Wilujeng icikibung di milist Mang Bejo, Tipayun-sakumaha tiasa dipaluruh dina arsip file ieu milist - jejer ieu kantos dipadungdengkeun. Teu sawios urang teraskeun. Ongkoh deui Kang Dian nyiram jejer anu kacida nangtangna: perkara Unicode aksara Sunda (bari jeung si kuring mah teu ngarti lebah IT-na mah).
Asana aya dulur urang anu dumuk di Kaltim anu dina danget ieu keur studi basa Sunda, kaasup asal-usul aksara Sunda (hilap deui id-na, manawi baraya aya anu emut). Kungsi inyana maparinan alamat website ieu : http://www.omniglot.com/writing/redjang.htm anu nuduhkeun yen ngaran Kaganga teh digunakeun oge ku seler sejen, lain wae di Nusantara, tapi meh satengah Asia beulah kidul. Kitu na mah teu matak pikaheraneun, kawuwuh asal-usul masyarakat Asia bisa disebutkeun sarua, ti wewengkon Hindustan atawa jauhna Timur Tengah. Ngeunaan susunan aksara "kaganga", sakumaha dina pedaran Abah Surya-oge anu diteruskeun ku si kuring dina postingan ti heula-memang eta teh susunan kaluarna huruf anu alami ti jero badan manusa. Atuh hartina kaganga mah- beda jeung aksara Sunda baheula, aksara Sunda samemeh diropea ku para ahli basa Sunda anu ditetepkeun ku aturan Pamarentah Daerah (Jabar) - lain ukur carita anu parasea lantara "miscommunication" antara dua utusan hiji raja anu papada satia ka rajana. Harti kaganga mah leuwih jero, nyaritakeun kaagungan "af'al" atawa padamelan anu Maha Kawasa anu sakuduna diconto ku manusa (mangga pariosan deui arsip file ngeunaan jejer ieu). Ngeunaan ngaran aksara Sunda dina padungdengan ti heula kungsi didiskusikeun sarupa kieu: Ngaran "Kaganga" et nyoko kana ngaran anu nuturkeun sarsilah umum, runtuyan asal-muasal kaluarna huruf tina badan manusa anu dipake dina komunikasi sapopoe. Karana sakitu, nya ieu oge salah sahiji alesan kunaon ngaran aksara teh sarua di sababaraha seler anu padeukeut. Ngaran "Ngalagena" mah nyokot tina susunan aksara "konsonan"-na (ka, ga, nga...jst) ...anu sadayana - aslina - make vokal "a". Istilah "ngalagena" teh sok digunakeun oge keur kalimat anu sakabeh vokalna "a", upamana: "Jang Kamad jalan-jalan ka sawah wayah asar". Ngaran "Ngalagena" teu ngawengku vokal, tanda baca, jeung kalengkepan susunan abjad sejenna. Anapon ngaran anu diusulkeun ku abah Surya (HR Hidayat Suryalaga-salah saurang narasumber di ieu milist anu kapungkur mah aktif pisan) nyaeta: Aksara Ratu Pakuan. Ngaran ieu dicokot tina naskah kuno anu mimiti make aksara Sunda ieu (anu jadi dasar nyusun aksara Kaganga minangka pangganti abjad "hanacaraka", kalawan tambahan abjad serepan tina aksara Latin jeung Arab: fa, va, xa, za, jst). Ngaran "Aksara Ratu Pakuan" karek wacana (teu acan diusulkeun resmi). Sakitu anu tiasa kadadarkeun. Bisa jadi pamairan ieu teh matak pikabingungeun, nya wayahna jalaran keur proses sadayana oge. Anu jelas, dumasar panalungtikan para ahli basa/ aksara Sunda jeung geus jadi kawijakan pamarentah (oge tangtuna kawijakan masyarakat Jawa Barat ngaliwatan DPRD-na), aksara Sunda ayeuna sanes - anu baheula katelahna - Aksara Hanacaraka, balikta (tapi, melainkan) "Aksara Kaganga" (atawa sawareh nyebutna teh "Aksara Ngalagena" atawa- sakumaha usul Abah Surya- "Aksara Ratu Pakuan"). Mangga bilih aya anu bade nambihan, diantos pedaranana. Atuh ka anu bade neraskeun jejer "unicode" aksara Sunda, kalintang diantos pisan lajuninglakuna. baktos, manAR On 1/9/06, Mang Bedjo <[EMAIL PROTECTED]> wrote: > > Parakanca, > > Kaleresan pun ambu teh urang bugis, nangging wargina linggih lami di > Makassar. Susunan aksara sunda Ka ga nga, ca ja nya, ta da na, pa ba ma, > persis pisan sareng susunan aksara makassar nu diajarkeun ka sim kuring. > > Hurup hurup anu aya di Sundanet oge rupina benten sareng hurup anu diajar > guru ka sim kuring nuju SD sareng SMP nyaeta anu cacarakan. Langkung caket > ka hurup bugis gaya "serif"na. > > Ku anu nyerat artikel di sundanet ditelakeun yen asalna urutan aksara teh > tina rupi rupi sumber, kaasup kawi sareng qur'an. Dupi parakanca aya anu > terang tina tradisina ti mana asalna susunan eta, sareng kumaha asalna > tiasa > sami sareng anu ti Makassar? > > Hatur nuhun, > Mang Bedjo > > -- > No virus found in this outgoing message. > Checked by AVG Free Edition. > Version: 7.1.371 / Virus Database: 267.14.16/224 - Release Date: > 09/01/2006 > > > > > PENTING..! > > attachment akan dihapus & tidak diteruskan kepada seluruh member. > > dilarang beriklan. pelanggaran atas peraturan ini akan dikenai sanksi > berupa pencabutan membership. > > terutama bagi pengguna ms outlook/outlook express, dihimbau untuk selalu > mengupdate antivirusnya. > > Yahoo! Groups Links > > > > > > > [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
