Corectante «Fraseologie de Occidental» de Kajš, yo ha trovat ti frase: ____
Esque vu opine que li pluvia va durar long? ____ To quo chocat me es que li substantivation «pluvia» es un casu special del verbes finient per «-ar». Vi ex li capitul 2-esim «Flexion» del grammatica de Janotta (Cosmoglotta A 65 (1929-10)): ____ Li finale -a es usat anc por li tema presentic del verbes finient in li infinitive per -ar e anc por li verbal substantives derivat de ti verbes e identic con lor tema presentic; tal substantives expresse un singulari eveniment, un curt, simplic action; p. ex.: li pluvia del verb pluviar, li pecca de peccar, li pensa de pensar. ____ Dunc un *pluvia* nequande posse durar long, solmen li *pluvie* posse. Fórsan pro to on have parapluvies vice parapluvias… Yo dúbita ca corecter ti parol o ne, ma in omni casu un pednote pri li nuancie va auxiliar li letores. Curiosimen, in Cosmoglotta hay tre poc pluvies: 32 ver «pluvie»-s e solmen 9 substantivic «pluvia»-s (ex queles quelc es nequó altri quam exemples grammatical). Fórsan li rason es que Cosmoglotta contene 226 «sole»-s… -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#533): https://groups.io/g/interlingue/message/533 Mute This Topic: https://groups.io/mt/92319996/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
