Yo audit un explicattion del duplic negationes in relation con un altri lingue, ma yo crede que it vale anc in occidental, a saver que on nega pluri paroles in li senentie, quo posse dar coses quam "Yo ne ha comprendet nequo." Ma ne minu pro pedagogic rasones, yo prefere li simplic negationes.
Den 2023-01-08 kl. 20:04, skrev Marcos Cruz: > Ex Cosmoglotta B20 (1938-10): > > ____ > > Simplic o duplic negation? > > In «Spíritu de Occidental» va aparir un articul ex ancian Kosmoglott, in > quel senior de Wahl explica pro quo li *duplic negation es preferibil*. > Ja li unesim claves contenet alusion pri li duplic negation. It es plu > international e plu psicologic. Li simplic negation (plu logic secun un > matematical conception del grammatica) esset introductet in li practica > de Occidental per li Ex-Idistes. It ne constitue un grav erra; ma on > deve memorar que li matematica in quel un duplic negation deveni > positiv, es un munde de altri leges quam li lingue. Do, amatores de bon > stil occidental: *ples preferer li duplic negation* («to ne fa necos», > «yo ne ha videt nequem», «yo ne conosse necun chinés») ma solmen quande > li «ne» precede li altri parole negat, e quande it ne precede it > ínmediatmen («nequí ha venit». «Yo ha videt ne nequem -- yo ha videt un > mann»). > > I.F. > ____ > > Un continuation de ti articul vell posser esser "Duplic o quadruplic > negation?", nam si, secun senior Ilmari Federn, "li matematica in quel > un duplic negation deveni positiv, es un munde de altri leges quam li > lingue", e in ti munde du negationes vale quam un negation, tande quar > negationes posse valer quam du negationes, queles evidentmen significa > un negation. > > Mi preferentie es sempre li simplic negation. Altri die yo va argumentar > li rason, con exemples curiosi pri duplic negationes in hispan. > > Yo *ne* vide *nequel* rason por *ne* scrir *nequal* argumentation, *ne* > naturalmen *nequande*. > > :) > > (Yo esset ocupat pri altri aferes durante semanes, ma yo espera > reprender poc a poc li taches e li contactes.) > > -- > Marcos Cruz > http://alinome.net > -- > ne.alinome.net > > -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#588): https://groups.io/g/interlingue/message/588 Mute This Topic: https://groups.io/mt/96137168/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
