Baraya, Naon bedana antara "peso bedah" jeung "kue lapis"?. Hehehe. Najan geus puguh beda hese neangan sasaruanana, keun wae kuring rek nyobaan "ngacapruk" bari diajar nulis. Nu jelas salah sahiji bedana "peso bedah" bisa dipake ngajejewet, neukteukan "kue lapis". Ari "kue lapis", geus jadi hukum alam tinggal tumarima kana nasib, bakal diteukteukan, diicis, dicacag, diwalang-walang make "peso bedah" tea. Upama rasana ngeunah terus dihakan ku manusa. Tamat riwayatna. Salian ti eta upama ditoong make kacamata sejen, "peso bedah" bisa disebut "ramah teknologi". Wujudna bisa salin rupa gumantung kana kamekaran jeung kamotekaran alam pikiran manusa. Contona, baheula mangsa kuring disunatan, pikeun neukteuk tungtung sirit teh sok make naon geuning, aya panyapit jeung sabangsa peso cukur. Nyerina mang minggu-minggu, kudu mamake sarung, nepi ka raheutna cageur. Kiwari, upama budak disunatan, karek kaluar di kamar bengkong, budak geus bisa lulumpatan, da peso geus disaluyukeun jeung kamajuan teknologi kiwari. Kitu deui upama ninggali peso pikeun operasi di rumah sakit, cenah bejana baheula upama ngabedah teh make "bedog", peso bedah kiwari mah geus bisa dijieun dina cahaya laser sagala rupa. Kumaha ari nasib "kue lapis"? Jigana anri "kue lapis" mah di baheula mula, jaman gatotgaca masih bubujangan oge, angger we kitu. Geus nasibna ukur diteukteukan terus dihuapkeun. Ari basa Sunda naha geus jadi "peso bedah" atawa ngan ukur jadi "kue lapis"? Urang toong we geura ciri-cirina. Salah sahijina, upama basa Sunda geus bisa jadi basa akademis, basa nu dipake pikeun ngabahas hiji pasualan kalawan daria, eta hartina basa Sunda geus dijadikeun alat anu fungsina jadi "peso bedah". Tapi upama basa Sunda ngan ukur dipake "objek" kajian, ditilik kumaha wangunana, diterangkeun make basa sejen, jigana nasibna teu pati beda jeung "kue lapis". Naon untungna jadi "peso bedah"? Ari "peso bedah", kangaranan alat pikeun hiji pagawean penting, tangtu diperlukeun ku balarea. Tangtu bisa tumumuh saluyu jeung tumuwuhna elmu sejenna. Jadi jigana salah sahiji garapan nu perlu pada mikiran teh, kumaha supaya basa Sunda bisa jadi "peso bedah", lain ngan ukur jadi "kue lapis". iWallahua'alam. Salam, MH
===== Situs: http://free.angeltowns.com/studio579/ [Pupuh17, Wawacan, Roesdi Misnem, Al-Quran, Koropak] --------------------------------- Do You Yahoo!? Yahoo! Small Business - Try our new Resources site! [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
