Yo copie in infra mi response in Discuss
(https://discord.com/channels/633312752970104842/860077333881159690/930917355498909756)
a un aprensor quel in 2021-07(*) questionat ca, nam it es possibil dir
"queles", on posse dir anc "quis". In fact to es un afere pri quel yo
volet scrir ci ante alquant témpor.
_________
Yo de long témpor pensa que, apu "queles", anc "quis" e "quemes" es tre
util, ma on nequande usat les. Secun mi sente lingual, "queles" es tot
optional. Si adjectives ne deve prender li plurale del substantives
(ultra quande li adjective es sol e li plurale es necessi por claritá,
e.g. "ples prender li bellis"), yo ne vide un rason pro quel "quel" deve
prender li plurale ("li pomes quel es ta" es tot bon secun mi
opinion)... excepte quande li plurale es util por claritá ("li pomes del
cité quel yo conosse"... "li pomes del cité queles yo conosse"). Dunc
tot sam pri "quemes" e "quis". Un fortie de Interlingue es su
flexibilitá: on ne deve parlar sempre lu max precismen (p.e. on posse
dir "quel" vice "quem" si li sense es clar), ma on posse parlar tal
quande to es util. Yo ne va dubitar usar "quemes" e "quis" quande li
claritá besona les.
_________
In fact yo anc questionat me, pro quo semblantmen on nequande sentit li
beson de "quom" e "quim" por cert casus special.
(*) Discuss e simil locs ne es sat bon por discusser con minimal órdine,
tranquilitá o profunditá, ma por babillar in sam témpor pri plur litt
coses. Yo hazardmen trovat ti obliviat missage de ante mensus.
--
Marcos Cruz
http://alinome.net
--
ne.alinome.net
-=-=-=-=-=-=-=-=-=-=-=-
Groups.io Links: You receive all messages sent to this group.
View/Reply Online (#500): https://groups.io/g/interlingue/message/500
Mute This Topic: https://groups.io/mt/88382404/21656
Group Owner: [email protected]
Unsubscribe:
https://groups.io/g/interlingue/leave/5161842/21656/2010256328/xyzzy
[[email protected]]
-=-=-=-=-=-=-=-=-=-=-=-
