Sampurasun.....
moal lami deui, urang salaku warga negara Indonesia baris mayunan pemilu sareng
pilpres.
cobi kumaha tanggapan kadang wargi, din nyikepan pamingpin urang teh, naha kudu
atawa tos wayah ti urang etnis Sunda, atanapi teu acan?
hartosna, naha perlu ku urang Sunda atanapi teu kudu ku urang Sunda? naon
kepentingan kudu ku urang SUnda atawa teu kudu ku Urang Sunda?
nu kasawang ku sim kuring misalna, bongana urang aya di mailist kasundaan, sok
pada arajrih jeung pada-pada miharep yen jaga Sunda nanjung deui. tapi naona?
budayana, masarakatna, ajen inajen jatidirina, sistem politik, senina atawa
naona? mun tea mah urang Sunda manggung, kira-kira naon nu jadi gede
pangharepan pikeun nyalametkeun bangsa, atawa mawa "parahu kabangsaan" urang nu
Bhinneka Tunggal Ika ieu kahareupna? komo nalika mangsa kiwari, ekonomi
karakyatan "morat-marit", rahayat cenah balangsak, leuweung beak, sagara
ruksak, sapopoe dina kalawarta jeung tipi teh nga guntreng jeung guntreng we
diperhatikeun teh, gara-gara pabener-bener paham idologi, konflik antar
kelompok jeung sajabana. geus puguh pangrudetna mah nengetan kasus korupsi
mulai ti somah, pamarentah, Kiyai, tokoh kasundaan, jeung tokoh-tkoh wakil
rahayat jeung sajabana, jadi weh aya nu disebut "budaya korupsi" sanajan
istilah eta salah kaprah. da mun nyoko kana istilah akademismah
budaya mah patula-patalina jeung hal-hal nu dumasar kana "budi-dayana" salaku
manusa nau medalkeun hal-hal alus, sabab didasaran ku "budi"-elemen organ
pamikiran anu jeroo nu dumasar kana dasar kamanusaan.
sigana, urang, salaku urang sunda anu tangtuna mibanda kaluhungan budi jeung
daya anu hade turta jembar, mudu mikirkeun kana masalah kabangsaan ieu. mun
perlu urang kudu bisa jadi pioner tina memeres masarakat jeung maslah
kabangsaan ku cara nu kadada kaduga ku pada -pada urang dina kaparigelan jeung
wikekana masing-masing. malah mandar mun bisa mah hayu urang ngakurkeun
batur-batur atawa dulur-dulur anu keur gontok-gontokan tina parebut paham,
idologi, parebut kapentingan politik, diskriminasi kawijakan aturan jeung
rea-rea deui. sacara sajarah da buktina karuhun geus mere cono jeung ngawaris
"sistem aturan atau warisan budaya" luhung nu bisa dilarapkeun di mangsa
kiwari. atuh dina mangsa abad kadieuna keun urang ningal sajarah yen para
pendiri bangsa oge seueur anu medal ti bumi tatar Sunda, atawa diajar ti elum
nu aya di tatar Sunda.
pimanaeun atuh urang nepi ka bisa ngadamel hiji rekomendasi ti "urang sunda"
salaku bagean "anak bangsa" anu bisa dititipkeun ka sakumna saha bae nu bakal
jadi pamingpin bangsa ieu jaga, misalna:
1. sing saha wae pamingpin RI kudu anu bisa ngajamin kaakurrukunan sakumna
warga bangsa anu multi etnis jeung multi religi
2. sing saha wae nu deuk jadi pamingpin RI kudu anu ngarti kana dasar-dasar
nilai juang kabangsaan anu dumasar kana budaya bangsa
3. sing saha wae nu bakal jadi pamingpin RI geus untup elmu kamanusaan anu geus
kabukti gaduh akhlak atawa laku lampah nu hade tur berbudi luhur, dipikawanoh
ku balarea jeung bela ka bangsana
4. pamingpin RI jaga anu boga dasar pamikiran anu maju atawa progresif tapi teu
leupas tina tatapakan kabangsaan anu Bhinneka Tunggal Ika
5. Pamingpin RI jaga anu boga sikep teu gampang kapangaruh ku harta, tahta,
wanita, pulitik nagara batur jeung panceg dina Ideologi Panca Sila
6. Pamingpin RI jaga kudu ngarti jeung awas permana tinggal ku soca lahir
sareng bathina, santik, telik turta terdidik bumela ka rahayat leutik, miara
rahayat jeneng ngarah ngokolakeun maranehna tulung tinulungan ka balarea
7. Pamingpin RI jaga, bisa nandon sikep nyaah ka alamna, deudeuh ka
rahayatna mikukuh tunda talatah luluhur bangsana pikeun kajembaran INDONESIA
= INISOENDA nu samuduna nyaeta NUSANTARA (Asia Tenggara / ASEAN)
upami dikpesek dipanjangkeun tangtosna janten makalah ieu teh, mung samentawis
sakitu heula, etang-etang atanapi mugia tiasa janten panghudang kamandang
balarea dina padungdengan mangsa kiwari pikeun supagi..prak !!!
tabe pun,
rampes
*R*K*K*
