From: Adi Sundayana
Sent: Thursday, May 05, 2011 9:12 AM
To: Kisunda
Subject: Pamali jeung Sanget
Pamali jeung sanget hiji cara nerapkeun aturan anu diloyogkeun jeung umur.
Ngatik ngadidik dimimitian ku pangbibita atawa panyingsieun tapi dina bungkus
anu teu togmol. Bakal kahartina dimana urang geus dewasa. Soal "tafsir" tina
pamali jeung sanget moal kaudag ku logika umum da pastina unggal "hulu" bisa
ngamanaan sorangan saluyu jeung tingkat kadewasaanana.
Kiwari pamali jeung sanget geus kaluli-luli sabab loba kolot nu pegat tatali
mimitran jeung anak rabina. Alesanana soal atikan geus diserenkeun ka
sakola,kursus,jeung lembaga anu sejenna. Maranehna poho yen guru utama jeung
anu pangheulana mah nya nu jadi indung bapana. Ti mimiti ... hao hakeng,neleng
nengkung .... tug nepi ka dongeng enteng samemeh sare sakuduna diterapkeun ti
lingkungan imah.
Kitu sigana mah ceuk pamanggih si kuring.
Cag.
Ti pun Adi.
