Cenah ieu teh dikarang pakait jeung musibah Tsunami Pangandaran. Kabehna mah aya 5 sajak. Ke urang posting-keun
2012/1/1 Asep Yani <[email protected]> > ** > > > Eta teh riwayat godi dipangejatkeun kusaha? > > ------------------------------ > *From:* Ki Hasan <[email protected]> > *To:* Ki Sunda <[email protected]> > *Cc:* Baraya Sunda <[email protected]>; Urang Sunda < > [email protected]> > *Sent:* Sunday, January 1, 2012 4:16 PM > *Subject:* [kisunda] Sajak - Tanjung Kaliwung > > > TANJUNG KALIWUNG > Ku Godi Suwarna > > jungjunan, > anjeun ngejat tina rangkulan kadeudeuh > kebat pundung ti basisir, kumalayang tunggang lambak > sanggeus tresna ngawarangan di banjarkarang karancang > ngaligincing ka sagara pangancikan nu kasawang gumarabyag > mulang ukur mawa raheut jeung hangit rarawék haté > basa asih kari ruhak ‘na kikisik > > jungjunan, > horéng anjeun teu leler dibangbalérkeun > ngagugudug sabot nyumput di sédong jaladri mongkléng > teu kadongkang ku gupay kalakay méga ti langit garing > harita, mangsa tandes jeung rob-roban salah wayah > ukur parahu nu weruh yén sagara keur marudah > réh anjeun ngabarungsinang > > jungjunan, > kalan-kalan rambut anjeun ngabebela di sagara > ngaduruk pucuk balébat, ngagolakkeun punduk lambak > laut geuneuk ku amarah nu disidem di leuweung ganggeng > hawar-hawar sora anjeun jumerit awor jeung angin > gumelebug neumbrag karang salingkung tanjung > ngagederkeun jantung leuweung > > jungjunan, > geuning anjeun meupeuskeuyang > ngabedah-bedah amarah di puseur nagri jaladri > téténjrag di dasar bumi, banjarkarang digunjang-ganjing > tuluy anjeun ngabudalkeun jungkiringan gunung lambak > nu ngaguludug ti sukulangit, gumulung ngepung basisir > ngabencar-bencarkeun kalbu > > jungjunan, > anjeun mah biheung di mana > basa jerit jeung cimata kakubur ‘na ruhak lambak > barang tanjung humarurung dirurub halimun wuyung > geuning anjeun tuluy suwung ti basisir nu pasiksak > sabada saban pasini dipungkas lalancip pati > kari lembur ngalanglayung > > (pangandaran, 17-7- ’06) > > > > >
