ver 1941, Japan-ache fovzen poilem akromonn Amerikache Pearl Harbor-acher kelelem. Amerikek unnech char vorsam laglelim Japan-anche Hiroshima ani Nagasaki donuim xarancher (Agostache 6ver ani 9ver 1945) atomic bomb ghalun nixontton korpak. Keddnach udorgotti mollar progotti (progress) korcho na mhunn distalem. Punn aiz, Japan-achi tontrvidea-nan (technology) ekdom fuddem pavlea. Tanchea vostunk tullna (comparison) korunk zaina. Sonvsachea konkonxeanim made in Japan uncha mollacheo vostu bazarant ximpoddleat.. Ani atam soddeak, tum Brazil-acho khell Ttivir polleta to Made in Japan Sony TV. Anink chear vorsam rav. Japan world cup aplea tabeant kortelem" Purai ithias (history) Caitano-ache paieanxim dovorta mhollear Ronaldinho-n aple paienchi magic-ken Ronaldo-k bol pas kelolo. Punn bol golan vochunk na tea vellar niraxi zaun Caitan-an mhonnllem Ho zorgi Ronaldo angan zodd zala. Mati kha re gol marunk zaina zalear. Coach Alberto Parreira-n taka bhair bosounk zai aslo. Hanga boson furfurta konnacher? Tum voch mure Brazil ttimink coaching divnk? Goenchea sorkaran FIFA Vixv Kopa-k Goenche 8 protinidhi (representative) Germanank patthouleat nhoi? Brahmanand Sankwalkar ani Bruno Coutinho, dogui Anjuna Puroskar zoddlele. Oslea monxank thoim patthoun koslo tori thoimsorlea futtbol-acho onnbhov ghevn ietle mhunn opekxa asa. Punn dusre? Fatorda moidanar khell choltanna bizli veta te toren Germana-n bizli appa-lipa korta vo na tem pollevpak Digambar Kamat-Viz Montri-k ani Khella Montri Pandurang Madkaikar-ak patthouleat kitem? Goenchea sabar panchayatini talati nasun lokache hal zatat tea khatir Subhas Shirodkar-Panchayat Montri, Aleixo Sequeira Lottlechea Amdara sangata dadhun dila? V. M. Prabudesai ani Mario Pinto hankam .." Ti fuddem ulovnchi bond zali. Ronaldon-n, Japan-acher dusro gol marun World Cup Final-int, Germache Gerd Muller-achea 14 golancho rekord-a sarko, tachoi-i bi rekord tharlo mhunn bravo Ronaldo, bravo. Caitano mottean boballunk laglo. Thoddea vella adim Ronaldo-acher tiddketelo monis atam tech Ronaldo-k bravo-bravo nare gazoitalo. Donui pontent tel zolovpi ghorkara thaim uzotti korun faido na oxem tinnem chintlem ani khell sompunk thoddo vell asa mhollear kuddant geli. Ani koslei-i kamank lagon ghorant uzotti zalear Jolin nidhcheo gullio (sleeping tablets) getali. Aiche ratrik tinnem toxench kelelem. 20 vorsam sompun gelim korim punn futtbol sonvsarant ek itihasik tarik zaun ulli. 22vi Junh, 1986 Mexico, Estadio Azteca xarant, England-Argertina modim zalelea khellan, Argentina-cho famad futtbol khellghodi Diogo Marodona-chea hand of god vo Spanish bhaxen (Mano de Dios) billion lokan TV-ir poloilolo. England-acher hatant marlolo gol, Caitana-chi bail koxich sivkar vo mannun ge nasli. Tea disa commentator-an mhonnlelem not having seen the infringement, allowed the goal. Tunisia deshache refri Ali Bin Nasser-ak, moidanar nidhon vo dolle dampun refriponn choloita mhunn taka bhouch xiraplolo. Refriche chukik lagon boreleo ttimi piddear zaunk pavtat tea vixim aplo husko dakhoun tinnem Caitana thaim zoran uzetteo keleleo. 20 vorsam fattle gozalichi iad Caitanachea monan ojun taji asli.
Sokallchea 6:30 vaztam bhurgeanim dar dodhailem. Jolin-an veg-vegim angar aslelem chador kuxin kelem ani utthun daraxim vetalem tedna tika kollun ailem tichea angar kopdde nant mhunn. Nidhonk vetana angavele kopdde tinnem kaddunk nasle. Dara bhitorlenuch bhurgeank zap dili ani tondd h-a-m korun nidhlolea Caitana-nk zagoilo. To dolle pusit-pusit utthlo. Nagddi protima (picture) dolleam mukhar pollevn tannem mhonnlem Aiz kitem? Moidan ugttem soddlam? Hench vicharunk tuka utthaila. Mhoji porvongi nastana tum moidanar ailo koso? Refri tor nidhla. Khellunk dislem What do you think women are? A play ground of a man and factory of children, ani aple tondd dusre vatten korun porot sust nidhlo. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _______________________________________________ Goanet mailing list [email protected] http://lists.goanet.org/listinfo.cgi/goanet-goanet.org
