In 2020-03-27 01:38, MacLeod Dave scrit: > Yo ha ja monstrat it a mi amico Cale qui anc es programmator! Secun > il, "he wrote it in Forth?? That's wild"
:) Yes, Forth is mi favorit lingue de programation, e quem yo max usa, desde que yo incontrat it circa 1984. It es tre diferent in omni aspecte ordinari, ma it possibilisa un creativitá sin limitationes, specialmen quande li ressurses del machine es micri e un gran eficientie es necessi. Ultra li articul del anglesi Wikipedia (https://en.wikipedia.org/wiki/Forth_%28programming_language%29), li sequent articul monstra un tre bon vision general del lingue: https://hackaday.com/2017/01/27/forth-the-hackers-language. Curiosimen, pro su simplic functionament e natura self, it ne es desfacil por un programator crear un Forth propri. To es li rason, que hay sistemas Forth por presc qualcunc tip de computator. Anc yo ha creat mis pluri vezes, ex queles li ultim es nominat Solo Forth (http://programandala.net/en.program.solo_forth.html). To es ínimaginabil pri altri lingues: nequí programator de C, Python, Java, Lisp, BASIC o quelcunc... vell dir «Mi lingue favorit ne es disponibil por mi computator, dunc yo prim va scrir it!» :) > Yo ancor ne possede un alt nivelle de programmation ma yo lee plu e > plu pri Rust omnidie, lude con it un poc To es tre bon. Yo incoragea vos. Mi fratre tre usa Rust, e yo save pri su mult qualitás e avantages, specialmen li securitá de su compilator. Ma, pro curiositá, esque Rust ne es vos tro complex quam prim lingue por aprender programation? Fórsan un BASIC modern e potent, quam FreeBASIC (http://freebasic.net) o altri (hay multis, sol interpretatores, sol compilatores e ambi) vell esser un prim via plu comfortabil a viagear. Yo mult usa e aprecia BASIC. Anc yo provat Rust un poc, ma yo nequande sentit me confortabil con tal tip de lingues, plen de sintactic conventiones e abstrationes, queles omni sembla me complex dialectes de C, quel nequande atraet me. Sin dúbita yo es tro acustomat al paradigme del lingues concatenativ (https://concatenative.org/wiki/view/Concatenative%20language), ex queles Forth es li avo, li orígine. > e pensa pri un die crear un traduction de Rust by example (por 'mortar > du avies con un sol petre', quam on di vulgarimen in anglés). To es li > sol metode por familiarisar me plu a Rust e far crescer Occidental > simultanmen in li témpor limitat quel yo possede. To es un tre bon idé. Anc yo fa simil per traduction de mi web e mi programas. Ultramen, usar Interlingue in modern contextus es un practica util, e un bon metode por trovar paroles mancant (talmen in ti-ci missage). -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#143): https://groups.io/g/interlingue/message/143 Mute This Topic: https://groups.io/mt/72566962/21656 Group Owner: [email protected] Unsubscribe: https://groups.io/g/interlingue/leave/5161842/2010256328/xyzzy [[email protected]] -=-=-=-=-=-=-=-=-=-=-=-
