Saenyana beurat tangtangan ngagem agama luluhur sorangan teh, baheula ceuk
sajarah keur jaman kahotna sumebar agama dunya, luluhur nu ngagem keneh agama
pribumi tempatna diancurkeun jeung jalmana diudag-udag, kanyataan runtuhna
Majapahit ku Demak, Runtuhna Galuh ku Demak jeung Cirebon, runtuhna Pajajaran
ku Banten jeung Demak.
AA: Di na masalah ieu aya pamangpaatan KAKAWASAAN, tah can puguh dipiridho ku
Nu Murbeng Alam nu ieu mah. Kakawasaan make Agama, persis Romawi ngagunakeun
Kristen. Sigana mah ieu tah EKSES Agama teh.
gagem kasundaan d ditandasa tepi ka binasa, kitu oge jaman rengsena PKI, ku
lantaran teu ngaku salah sahiji agama nu aya nya loba oge nu ditandasa jeung
dibui da dianggap PKI, eeh jaman ayeuna oge masih keneh aya sikep diskriminasi
boh ti pamarentahan, boh ti masarakat umum, asana mah euweuh nu ngabelaan
sumawonna narulungan, malahan mah sok loba nu ngilu nyalahkeun, iraha atuh
pabaralik pikirna ???.Jadi teu aneh lamun loba nu kapaksa pikeun identitas
dirina jadi nyepeng agama nu dikudukeun ku pamarentah/masaraka t, cenah da
bongan dipaksa keun bae itung-itung “nyumput buni dinu caang” supaya teu
dikucilkeun. Nyana kitu boh pamarentah, boh masarakat umum geus ngadorong
sabagian rahayatna pikeun teu jujur/ngabohong, padahal apan ngabohong teh geus
ingkar tina ajaran agama naon bae oge. Buktina waktu ngeusian formulir KTP teu
ngaku ngagem salah sahiji agama nu-5, eeh jebulna jadi KTP duka ku Camat atawa
Lurah/Kapala Desa sok rajin dieusian jadi
ngagem salah sahiji agama, ari diprotes alesanana cenah kitu aturanna jeung
euweuh dina komputerna, jadi mun teu dieusi komputerna macet, euuh..... kutan
nya manusa eleh ku komputer. Matak pantes lamun akibatna bangsa urang disebut
bangsa munafik teh da geuning kanyataana kabohongan teh dirarojong, jeung sok
sanajan bangsa Indonesia teh mayoritas ngagem agama suci, geuning kanyataanna
tingkat korupsi kawilang pangrongkahna di dunya, kriminalitas lianna oge
rongkah (geuning unggal poe urang ngabandungan jeung nyakseni dina TV sagala
bentuk kaingkaran jeung angkara murka), dina kahirupan sapopoe geuning jelas
nyolok mata buncelik yen nilik kana ukuran gajih teh teu mungkin upamana loba
pejabat nu boga kakayaan nu lubak-libuk, tapi geuning ku masarakat mah tetep
dipikaserab jeung diajenen pisan, nyata geuning laku-lampah nu nyimpang teh
dirarojong, jadi dina hal ieu masarakat ge milu andil dina ngadorong perilaku
nyimpang teh, matak pantes mun alam ge
ngambek luntur welas asihna, da jalma nu ngeusian ieu alam geus loba nu ingkar
tina kamanusaan jeung leungit kawelas-kaasihna boh ka sasamana boh ka alamna,
pan ceuk ajaran kisunda mah antara alam jeung nu ngalaman teh ngabogaan sifat
silih gumantung, da buktina nu ngawujud jadi waruga nu ngabogaan daya teh
asalna tina saripatina alam (acining cai-bumi-angin/ udara-seuneu jeung sari
rasa alam). Mangga urang sami-sami ngalenyepan. ...
AA: Leres pisan kulan, jalmi Indon, sanes mung ukur Sunda dudunya teuing.
Hilap ka na Purwadaksina. Munafiquun tea. Upami kitu sanes mung Sunda iwitan
wungkul sakeresna mah, nu keuheul atawa hareneg teh nya nu ngagem agama bari
jeung bener. Tah nu kitu pasti teu resep ka bangsa munafiquun nu pura pura
atawa api api.
Matak ku sim kuring mah disebatkeun we pejabat mu sok curaling, eta teh mafia
tea.
Saprak dikaluarkeuna UU-23/2006 ngeunaan Administrasi Kependudukan jeung
PP-37/2007 ngeunaan pelaksanaan UU-23/2006, aya saeutik kamajuan keur urang
penghayat/ agama lokal pikeun nganyatakeun identitas kapercayaan dirina, sok
sanajan masih dikilungan ku cara kolom agamana dikosongkeun, oge dina kawinna
geus bisa dicatetkeun di kantor Catatan Sipil.
AA: Alhamdulillah , memang lamun "Agama sempit/picik" maka ngahasilkeun
pelecehan ssjb. Padahal sadaya oge IBADAH ka Gusti Nu Murbeng Alam. Tah iu teh
gumantung ka na lega ambahan atawa cetek pamikirna ti para individuu. Padahal
na Qur'an oge tos disebatkeun Ulil Albab sareng Ulil Abshar ( Luas pengetahuan
dan Luas Pandangan ).
