Guyon Kulonan - Demo BBM Ku MBF jeung ARS "Ka... Kaka, ulah ngan canggeluk bae... Nangkeup hulu tuur deui... Tuh geura nongton tipi, aya bemo cenageh." Bi Satirah haruhah harehoh ngabejaan salakina. "Geuraan tuh di Batawi aya bemo." Bi Satirah neruskeun omonganana teu sabaran. "Gandeng, Tirah... dimana horeng yeuh di Batawi aya keneh bemo... Puguhan beca jeung bajay geh geus areuweuh kuwari mah." Tembal mang Sarna sangeunahna, bari nyedet daun kawung. "Lain bemo badeng Tirah, aya geh demo... Demo teu satuju naek bengsin." Ceuk mang Sarna nyambung omonganana. Jep... jempling doang gaang katincak. Teu kadenge puak-puak acan. Bi Satirah ngarenghap. Mang Sarna ngaranjug. Eungap mikiran kahirupan sapopoe. "Heu-euh nyah... lamun sakadang bebeem naek, pastina geh nu lain mah nerekel miheulaan. Beas, lauk, uyah, delan, gegesek, tambako, seupaheun, buruh make munding (ngawiluku/ngagaru), ongkos ojeg kabeh nararek....hmmmm," kitu gerenyemna biwir mang Sarna.
Alo Ocid: "Kabeh naek, kabeh teu ngeunah. Tapi aya hiji anu naek, ngeunah bari jeung resep," ceuk Mang Sarna ka pamajikana. "Naon eta?" tanya Bi Satirah. "Tanyakeun bae ka Uwa Mugi!", tembal Mang Sarna. Editing: Ki Hasan ***
