“Hahahaha ! Ki Abd Gofar kadenge ngagakgak; hanjakal ieu budak ngora nu bakal jadi wadal tiheula; padahal Kangjeng Romo wanti2 pisan kudu digunakeunana ka Musuh Bubuyutan Romo; nya eta Ki Nurustunjung ! Tapi teu nanaon, ieu budak bisa dipake latihan. Alus pisan. “ Ngadenge omongan abd. Gofar kitu; nyel wae Jalma nafsu; ayeuna mah manehna geus teu mikir deui; lantaran nyaho eta teh salah sahiji musuh gerot Guruna; jadi manehna ayeuna mah aya sumanget pikeun tarung ulah nepi ka eleh. Bari ngalawan, Jalma merhatikeun pisan posisi2 nu dicekel ku tiap2 lawanna; manehna ayeuna sadar yen satiap nyerang nu hiji; nu sejen ngabantu ku tanaga jero; tapi ku sabab make posisi bintang; maranehna meureun geus ngalatih kalawan padu pisan; tanagana bakal gede pisan; paingan aing kadesek mundur terus; kitu pikiran Jalma; Jalma bari ngalawan bari mikir yen lamun saurang we ngajungkel tangtu ieu barisan bakal buyar ! Tapi kumaha da hese geuning; nu mana wae lamun diserang; tangtu silih bela; wah enyaan ieu barisan teh hebat pisan. Tapi aing lain ge murid KI Nurustunjung mun eleh ku nu kieu wae mah; entong eleh siah Jalma. Ti guruna Jalma geus diajar Ilmu gelap Ngampar; eta elmu teh can ngajaran digunakeun ka saha wae oge; tah ayeuna aing rek ngagunakeun elmu eta. Gelap Ngampar teh saenyana mah nyorowok atawa nyentak nu tarik; nepi ka musuh konsentrasina buyar ! Mun geus buyar mah tinggal ninggang salah sahiji, tangtu ieu barisan aneh teh bakal cambal; nya sanggeus gilig manehna konsentrasi; bari nakisan pangambreg musuh; manehna terus luncat bari nyorowok :” Ciaaaat !” HANCA
