Yo just observat que in Cosmoglotta (1927/1950) on usat ambi 'detalie' e 'detaile'.
Pos serchar proxim usationes de ambi paroles yo ha trovat ti in Cosmoglotta B 2 (1935-04/06), sin autor, del redaction: ________________________________ === Ortografie Omni lingues, mem li lingues international, presenta alcun casus de duplic formes. Tamen noi pensa plu bon evitar les max possibil in Occidental por ne trublar li nov adeptes. Por ne obligar nos corecter li manuscrites noi peti nor corespondentes usar li sequent formes sublineat e evitar paroles inter parenteses: *til* (till) -- *ili* (illi) -- *comensar* (commencear) -- *imens* (immens) -- *max* (maxim) -- *vez* (vece) -- *brochura* (brochur) -- *pleser* (placer) -- *plesura* (plesur) -- *detalie* (detail) -- suffixe *-aya* (aila o al'a) -- *interess-er* (interessar) pro interessiv. Forsan li Academie va discusser pri li superior casus e selecter. Ma til un decision oficial, noi opine necessi contentar nos per un sol form por evitar hesitationes. It es recomendat preferer li simplicitá do evitar li duplic lítteres ta u li internationalitá ne postula les, anc preferer f a ph, t a th. Ex. Crestomatie e ne chrestomathie; ortografie e ne orthographie, etc. ________________________________ Semblantment li recomendation pri "detalie" esset fructosi o ínnecessi, nam li usation de ti paroles in omni numerós ínter 1927 e 1950 es ti: 155 detallie(s) 038 detalie(s) 003 detaile(s) 000 detaille(s) 2 ex 3 "deaile(s)" es de Berger (numeró A 93, 1934-02) e li triesim es del redaction (numeró A 97, 1934-07), do probabilmen anc de il. "Detallie" es li form usat in li dictionarium anglesi. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#595): https://groups.io/g/interlingue/message/595 Mute This Topic: https://groups.io/mt/98155366/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
