Haturan Kang Ilen, Kang Yudi, oge kum ka sadayana bae, Kang Ilen, ieu posting salira anu umurna tos bade tilu taun ngahaja ku abdi dipaparinan bandera tawis penting kacida. Ngan, harita can kaduga mairanana karana sababaraha hal. Ayeuna, sigana geus waktuna urang paju deui. Diantawisna, pakait sareng jejer parenting di milist urang (kisunda + urangsunda). Patarosan salira anu kahiji, nataroskeun ngeunaan asma Alloh. Jawaban sacara ringkes, sadayana ciptaan Alloh teh nuduhkeun asma Anjeun-Na. Saur hiji ulama, Wujud Alloh teh aya anu tetep teu (moal) katepi akal pipikiran urang, alias "untouchable" tea. Dina leresan ieu, Alloh teh Zat Anu Maha Nyamuni...nyoko oge kana ayat .....huwwa al-bathinu....alias Anu Maha Nyumput. Hal ieu nyoko kana Alloh dina hakekat Zat-Na. Namung, Gusti Alloh heunteu salawasna nyumput, malah siga anu patojaiyyah, disagigireun anu Maha Batin, Anjeun-Na oga sakaligus anu Maha Dzhohir (anu Maha Nembrak) (Duh kutan kitu anu Maha Kawasa, tiasa sasarengan dina papatojaiyahan). Ku sakitun nembrakna, seueur makhluk (kalebet rupina urang sadaya) anu kapoekan ku caangna Pangeran. Alloh oge ngagaduhan wujud anu nembrak, anu tiasa dipikawanoh alias anu "reveal" tea. Istilah populer ayeuna mah "penampakkan" tea. Tah, wujud Alloh anu reveal atawa anu nembongan teh tiasa kahontalna upama urang parantos paham kana anu disebut Sifat, Asma sareng Af'al-Na. Asma Alloh dina hartos anu jembar nya sadaya Ciptaana-Na anu nuduhkeun ayana Wujud-Na. Hapunten, da di payuneun Anjeun-Na mah teu aya anu awon ciptaan teh. Sadayana ngagaduhan fungsi sareng pancenna sewang-sewangan. Tugas hirup, ceuk inohong-inohong ahli atikan Islam, taya lian iwal ti saloba-lobana atawa sateleb-telebna nyerepkeun asma Alloh. Upama sagemblengna hirup urang parantos nyerepkeun Asma Alloh, mangka manusa anu tadina hina teh naek darajatna janten pang punjulna ti sakabeh makhluk, tina taneuh jeung cai mani anu sakitu hinana, nerekel naek janten sakitu caketna ka Anjeun-Na. Wujud Alloh teu kudu dibuktikeun deui da geus sakitu nembrakna. Tugas manusa hirup salamina teu aya sanes dina sawangan al-mushowwifin mah iwal ti nyaketan anjeun-Na. Dina raraga nyaketan Pangeran eta, hijabna manglapis-lapis, boh hijab anu hideung atawa anu bodas. Aya hiji buku alit, terbitan Mizan, anu netelakeun ngeunaan Asma Alloh anu jembar kacida (judulna upamai teu lepat: Bismillahirrahmaanirrohiim) Asma Alloh dina harti anu heureut, ceuk sagolongan aya 99 anu kawentar salaku Al-Asma Al-Husna. Imam Al-Gazhali parantos medar harti jeung fungsi tiap Al-Asma ieu dina bukuna (parantos ditarjamahkeun). Ceuk golongan sejen aya dugi ka sarebuna (upamana bae sakumaha dina do'a Jaushan al-Kabir anu dianjurkeun diwiridkeun di maleman munggaran sasih Ramadhan sareng dintenan turunna lailatu al-qodr sakumaha dina web ieu: http://www.duas.org/jkabeer1.htm ) . Eta mah Asma Alloh ukur keur ngaringkeskeun bae, keur wiridkeuneun urang sapope sangkan tambih anteb dina nyerepkeun Asma Alloh anu jembar. Patarosan akang anu kadua, waleran