Ti acara sawargi Lisenda (lingkung seni sunda) itenas Lisenda, di awal acara mah, lingkung seni sunda. Nu jadi panata calagara (panitia) acara Sawargi. Acara nu lucuna, salian ti pasang giri nari merak pikeun murid SD, aya calung Lisenda. Nu ieu mah lingkung seni walanda. Haha. Acara eta diramekeun ku ayana sababaraha kios nu dagang produk2 urang sunda, kaasup nu ngajual miniatur kendang, angklung, kadaharan (awug), jeung sajabana.
Acara munggaran mangrupa diskusi peran perguruan tinggi dalam memajukan kebudayaan sunda. Nu janten panyaturna nyaeta Dr. Tresna Dermawan Kunaefi (kang Iwan), Kepala Kopertis IV Jabar Banten, dosen Teknik Lingkungan ITB, Drs HR Hidayat Suryalaga (abah Surya) dosen sastra Sunda Unpad manten, dosen Unpas, staf ahli sundanet.com, Ibu Dra. Romlah, ti Disbudpar, ngawakilan Kepala Disbudpar Jabar, teras Ni a, mojang 2002 Jabar, msiswi Fikom Unpad, sareng si kuring, wakil PR III Itenas. Moderatorna kang Wida Sopandi, pupuhu Damas puser manten. Acara sawargi teh tilu poe, ti kemis nepi ka saptu. 22-24 desember 2005. Eusi diskusi diantara ngaguar ketak Paguron Luhur Jabar nu masing-masing mere rohangan pikeun ngamekarkeun lingkung seni, diantarana nu mangrupa unit kegiatan mahasiswa (ukm). Ampir sadaya Paguron Luhur di bandung utamana garaduh ukm kasundaan, lingkung seni sunda. Nu ngaranana beda2. di ITB LSS, Itenas Lisenda, Unpas Lisma, Unpad Lises, jeung sajabana. Malah geus aya holdingna atawa pakumpulan lingkung seni eta, ngarana Fokalismas, forum komunikasi lingkung seni mahasiswa sunda. Atuh perkara karancageanana, masing2 ukm eta baroga udagana sewang2an nu rada beda. Barudak Lisenda Itenas ayeuna boga grup Tren Sunda, ngagabungkeun seni sunda jeung musik modern. LSS itb sok ngayakeun acara ngondang kasenian sunda ti mana mendi pikeun minton di itb, jeung sajabana. Pihak Kopertis keur ngadata jumlah unit lingkung seni sunda di paguron luhur sajabar banten. Pihak disbudpar oge kitu bari cenah memang boga pancen oge pikeun milu mekarkeun kasenian sunda di lingkungan paguron luhur sajabar. Aya nu nanya, ari pihak Paguron Luhur sorangan kumaha ketakna? Nu apal mah, pihak paguron luhur, itenas jeung itb contona, mere kasempetan jeung tempat pikeun mekarna kasenian sunda, oge kasenian sejen. Masing2 ukm otonom, hartina pihak kampus teu nangtukeun kudu kumaha-kumaha eta lingkung seni sunda nu aya. Jadi kasempetan gede pikeun mekarkeun naon bae nu dipikihayang. Pihak kampus ngan ukur mantuan waragad sanajan teu bisa toh2an, da waragadna dibagi rata pikeun unit kagiatan nu sejen. Tangtuna pikeun saayeunaeun mah, teu sadaya paguron boga lembaga kasundaan, sabab patali jeung sifat kampus. Di unpas aya lembaga kebudaaan sunda. Nya geus kuduna, da ngarana Universitas Pasundan. Malah mun bisa mah kudu jadi puseur kamekaran soal kasundaan. Bareng jeung unpad atawa unpar. Kang Iwan Tresna DK, kepala kopertis malah mere conto kumaha Universitas Kristen Maranatha mun wisudaan cenah sok dipirig atmosfer sunda. Musikna teh sok make degung. Sanajan urang sunda na saeutik dina ayana nu ngagem agama karesten, maranatha sadar kana kabudayaan lokal sunda. Dina palebah dieu mah Itenas oge geus milu: ngaganti lagu Godeamus dina acara wisuda ku lagu Kandaga Atikan yasana kang Yus Wiradiredja ti STSI. Malah barudak Lisenda geus langganan jadi tukang ngaramekeun acara ku degung jeung rampak kendang, bareng jeung paduan suara. Di itb oge asana kitu. Nu apal basa wisuda s2 taun 2001. acara teh dipirig ku angklung mahasiswa. Kang Iwan Tresna oge netelakeun yen keur ngusahakeun ilmu budaya dasar, mata kuliah di tingkat hiji, make muatan lokal. Nu pikeun daerah jabar mah, make elmuning warisan karuhun utamana dina ajaran moral, saperti nu aya dina buku Rawayan Jati kenging Abah Surya. Acara panungtung, poe sabtu, rame cenah (si kuring teu datang-rada migren). Aya calung lisenda tea, terus lingkung seni paguron luhur sejen milu mintonkeun kamonesanana. eh, yp kusnet oge mantuan waragad, lima ratus rebu. sakitu we laporanana, rada pakepuk ngawitan lebet deui di taun anyar masehi 2006 mj http://geocities.com/mangjamal PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
