Quande yo studiat IALA-Interlingua ante tri annus, yo auscultat pluri vezes omni programmas de Radio Interlingua (de queles, apropó, nequel ha esset publicat de tande). Malgré que in fine li resultate de mi studiada esset descorageant pro li grand desfacilitás de ti lingue, li possibilitá auscultar it esset un bon auxilie e un plesura, queles sempre mancat me in Occidental, cuji materiales _ancor_ es mult plu scarsi quam tis de Interlingua.
Nu, mersí al la *grand labor* de Dave, noi have li textus de su cursu «Salute, Jonathan!» leet de il self, in filmes in YouTube. Desde du semanes yo ha auscultat omni les ya pluri vezes. Ili es bonissim, utilissim por practicar li lingue partú. Vider li evolution del materiales disponibil in Interlingue durant li ultim annus, in crescent quantitá, qualitá e diversitá, es ya tre incorageant. Alor, divers metodes hay por descargar li capitules, mem rect per li web-navigatores, ma usatores de sistemas Linux(*) posse descargar automaticmen omni son-documentes ex li adresse del video-liste de YouTube per li programma youtube-dl, usante li sequent comande: youtube-dl -f 140 "https://www.youtube.com/watch?v=W-JUKminTRc&list=PLfllocyHVgsQJDLBEshG0Oe6YOBA7Y0Ob"; On posse anc specificar li prim o ultim capitules, o ambi, a descargar. Por exemple, por descargar solmen ínter 30 e 59 li comande es: youtube-dl -f 140 --playlist-start 30 --playlist-end 59 "https://www.youtube.com/watch?v=W-JUKminTRc&list=PLfllocyHVgsQJDLBEshG0Oe6YOBA7Y0Ob"; Li cent son-documentes in ti formate ocupa 614 MiB. (*) Certmen youtube-dl es usabil anc in li sistema Windows e altris, nam it es scrit in Python, ma yo ne conosse detallies. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#482): https://groups.io/g/interlingue/message/482 Mute This Topic: https://groups.io/mt/87970036/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