pamugi bahan katampi. Teu aya anu kedah digambarkeun Kang ngeunaan wujud Alloh mah, boh keur teu nyebat nami Anjeun-Na atawa keur nyebat nami Anjeun-Na. Karana ari ngagambarkeun teh eta satemenna ngawatesan, sedeng Alloh mah mustahil diwatesan. Naon atuh anu kudu diyakinkeun dina hate nalika nyebat asma Alloh? Tah di dieu urang perluna para Nabi as, khususna Nabi Muhammad saw minangka panutup para Nabi as. Geus ilaharna kitu biasana dina kahirupan, sagala rupa oge aya "gradasi", aya conto. Dina widang kaelmuan, upamana, apan aya kaahlian-kaahlian, aya jawara-jawarana, anu sadayana dihontal karana usaha eta jalmi sewang-sewangan. Pon kitu deui dina nyaketan atawa ma'rifat (mikawanoh) ka Gusti Alloh atawa ka Pangeran. Para Nabi as kalawan Nabi Muhammad saw, minangga anu kenging jalan tiasa nyaketan Anjeun-Na sacaket-caketna. Kukituna, tangtos, dina mikawanoh ka Gusti Alloh oge para Nabi as bill khusus Kangjeng Nabi Muhammad saw teh anu pang payunna. Kukituna, nalika urang ngucapkeun Asma Alloh kalawan jorojoy aya kahayang ngagambarkeun anu disebut ku eta asma, enggal bae yakinkeun dina hate urang yen ANU DIMAKSUD ALLOH ku kecap anu dilisankeun ku urang teh TAYA LIAN TI ALLOH ANU DIPIKAWANOH KU KANGJENG NABI MUHAMMAD SAW. Hal ieu, upami tea mah manjing disebat papagon, nya papagon ngeunaan anu sakuduna diyakinkeun ku hate nalika nyebat asma Alloh nyoko kana Asma Alloh sakumaha dina agama Islam. Bawiraos, pikeun agama anu sejen oge ieu "papagon" teh tiasa dijantenkeun rujukan sangkan heunteu deet atawa nyasab dina mikawanoh Pangeran (anu kami yakin, Pangeran anu saestu mah eta keneh-eta keneh keur bangsa naon bae oge, nyekel papagon naon bae oge). Ringkesna, urang rujuk bae pangaweruh pamimpin atwa imam anu tos buktos kapamimpinana atawa imamiyahna dina mikawanoh Pangeran anu nyiptakeun urang. Mung sakitu Kang anu kapihatur. Bral urang lumampah dina raraga teras nyaketan Anjeun-Na, Pangeran sakabeh alam. Kalawan nyutat deui 3 harti Bismillah anu jadi jejer pamiangan ieu catur: Bismillahirrohmaanirrohiim: 1. kalawan nyebat Asma Alloh anu Maha Welas tur Maha Asih, kami ngamimitian ieu lampah 2. kalawan nyarengkeun Asma Alloh anu Maha Welas tur Maha Asih, kami ngamimitian ieu lampah 3. kalawan nyuhunkeun pitulung ku Asma Alloh anu Maha Welas tur Maha Asih, kami ngamimitian ieu lampah Cag, kirang langkungna mugia heunteu kirang nya nawakuf. . Baktosna, manAR
Ilen Kardani <[EMAIL PROTECTED]> wrote: Haturan wilujeng enjing ka sadayana, Merhatoskeun kana seratan Kang Oman ngeunaan kecap "Bismillahirrahmanirahiim" (anu dipidangkeun deui ku Kang Dudi), diaos sareng diemut dibulak-balik, dilenyepan bari diregepkeun, beut kaluar patarosan tina salebeteun manah sim abdi. Kieu patarosanana teh Kang (oge kanggo euceu-euceu sadaya), 1. Tina kecap "Kalayan nyebat Asma Allah....(kedah tarapti maosna), jelas yen Allah teh ngagaduhan asma (jenengan), tah saha atuh asma Allah teh nu saleresna? 2. Upami urang ngucapkeun "Allah", naon anu sakedahna kagambar dina salebeting manah urang? Kanggo gambaran patarosan sim kuring urang candak sababaraha conto. Upami sim kuring nyarios "domba" jol breh nembongan tur kagambar tina implengan teh domba, upami urang nyarios "gunung", kitu deui kagambar gunung ngajunggiring di salebeting implengan. Kungsi sim kuring naros patarosan anu sarupi ka sababaraha urang rerencangan, ngeunaan naon anu kagambar dina implengan aranjeuna upami ngadangu atanapi ngucapkeun kecap "Allah". Waleran ti aranjeuna teh rupi-rupi: aya anu "mendakan" Allah teh sarupi sareng seratan Allah tina huruf Arab (alif lam lam ha dijabar sareng tasjid di tengahna), aya anu mendakan Allah teh mangrupikeun "Ka'bah" wangunan batu anu ditutup ku kaen hideung (kaen kiswah), aya deui anu mendakan Allah teh mangrupikeun "masigit" anu bencenong luhurna dipapaes ku bulan-bintang, aya oge anu teu mendakan naon-naon, dina hartos teu aya anu kagambar dina implenganana kungucapkeun atanapi ngadangu kecap "Allah" tea. Dulpeuna mah, ari nu disebatna sami, tapi nu kaimplengna benten-benten. Salangkung mah patarosan kasebat teh 'pikasebeleun', mung da nu namina patarosan mah tetep meryogikeun waleran. Kukituna sim kuring neda wening galihna ka akang-akang sareng euceu-euceu supados nyumponan kahemeng sim kuring. Mangga Kang Oman, Kang Dudi, Kang Zehidayat, Kang Eddy, Abah Surya, Kang Zaenal, Kang Sudirman,Kang Maman, Juragan Prabu, Kang Gunawan, Mang Jamal, Kang Yul, oge kum we ka sadaya wadya balad Kisunda, kocorkeun sadayana da tangtos ditandean ku wadah jisim abdi. Hatur nuhun...... At 10:42 AM 4/19/2002 +0700, you wrote: Haturan ka sadayana...................., taun nu tos kalangkung sim kuring & Kang Oman gaduh paniatan sapertos nu dihandap ieu; disadur tina.... email nomer 1577 Date: Sat Sep 22, 2001 9:50 pm Mipit kudu amit, ngala kudu menta. Teu aya deui kalimah ngamimitian nu pangluhurna darajat anging ti: "Bismillahirrahmaanirrahim", anu ngawengku sakurangna kana tilu harti: o Kalawan nyambat asma Allah anu Maha Welas tur Mahaasih urang ngamimitian ieu paniatan anu mulya o Kalawan nyarengkeun asma Alloh anu Maha Welas tur Mahaasih urang ngamimitian ieu paniatan anu mulya o Kalawan nyuhunkeun pitulung ku asma Alloh anu Maha Welas tur Mahaasih urang ngamimitian ieu paniatan anu mulya Seja nembongkeun jajaten kaasih ka papada manusa. hapunten, manAR __________________ ILEN KARDANI Schlumberger WTA (Malaysia) Sdn. Bhd. 7th Floor West Wing, Rohas Perkasa * Tel: +60-3-21667788 No. 8 Jalan Perak * Fax: +60-3-21667100 50450 Kuala Lumpur - Malaysia mailto:[EMAIL PROTECTED] <mailto:[EMAIL PROTECTED]> [Non-text portions of this message have been removed] Yahoo! Groups SponsorADVERTISEMENT to unsubscribe: [EMAIL PROTECTED] peraturan milis: dilarang beriklan. pelanggaran atas peraturan ini akan dikenai sanksi berupa pencabutan membership. Your use of Yahoo! Groups is subject to the Yahoo! Terms of Service. --------------------------------- Do you Yahoo!? Yahoo! Mail - Find what you need with new enhanced search. Learn more. [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
