> From: MRachmat Rawyani
> Sigana upama obrolan teu aya anu 'ngabeberes' bakal teu puguh "ngaleorna"
> jeung "kontra produktif".
> Ningali tina judulna wae "PEODAL" geus boga pipikiran goreng.
Enya leres Kang Yani, na ngewa-ngewa teuing kana feodal teh, terus
dipakaitkeun jeung gelar raden sagala. Sistem feodal teh sabenerna mah hiji
sistem nu mucunghul tina tumuwuhna peradaban manusa. Awal-awalna manusa teh
ukur kolompok-kolompok leutik, cara hirupna EGALITER pisan. Sesa peradaban
ieu bisa ditempo di suku-suku nu terasing di Indonesia. Maranehna hirupna
ampir teu aya tingkatan sosial. Oge tiasa ditempo dina sajarah Islam.
Masyarakat Arab pra Islam, acan wanoh jeung nu disebut nagara, nu kawasa nya
kolompok-kolompok suku nomaden nu teu dikawasa ku sasaha. Mayarakat Arab pra
Islam, masyarakat egaliter pisan.
Kolompok-kolompok manusa akhirna aya nu ngahijikeun, jadi weh Nagara. Nu
ngahijikeun, nu akhirna jadi pangawasa, mimiti ngabentuk TINGKATAN SOSIAL.
Kulawargana, jalma-jalma nu boga jasa ka manehna akhirna baroga tingkatan
sosial anu leuwih luhur. Tah mimiti mucunghul sistem Feodalismeu.
Dina sistem feodalismeu mimiti mucunghul naon disebut ETIKA (norma jeung
niley-niley). Ti mimiti etika perang jeung duel tepika etika cara
barangdahar jeung make papakean. Para menak (bangsawan) di Perancis, cenah
nu mimiti nyieun "tata cara" dahar. Dahar, nu sabenerna cukup ku leungeun
dikorowotan, dijieun jadi "upacara". Make piring, sendok, garpu, tempat
nginumna, gelas rupa-rupa ukuranana. Oge dina tatacara papakean. Di Inggris
waktu diparentah Ratu Victoria (buyutna Ratu Elizabeth) papakean awewe kudu
sopan, bakating kudu sopan, lain awewe wae, nu kudu dibungkus buni, tapi oge
sagala suku, kaasup suku meja jeung suku ranjang.
Tah "tetek-bengek" tina feodalismeu teh, tepi ka ayeuna oge sabenerna ku
urang sok dilakukeun atawa diturutan. Jadi lamun urang teu obyektif nempo
feodalismeu, ngan ngajejeleh wungkul eta sarua jeung ngajejeleh kalakuan
urang sorangan!
Teu percanten? Ieu salah sahiji buktina, ayeuna nu kawin pan rata-rata make
upacara adat nu baheula mah ukur dilaksanakeun lamun menak kawin. Pan
hartina urang nurutan tata cara feodal lain?
Baktos,
WALUYA
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
