"Karnadi bandar bangkong, meunangkeun nu geulis bati ngabohong", kitu ceuk lagu.
Sebut we ngarana si Yitnok, urang jawa anu ngumbara di Manado miluan proyek
Pertamina. Sapopoe gawena nganteuran catering keur karyawan di proyek, tapi
sakali-kali sok nyupiran mawa mobil dununganana. Ari dina waktu luang si Yitnok
sok mejeng di tempat piknik bari ngaheroan nonik Manado mamawa mobil dunungan,
da puguh ari ngukur gajih mah teu sabaraha.
Ngaku-ngaku karwayan Pertamina, si Yitnok tina nyieun bubur manado jadi apal
bibir manado, atuh ampir unggal waktu ngaleungit ti pagaweanana da muru apel.
Manado tea atuh pikiraneun. Sabulan dua bulan, ka opat bulana si mojang
melendung ngandung anak si Yitnok.
Kusabab urang Manado mah cadu pisan ngagugurkeun budak, atuh si Yitnok
ditarikan
kawin ku kolotna budak......atuh mobok manggih gorowong si Yitnok meunangkeun
mojang geulis anak nu beunghar lega ku kebon cengkeh. Eta we basa kawina oge
dihadiran ku Gubernur Manado sagala.
Beu aya ku kituna si Yitnok, anak pamajikan nu di jawa mah barangkeakan teu
kapirosea.
