Nambihan,
Bencoy bin dukuh teh kokosan tea panginten nya? Rasana amis. Pami nu haseum mah
menteng. Tah pami dukuh anu haseum mah pisitan namina.
Aya oge buah salam, campoleh, kesemek, cecenet, buah nona, limus atanapi pakel,
sarikaya, honje, kadongdong, jeeste. Mangga geura pesekan hiji-hiji.
Anapon perkawis kecap bin, sigana salami masih keneh aya ijab kabul walimahan
mah, boh ku basa sunda boh ku basa indo, kecap bin teh bakalan masih
dipikawanoh. Apanan dugika danget ayeuna ijab kabul teh masih nu eta-eta keneh:
'nampi abdi nikah ka neng tet binti tit..sareng salajengna..
Nuhun,
Deni
-----Original Message-----
From: Ki Hasan
Sent: 11/12/2011 2:51:49 pm
Subject: [kisunda] BIN ==> Re: [Urang Sunda] {urang sunda] maok buah (1)
Sok remen manggih dina postingan milis, perkara kecap "bin". Kaharti
maksudna mah, heureuy tea. Ngan katoongna ku uing, ieu kabiasaan migunakeun
"bin" jigana perlu ku urang dipalikiran deui. Misalna wae. mun jaga
sanggeus generasi awal urang Sunda melek Internet, geus tumpur kabeh. Geus
kaganti ku sababaraha generasi anyar. Meureun ieu postingan di milis teh,
bakal jiga kuburan badag arsip naskah Sunda abad siber. Heug generasi
kahareup teh, ngagalian ieu kuburan, rek nyieun kamus Sunda. Meureun salah
sahiji entrina teh "bin". Hehehe.
2011/12/11 jangdede <[email protected]>
> **
>
>
>
>
> Ngaran Bubuahan Di Kampung Anu Mindeng didahar (ku sikuring) Waktu Budak,
> biasana beunang maok atawa menta. Ngarana keur budak, teu bisa
> dikategorikeun kana kriminal. heheh........
>
>
> 1 Kalapa Ngora bin Duwegan
>
> 2 Cereme bin Cireme
>
> 3 Hangasa. Tankalna jiga kapol
>
> 4 Kapol bin Kapulaga
>
> 5 Huni. Buah tangkal huni anu ukurana sagede-gede leunca.
>
> 6 Jambu Haer / Jambu air biasana warana beureum atawa kayas. Aya
> oge anu warnana bodas.
>
> 7 Jambu Batu bin jambu kulutuk model lokal anu eusina beureum
> atawa bodas
>
> 8 Jambu Kancing ukurana leuwih leutik tibatan jambu haer. Nya
> kira-kira sagede2 kancing raksasa.
>
> 9 Jeruk kampung anu ukuranna gede sok dijieun paparahuan jeung
> dipake mengbal. Rasana haseum kacida.
>
> 10 Saga. Wanguna jiga kancing ngan teuasna kabina-bina. Rupana beureum
> ati tur herang. Mun ayeunamah beureum metalic meureun.
>
> 11 Salak
>
> 12 Reunghas. Buah tina tangkal reunghas. Nubisa didahar anu warnana
> geus beureum, nu hejo kenehmah pait kacida. Wanguna jiga buah leunca ngan
> rada teuas.
>
> 13 Kacapi. Jigana kabeh oge apal nukumaha wangun buah kacapi.
>
> 14 Lobi Lobi. Wanguna buleud sagede indung leungeun mun asak warnana
> beureum. Biasana sok dirujak atawa di loco. Diloco teh dirujak carana
> diasupkeun kana awi sabuku tuluy dirojok-rojok make halu leutik ngarah
> ancur kadangkala make gula ngarah teu haseum teuing.
>
> 15 Tundun bin rambutan anu identik jeung rasana haseum.
>
> 16 Pukih. Tah buah iyeu ayeuna masih keneh aya atawa euweuh?.
> Baheulamah sikuring sok ngalaan dinu aki. Tangkalna the pendek deukeut
> tangkal kawung. Inget mun ngala pukih the sok jeung budak bibi balik sakola
> agama tuluy di C-U (cengek uyah) nyaeta cengek jeung uyah direndos tuluy
> eta si sakadang pukih the di cocolkeun jiga kana sambel..
>
> 17 Harendong. Eta jiga leunca deui wae. Daun harendong biasana sok
> pake parab domba atawa embe. Ngalaan harendong the sok bari ngarit ngala
> parab domba jeung si Maman atawa si Tono balik sakola desa (SD).
>
> 18 Kupa. Buah iyeu rada jarang ayeunamah. Buahna haseum rada kesed bin
> sepet. Tangkal
>
> 19 Mangu bin manggis. Sok maok tinu jenatna Nini Emong adina Nini
> sikuring (ninina MJ oge). Mun kapanggih the sok dibaledogan ku jenatna Aki
> Uri tegesna salaki Nini Emong da deukeut ka saungna.
>
> 20 Bencoy buahna jiga dukuh tapi teksturna halus bin lemes cangkangna
> teh.
>
>
> --
>
> dede solehudin
>
>
>
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
[email protected]
[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
