ಕಟ್ಟುಗೆ ಕಟ್ಟದಿರ್ಕೆ ಕಡಲಂ ಕಪಿಸಂತತಿ; ವಾಮನಕ್ರಮಂ ಮುಟ್ಟುಗೆ ಮುಟ್ಟುದಿರ್ಕೆ ಮುಗಿಲಂ; ಹರನಂ ನರನೊತ್ತಿ ಗಂಟಲಂ ಮೆಟ್ಟುಗೆ ಮೆಟ್ಟದಿರ್ಕೆ; ಕವಿಗಳ್ ಕೃತಿಬಂಧದೊಳಲ್ತೆ ಕಟ್ಟಿದರ್ ಮುಟ್ಟಿದರೊತ್ತಿ ಮೆಟ್ಟಿದರಿದೇನಳವಗ್ಗಳಮೋ ಕವೀಂದ್ರರಾ
-ನೇಮಿಚಂದ್ರನ "ಲೀಲಾವತೀ ಪ್ರಬಂಧಂ" ಕಟ್ಟುಗೆ ಕಟ್ಟದಿರ್ಕೆ ಕಡಲಂ ಕಪಿಸಂತತಿ; ವಾಮನಕ್ರಮಂ ಮುಟ್ಟುಗೆ ಮುಟ್ಟುದಿರ್ಕೆ ಮುಗಿಲಂ; ಹರನಂ ನರನೊತ್ತಿ ಗಂಟಲಂ ಮೆಟ್ಟುಗೆ ಮೆಟ್ಟದಿರ್ಕೆ; ಕವಿಗಳ್ ಕೃತಿಬಂಧದೊಳಲ್ತೆ ಕಟ್ಟಿದರ್, ಮುಟ್ಟಿದರ್, ಒತ್ತಿ ಮೆಟ್ಟಿದರ್‌; ಅದೇನಳವಗ್ಗಳಮೊ ಕವೀಂದ್ರರಾ (’ಅಳವು ಅದೇನ್ ಅಗ್ಗಳಮೋ ಕವೀಂದ್ರರಾ’ ಅಂತ ಕೂಡ ಓದಿಕೊಳ್ಳಬಹುದು)! ಕಡಲಿಗೆ ಸೇತುವೆಯನ್ನು ವಾನರ ಸಮೂಹವು ಕಟ್ಟಿದವೊ ಇಲ್ಲವೊ, ವಾಮನನು ಆಗಸದೆತ್ತರಕ್ಕೆ ಏರಿ ನಿಂತನೊ ಇಲ್ಲವೊ, (ಅರ್ಜುನನು ಮಲ್ಲಗಾಳಗದಲ್ಲಿ ಹರನನ್ನು ಸೋಲಿಸಿ) ಹರನ ಗಂಟಲ ಮೇಲೆ ಅರ್ಜುನ ತನ್ನ ಕಾಲನ್ನಿಟ್ಟನೊ ಇಲ್ಲವೊ - ಇದೆಲ್ಲ ನಡೆದವೊ ಇಲ್ಲವೊ ಕಂಡವರಾರು? ಆದರೆ ಕವಿಗಳು ತಮ್ಮ ಕೃತಿಬಂಧಗಳೊಳಗೆ ಈ ಸನ್ನಿವೇಶಗಳನ್ನು ಅದ್ಭುತವಾಗಿ ಸೃಷ್ಟಿಸಿದರಲ್ಲವೇ? ಆಹಾ! ಅವರ ಕಾವ್ಯಸೃಷ್ಟಿಯ ಸಾಮರ್ಥ್ಯ ಅದೆಂತಹುದೋ! ಕಾವ್ಯದಲ್ಲಿ ಉಕ್ತವಾಗಿರುವುದೆಲ್ಲವೂ ನಿಜವೋ ಅಲ್ಲವೋ ಯಾರಿಗೆ ಗೊತ್ತು. ಅದೆಲ್ಲವನ್ನು ಕಂಡವರಾದರೂ ಯಾರು? ಆದರೆ ಒಂದು ಕೃತಿಯನ್ನು ಓದುವಾಗ ಅದರಲ್ಲಿ ಬರುವ ಸಂಗತಿಗಳು ನಿಜಕ್ಕೂ ನಡೆದವೆಂದೇ ನಮಗನಿಸುವುದಿಲ್ಲವೇ? ನಮ್ಮ ಕಣ್ಣೆದುರಿಗೇ ಆ ದೃಶ್ಯಗಳು ನಡೆಯುತ್ತಿರುವಂತೆ ಭಾಸವಾಗುವುದಿಲ್ಲವೇ? ಹೇಗೆ ಸಾಧ್ಯವಾಯಿತು ಇದೆಲ್ಲ? ಯಾವ/ಯಾರ ಚಮತ್ಕಾರವಿದು?? ಕವಿಸೃಷ್ಟಿಯ ಚಮತ್ಕಾರವದು. ಕವಿಯು ತನ್ನ ಕಾವ್ಯದಲ್ಲಿ ನಾವಾರೂ ಕಂಡಿರದ ಹೊಸ ಲೋಕವೊಂದನ್ನೇ ಸೃಷ್ಟಿಸಬಲ್ಲ*. ನಾವು ಕಂಡು ಕೇಳರಿಯದ ಸನ್ನಿವೇಶಗಳೂ, ವಿಶೇಷ ಸಂಗತಿಗಳೂ ಜರುಗಬಹುದಲ್ಲಿ - ಕಾವ್ಯ ಜಗತ್ತಿನಲ್ಲಿ.! *ಆನಂದವರ್ಧನನು ತನ್ನ "ಧ್ವನ್ಯಾಲೋಕ"ದಲ್ಲಿ ಹೇಳಿದ್ದಾನೆ - ಅಪಾರೇ ಕಾವ್ಯಸಂಸಾರೇ ಕವಿರೇವ ಪ್ರಜಾಪತಿಃ | ಯಥಾಸ್ಮೈ ರೋಚತೇ ವಿಶ್ವಂ ತಥೇದಂ ಪರಿವರ್ತತೇ || "ಅಪಾರವಾದ ಈ ಕಾವ್ಯಜಗತ್ತಿನಲ್ಲಿ ಕವಿಯೇ ಸೃಷ್ಟಿಕರ್ತ. ಆತ ತನಗೆ ಹೇಗೆ ರುಚಿಸುವುದೋ/ ತೋರುವುದೋ ಹಾಗೆ ವಿಶ್ವವನ್ನು ರೂಪಾಂತರಗೊಳಿಸುತ್ತಾನೆ" Vijendra.H.S. HOD - Kannada Dept. and Exam Coordinator. BIS Badagandi. -- ----------- 1.ವಿಷಯ ಶಿಕ್ಷಕರ ವೇದಿಕೆಗೆ ಶಿಕ್ಷಕರನ್ನು ಸೇರಿಸಲು ಈ ಅರ್ಜಿಯನ್ನು ತುಂಬಿರಿ. -https://docs.google.com/forms/d/e/1FAIpQLSevqRdFngjbDtOF8YxgeXeL8xF62rdXuLpGJIhK6qzMaJ_Dcw/viewform 2. ಇಮೇಲ್ ಕಳುಹಿಸುವಾಗ ಗಮನಿಸಬೇಕಾದ ಕೆಲವು ಮಾರ್ಗಸೂಚಿಗಳನ್ನು ಇಲ್ಲಿ ನೋಡಿ. -http://karnatakaeducation.org.in/KOER/index.php/ವಿಷಯಶಿಕ್ಷಕರವೇದಿಕೆ_ಸದಸ್ಯರ_ಇಮೇಲ್_ಮಾರ್ಗಸೂಚಿ 3. ಐ.ಸಿ.ಟಿ ಸಾಕ್ಷರತೆ ಬಗೆಗೆ ಯಾವುದೇ ರೀತಿಯ ಪ್ರಶ್ನೆಗಳಿದ್ದಲ್ಲಿ ಈ ಪುಟಕ್ಕೆ ಭೇಟಿ ನೀಡಿ - http://karnatakaeducation.org.in/KOER/en/index.php/Portal:ICT_Literacy 4.ನೀವು ಸಾರ್ವಜನಿಕ ತಂತ್ರಾಂಶ ಬಳಸುತ್ತಿದ್ದೀರಾ ? ಸಾರ್ವಜನಿಕ ತಂತ್ರಾಂಶದ ಬಗ್ಗೆ ತಿಳಿಯಲು -http://karnatakaeducation.org.in/KOER/en/index.php/Public_Software ----------- --- You received this message because you are subscribed to the Google Groups "KannadaSTF - ಕನ್ನಡ ಭಾಷಾ ಶಿಕ್ಷಕರ ವೇದಿಕೆ" group. To unsubscribe from this group and stop receiving emails from it, send an email to [email protected]. To post to this group, send an email to [email protected]. For more options, visit https://groups.google.com/d/optout.
