Postingan Kang Dede ([email protected]) Hayang jadi doktorandes...
Baheulamah jaman sikuring SD di Budiharja, nu kangaranan sarjana teh can aya sahulu hulu acan, tidinya sikuring hayang pisan lulus kuliah anu akhirna jadi doktorandes. Jigana aya ku tegep mun boga titel Drs samemeh ngaran uing. Naon sababna hayang jadi doktorandes? Salahsahiji anu jadi motivasina nyaeta kepala sakola uing di SDN Sukajaya 3 nu ngarana Endang Mustofa Kamal boga titel Drs. Manehna hiji hijina kepala sekolah nu kaalaman ku sikuring anu dipiboga ku SD kuring nu boga titel sarjana, da nu 2 deui mah jigana can boga titel tea. Manehna boga sifat alus, minimal anu katingali kusikuring salaku muridna di kelas 3. Basa gerakan ngabebener kamalir di pipir kelas, manehna milu ilubiung langsung bari nyekel pacul, gerakan tea ngarana dina raraga program JUMSIH (jumat bersih). Duka tah program eta ayeuna masih keneh aya atawa geus tilar dikieuna. Tidinya sikuring sacara teu sadar geus boga kahayang miboga titel Drs. Malahmah dina buku tulis nu kudu make ngaran sok di tambahan Drs, jadi Drs Dede Solehudin tea. Salasaratus buku eta nepi ka kiwari masih aya (nu dingaranan jiga kitu), malahmah di simpen dina lomari jeung barang antik sikuring sejena samodel baju paskibraka keur SMA, baju nu di corat coret basa lulus SMP jeung SMA, baju olahraga anu aya tandatangan kabogoh sikuring keur SMA, surat cinta sikuring jaman SD anu aya pantun empat kali empat sama dengan enam belas, sempat tidak sempat harus dibalas tea, jrrd. Jadi kahayang sikuring sakola rada luhur teh di ilhaman ku Pak Endang tea nu boga titel Drs. Akhirna sikuring timimiti SD keyeng sakola teh, barijeung gering oge sikuring tara ninggalkeun sakola. Da manehna pernah dina upacara bendera ngawanti wanti yen mun urang hayang pinter salasahijina kudu rajin sakola jeung diajar di imah. Dina eta pidato teh manehna pernah ngomong "arit mintul oge, mun di asahmah moal burung seukeut". Tidinya sikuring sok loba maca di perpustakaan, barijeung bukuna minimalis pisan. Tapi teu jadi masalah, pan ku alatan koleksi bukuna saeutik eta nu ngadorong sikuring sangkan keyeng nuluykeun sakola nepika mibanda titel Drs. Sanggeus lulus SD, sikuring nuluykeun sakola ka SMP. Tisakola kuring ngan 3-an anu nuluykeun sakola ka SMP teh, Si Lilis, Si Irpan jeung sikuring sorangan, nuliana mah biasa we "nyaba" (indit kakota neangan duit gede cenah) atawa cicing diimah komo kangaranan awewe, nungguan gede, nungguan aya lalaki, nugguan jodo cenah. SMP sikuring ngarana SMPN 1 Cihaurbeuti, sasakola jeung MJ katut Andiw (adina tea), malahmah jeung si Andiw mah barengan. Ngan manehnamah kelas 1 F (mun teu salahmah) ari sikuringmah kelas 1 A. Sabenernamah duka naon maksudna aya pembagian ngaran kelas timimiti A nepi ka F teh. Timimiti asup SMP cita cita sikuring teh tambah ngagedur. Kukitunamah da enya pedah loba manggihan guru anu boga titel Drs (baheula mah (taun 98-an SPd teh jigana can aya), jiga guru olahraga sikuring nu ngarana Drs Iyo Sutaryo jeung guru Bahasa Indonesia Drs Ade Hidayat atawa Drs Asep anu ngaguruan Geografi tea. Tapi kangaranan manusa nu boga sifat sewang-sewangan, gening loba Drs anu boga sifat goreng (ceuk pamadegan sikuring), jiga sok udud di sakola, asup ka kelas sok kabeurangan jrrd. Da enyaan basa keur jaman SD mah sikuring boga kayakinan yen anu boga titel Drs teh jalma anu pangdisiplina jiga tangtara, loba kanyaho malahan mah nyaho sagala rupa elmu pangaweruh. Tidinya cita cita sikuring jadi Drs teh rada murengked , nu balukrna cita2 sikuring teh teh ganti ku hayang jadi Ir )insinyur) da ngadenge guru nyaritakeun biografina Prof. BJ Habibie tea anu cenah pinter kacida, lulusan ITB (ceuk dina eta carita) tuluy bisa sakola di Jerman sangkan bisa nyieun kapal ngapung jaba dibiayaan ku Soeharto (ceuk eta carita deui). Tapi nu jadi masalah, mun hayang jadi Ir kudu pinter ngitung jeung Fisika, dina masalah eta pisan sikuring rada alergi, belet ngitung tea. Duka eta panyakit matuh timana. Tapi nu kangaranan cita2 nya kudu tinekanan, atuh hese oge kudu loba diajar nu bener ngarah bisa kahontal. Naek ka kelas 2 sikuring rada teu pati alus kalakuan teh, meureun kaheab-heab ku panyakit remaja misalna sok rajeun udud jeung pernah bangor naek pager sabaraha kali alias minggat tea disebutna ku babaturan kuring mah, teu poho garelut jeung sakola lain kuatana parebut awewe jaung curang dina mengbal atawa basket. Dina masalah gelut, sikuring ngan saukur loba hohoak wungkul, da dina prak2anamah kudu loba balad ngarah loba kawani, tawuran tea cenah ngarana. Ditengah tengah kelas 2 sikuring kadatangan ku guru bahasa Inggris anyar, awewe, geulis jeung can boga salaki cenah urang Tasik anu imahna di Bumi Panglayungan (sikuring masih keneh apal haha....). Manehna pinter bahasa inggrisna da meureun sikuring belegug bahasa inggrismah, boga titel SPd, cenah lulusan IKIP Bandung (UPI ayeuna). Tidinya cita cita sikuring rada robah deui, hayang jadi SPd jiga Bu Guru Bahasa Inggris anu ngarana Ria Mutiarawati, SPd (uing masih apal ngaran lengkepna hahhah). sababarah lila kuring di ajara kumanehna barijeung hese kacida lamun nincak pelajaran *structure *da kukitunamah kaharti, tileuleutik teu pernah diajar bahasa inggris jaba kadaharan oge jarang manggihan keju teh. Da ceuk kolot baheulamah mun urang hayang pinter bahasa Walanda (istilah pikeun bahasa eropa) kudu loba dahar keju jeung susu sapi. Tidinyamah meureun kaharti, teuing make teori nanahaon...... Naek ka kelas 3 SMP sikuring dilema, bingung, kudu nuluykeun kamana? STM atawa SMA? Mun ka STM kudu pinter ngagambar. Ngagambar teh salasahiji panyakit matuh kuring (teu bisa ngagambar), pan cenah ka STM mah komo jurusan otomotif kudu pinter ngagambar. Akhirna sikuring nuluykeun ka SMA sangkan jadi Drs, ngahontal cita2 waktu SD. -- dede solehudin
